Նորություններ
ՀՀ Արագածոտնի մարզպետ Դավիթ Գևորգյանի ուղերձը Ուսուցչի օրվա առթիվ
05.10.2019
Թանկագի՛ն ուսուցիչներ,
Ջերմորեն շնորհավորում եմ Ուսուցչի օրվա առթիվ:
Այս տոնը հրաշալի առիթ է ձեզ մեծարելու և գնահատանքի խոսքեր հղելու:
Վաղվա կիրթ ու զարգացած հասարակություն ունենալն այսօր ձեր ձեռքերում է: Ձեզ է վստահված սերունդների կրթության, դաստիարակության, մարդ տեսակի ձևավորման և արժանապատիվ քաղաքացու կերտման պատասխանատվությունը:
Սիրելի՛ մանկավարժներ, ձեր աշխատանքն ու անմնացորդ նվիրումը միմիայն հարգանքի են արժանի, ձեր փոխանցած գիտելիքներն ու խորհուրդները ձեր սաների հետագա ձեռքբերումների հիմքն ու երաշխիքն են:
Կրկին շնորհավորելով ձեզ մասնագիտական այս գեղեցիկ տոնի առթիվ՝ մաղթում եմ առողջություն, բարեկեցություն, երջանկություն և բազմաթիվ հաջողություններ: