Նորություններ
![Կայացավ Արագածոտնի մարզի 2017-2025 թվականների տարածքային զարգացման ռազմավարության նախագիծի քննարկումը Կայացավ Արագածոտնի մարզի 2017-2025 թվականների տարածքային զարգացման ռազմավարության նախագիծի քննարկումը](http://aragatsotn.mtad.am/files/n_pics/12302_s.jpg)
Փետրվարի 22-ին տեղի ունեցավ ՀՀ Արագածոտնի մարզի 2017-2025 թվականների տարածքային զարգացման ռազմավարության նախագիծի քննարկումը, որին ներկա էին մարզպետարանի աշխատանքային խմբի, ԵՄ խորհրդատվական խմբի, քաղաքային եւ գյուղական խոշոր համայնքների, հասարակական կազմակերպությունների ներկայացուցիչները: Մարզպետարանի աշխատակազմի զարգացման ծրագրերի եւ վերլուծության բաժնի պետ, աշխատանքային խմբի ղեկավար Իշխան Բարսեղյանը ներկայացրեց ծրագրի ընդհանուր հիմնադրույթները...
![Նշվեց Մայրենիի օրը Նշվեց Մայրենիի օրը](http://aragatsotn.mtad.am/files/n_pics/12290_s.jpg)
Նշվեց Մայրենիի օրը 21.02.2017
Մայրենիի օրվա առթիվ հայ մտավորականները, լեզվաբանները, ՀՀ սփյուռքի նախարարության աշխատակիցները՝ նախարար Հրանուշ Հակոբյանի գկխավորությամբ այցելեցին Օշական եւ ծաղիկներ խոնարհեցին Մեսրոպ Մաշտոցի շիրմին: Եկեղեցուն կից դպրատանը կայացավ Մայրենիին նվիրված միջոցառում, որտեղ ներկաներին ջերմորեն շնորհավորեցին նախարար Հրանուշ Հակոբյանը եւ Արագածոտնի մարզպետի տեղակալ Նունե Մովսիսյանը: Մայրենիին նվիրված ասմունքով, երգ ու պարով հանդես եկան Ագարակի միջնակարգ դպրոցի աշակերտները:
ՀՀ տրանսպորտի, կապի եւ տեղեկատվական տեխնոլոգիաների նախարարի այցը Արագածոտնի մարզ 20.02.2017
ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը աշխատանքային այցով եղավ Արագածոտնի մարզում: Մարզպետ Գաբրիել Գյոզալյանի հետ նախարարն այցելեց Թալինի տարածաշրջանի Կարմրաշեն, Ոսկեթաս եւ Զովասար համայնքներ։ Բարձր լեռնային այս գյուղերը մարզկենտրոնին կապող ճանապարհը վերանորոգման խիստ կարիք ունի: ՀՀ նախագահի հանձնարարությամբ այն ընդգրկվել է Համաշխարհային բանկի միջոցներով հիմնանորոգվող «Կենսական նշանակության ճանապարհացանցի բարելավման» 2017թ. ծրագրում։ Կհիմնանորոգվի.12 կմ երկարությամբ ճանապարհը...
![Հանդիպում Ապրիլյան պատերազմի մասնակիցների հետ Հանդիպում Ապրիլյան պատերազմի մասնակիցների հետ](http://aragatsotn.mtad.am/files/n_pics/12264_s.jpg)
Հանդիպում Ապրիլյան պատերազմի մասնակիցների հետ 15.02.2017
ՀՀ Արագածոտնի մարզպետարանի եւ Աշտարակի զինվորական կոմիսարիատի նախաձեռնությամբ Աշտարակի Պերճ Պռոշյանի անվան դպրոցի դահլիճում տեղի ունեցավ Արագածոտնի մարզից Ապրիլյան պատերազմին մասնակցած ժամկետային զինծառայողների մեծարման միջոցառում: Ներկաները ծանոթացան մարտիկների հետ, լսեցին նրանց կատարած հերոսությունների մասին պատմություններ....
Վերին Բազմաբերդում կայացավ համայնքապետի ընտրություն 13.02.2017
Փետրվարի 12-ին Արագածոտնի մարզի Վերին Բազմաբերդ համայնքում կայացավ համայնքի ղեկավարի հերթական ընտրություն: Նախնական տվյալներուվ համայնքի ղեկավար է ընտրվել ՀՅԴ անդամ Արտաշես Սաֆարյանը, ով գործող գյուղապետն էր: Նրա օգտին քվեարկած կողմ ձայները 145 են: Մյուս թեկնածուն անկուսակցական Գրիշա Գրիգորյանն էր, ով հավաքել է 127 կողմ ձայն: Վերն Բազմաբերդում ընտրողների ընդհանուր թիվը 345 է, որից քվերակությանը մասնակցել է 272-ը: Ընտրություններն անցել են հանգիստ, ընտրական օրենսգրքի պահանջներին համապատասխան:
Տեղեկատվություն Արագածոտնի մարզում հունվար ամսին գրանցված ծնունդների մասին 02.02.2017
Արագածոտնի մարզի ծննդատներում 2017 թ.հունվար ամսին գրանցվել է 56 ծնունդ: Նրանցից 25-ը աղջիկ է, 31-ը` տղա: Մարզպետարանի առողջապահության եւ սոցիալական ապահովության վարչությունը ներկայացրել է հետեւյալ տեղեկատվությունը. Աշտարակի տարածաշրջանում գրանցվել է 23 ծնունդ՝ 9 աղջիկ, 14 տղա, Թալինի տարածաշրջանում՝ 14 ծնունդ, 8 աղջիկ, 6 տղա, Ապարանի տարածաշրջանում՝ 15 ծնունդ, 6 աղջիկ, 9 տղա, Արագածի տարածաշրջանում՝ 4 ծնունդ, 2 աղջիկ, 2 տղա: