Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետ Աշոտ Սիմոնյանի մոտ կայացավ քաղաքացիների ընդունելություն 13.04.2018
Ապրիլի 13-ին մարզպետ Աշոտ Սիմոնյանի մոտ կայացավ քաղաքացիների հերթական ընդունելությունը: Նախապես ցուցակագրվել էր 13 քաղաքացի՝ Արագած, Գառնահովիտ, Ուշի, Օշական, Աղձք, Դաշտադեմ, Ուջան, Ն. Բազմաբերդ, Կարբի, Լեռնարոտ, Սասունիկ եւ Աշտարակ համայնքներից: Բոլորն էլ ներկայացան ընդունելության եւ ստացան դրական պատասխաններ: Դիմումների մեծ մասը վերաբերում էր դրամական օգնություն ստանալուն, որոնք բավարարվեցին: Ընդհանուր առմամբ՝ 11 քաղաքացի ստացավ դրամական աջակցություն: Երկու քաղաքացի անձնական հարց ներկայացրեց: Ծանոթանալով նրանց խնդիրներին՝ մարզպետը անհրաժեշտ խորհուրդներ եւ պարզաբանումներ կատարեց եւ հնարավորինս աջակցեց:
Արագածոտնում անցկացվեց շտաբային ուսումնավարժություն 12.04.2018
Արագածոտնի մարզի արտակարգ իրավիճակներում բնակչության պաշտպանության եւ քաղաքացիական պաշտպանության համակարգերի նախապատրաստման 2018 թվականի հիմնական միջոցառումների պլանի համաձայն՝ ապրիլի 12-ին մարզում անցկացվեց շտաբային ուսումնավարժություն: Գործողությունների համար ընտրվել էր ,,Հայկական ատոմային էլեկտրակայանի միջուկային եւ ճառագայթային ընդհանուր վթարի դեպքում բնակչության պաշտպանության կազմակերպումը եւ իրականացումը,, թեման: Ուսումնավարժությունը ղեկավարում էր մարզպետ Աշոտ Սիմոնյանը: Ղեկավարման շտաբի պետն էր ՀՀ արտակարգ իրավիճակների նախարարության աշխատակազմի փրկարար ծառայության Արագածոտնի մարզային փրկարարական վարչության պետ Կարապետ Մարգարյանը..........
Մարզպետի մոտ կայացավ աշխատանքային հերթական խորհրդակցությունը 11.04.2018
Ապրիլի 11-ին մարզպետ Աշոտ Սիմոնյանը հրավիրեց հերթական խորհրդակցությունը, որտեղ քննարկվեցին ընթացիկ աշխատանքների հետ կապված հարցեր: Աշխատակազմի ղեկավար Հրաչյա Գեւորգյանը ներկայացրեց պետական կառավարման մարմիններից, այլ գերատեսչություններից եւ մարզպետի կողմից տրված հանձնարարականները: Դրանց կատարման ընթացքի մասին զեկուցեցին ստորաբաժանման ղեկավարները: Քաղաքաշինության վարչության պետ Աշոտ Դավայանը տեղեկացրեց, որ ,,Վեոլիա ջուր,, ընկերության ղեկավարության հետ հանդիպումից հետո ձեռք բերված պայմանավորվածությունները հիմնականում կատարվել են, եւ այդ ուղղությամբ աշխատանքները շարունակվում են.......
Կայացավ սպորտլանդիայի մարզային փուլը 11.04.2018
Ապրիլի 10-11-ը Աշտարակի Ներսես Աշտարակեցու անվան հիմնական դպրոցում անցկացվեց ՀՀ սպորտի եւ երիտասարդության հարցերի նախարարության կողմից եւ մարզպետարանի աջակցությամբ կազմակերպված հանրակրթական դպրոցների սպորտլանդիայի մարզային փուլը: Մրցույթն անցկացվեց 1-3-րդ եւ 4-7-րդ դասարանների միջեւ, որին մասնակցեցին Աշտարակի, Թալինի, Ապարանի եւ Արագածի տարածաշրջանների տարածքային փուլում 1-ին եւ 2-րդ հորիզոնականներ զբաղեցրած դպրոցները։ Ընդհանուր հաշվարկից հետո 1-3-րդ դասարանների միջեւ 1-ին տեղը զբաղեցրեց Ներսես Աշտարակեցու անվան հիմնական դպրոցը, 2-րդ հորիզոնականը՝ Աշտարակի Վ.Պետրոսյանի անվան հիմնական, 3-րդ հորիզոնականը՝ Թալինի թիվ 2 հիմնական դպրոցները.....
Թանկագի՛ն մայրեր, քույրեր, տիկնայք եւ դուստրեր, շնորհավորում եմ ձեզ` Մայրության եւ գեղեցկության տոնի առթիվ: Մայրության եւ գեղեցկության օրը տոնվում է ապրիլի 7-ին, որն իր մեջ կրում է Հայ Առաքելական Եկեղեցու կողմից նշվող Ս.Մարիամ Աստվածածնի Ավետման տոնի խորհուրդը: Բնության զարթոնքի ու արթնացման պահին նշվող Մայրության տոնն ինքնին գեղեցկություն է: Ահա թե ինչու, տոնն իր մեջ մեկտեղել է մայրությունն ու գեղեցկությունը: Այս տոնը մեր մայրերին, քույրերին եւ կանանց մեծարելու, գնահատանքի խոսքեր հղելու հաճելի առիթ է: Կնոջ ամենաբարձր կոչումը` մայրությունը, մեր ժողովրդի համար միշտ եղել է սրբազան: Սիրելի’ հայուհիներ, շնորհավորելով գարնանային այս գեղեցիկ տոնի առթիվ՝ մաղթում եմ ձեզ ընտանեկան ջերմություն, կանացի հմայք ու երիտասարդություն: Թո՛ղ որ մայրական երջանկությունը պարուրի ձեզ, թո՛ղ որ վայելեք բնությունից ձեզ շնորհված մեծագույն առաքելության` մայրության բերկրանքը:
Արագածոտնի մարզպետ Աշոտ Սիմոնյանը 8 ամիս է, ինչ պաշտոնավարում է: Ապրիլի 5-ին նա լրագրողներին ներկայացրեց 8 ամիսների ընթացքում մարզում կատարած աշխատանքները, մարզային կյանքի խնդիրները և առաջիկա ծրագրերը: Սիմոնյանն ասաց, որ այս ընթացքում փորձել են կառավարության կողմից որդեգրված` մարզերի, տարածքների հավասարաչափ զարգացման, մարզի 2017-2025 թթ. երկարաժամկետ ռազմավարության և մարզի տարեկան աշխատանքային ծրագրերով նախատեսված գործառույթներն իրականացնել: Նա նշեց, որ մարզում առկա խնդիրները բազմաբնույթ են, և իրականացնում են այդ խնդիրների լուծմանը միտված ծրագրեր: «2017 թվականին բավական դրական տեղաշարժեր կան` շատ ցուցանիշների առումով: ,,Մենք 2017-ին մարզում ապահովեցինք սեփական եկամուտների հավաքագրման աննախադեպ ցուցանիշ, որը, 2016-ի համեմատ, մոտ 23 տոկոսով ավելի է.........
