Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հուշակոթողի բացում` ի հիշատակ անհայտ կորածների 29.06.2016
Հունիսի 29-ին մեր հանրապետությունում նշվում է անհայտ կորած ազատամարտիկների հիշատակի օրը: Այդ առիթով Արագածոտնի մարզային միջոցառումն այս անգամ անցկացվեց Ավանում, որտեղ երախտագետ հանրությունն իր հարգանքի տուրքը մատուցեց մարզի 11 անհայտ կորածներին: Նախորդ տարի, Հայոց ցեղասպանության 100 ամյակի կապակցությամբ, գյուղի բարերար Պետրոս Պետրոսյանի միջոցներով այստեղ հիմնվել է ,,Անմահների պուրակ,,...
Տեղի ունեցավ զորակոչային հանձնաժողովի նիստ 28.06.2016
Հունիսի 28-ին մարզպետ Գաբրիել Գյոզալյանի մոտ տեղի ունեցավ Արագածոտնի մարզային զորակոչային հանձնաժողովի նիստ, որին մասնակցում էին Աշտարակի, Ապարանի եւ Թալինի զինվորական կոմիսարները եւ զորակոչային հանձնաժողովի մյուս անդամները: Քննարկվեցին 2016 թվականի ամառային զորակոչի նախապատրաստական աշխատանքների ընթացքի հետ կապված հարցեր: Մարզպետ, զորակոչային հանձնաժողովի նախագահ Գաբրիել Գյոզալյանին զեկուցվեց, որ զորակոչի նախապատրաստական աշխատանքներն ընթանում են բնականոն հունով, ըստ սահմանված ժամանակացույցի: Զինկոմիսարները հավաստիացրին, որ իրենց առջև դրված խնդիրները կկատարվեն` համապատասխան նախատեսված պլանների:
Աշխատանքի և սոցիալական հարցերի նախարարի այցը Արագածոտնի մարզ 28.06.2016
Աշխատանքի և սոցիալական հարցերի նախարար Արտեմ Ասատրյանը հունիսի 28-ին աշխատանքային այցով ժամանեց Արագածոտնի մարզ: Մարզպետ Գաբրիել Գյոզալյանը և նախարարը այցելեցին Ապարան քաղաք, որտեղ կազմակերպվել էր աշխատաշուկա: Կրթական, առողջապահական, արտադրական կազմակերպությունները, անհատ ձեռնարկատիրական ընկերություններն ու ՍՊԸ-ները ներկայացրին իրենց ոլորտներում առկա թափուր աշխատատեղերը, որոնք հետաքրքրեցին աշխատանք փնտրող անձանց, երիտասարդներին, ուսանողներին...
ՀՀ Սպորտի եւ երիտասարդության հարցերի նախարարի աշխատանքային այցը Արագածոտնի մարզ 14.06.2016
Հունիսի 14-ին ՀՀ սպորտի եւ երիտասարդության հարցերի նախարար Գաբրիել Ղազարյանի աշխատանքային օրն անցավ Արագածոտնի մարզում: Այցն սկսվեց մարզպետ Գաբրիել Գյոզալյանի հետ հանդիպմամբ: Քննարկվեցին մարզական ոլորտի զարգացման, հանրակրթական դպրոցների մարզադահլիճների վերանորոգման եւ կահավորման, մարզադպրոցների գործունեության հետ կապված հարցեր: Առկա հիմնախնդիրներին ծանոթանալու նպատակով նախարարը եւ մարզպետը այցելեցին մի շարք համայնքներ...
Երեխաների ամառային հանգիստը`մանկական ճամբարում 13.06.2016
ՀՀ Կառավարության կողմից իրականացվող ծրագրով այս տարի Արագածոտնի մարզի երեխաները կհանգստանան Ծաղկաձորի Աղբյուր մանկական ճամբարում: Ծրագիրը նախատեսված է սոցիալապես անապահով, ծնողազուրկ, զոհված եւ հաշմանդամ ազտամարտիկների ու զինծառայողների ընտանիքների երեխաների համար: Մարզպետ Գաբրիել Գյոզալյանի հանձնարարությամբ սոցիալական աջակցության տարածքային գործակալություններում հստակեցվել են համապատասխան կարգավիճակ ունեցող երեխաների ցուցակները: Ընդհանուր առմամբ, ճամբար կմեկնի 7-13 տարեկան 350 երեխա : Նրանք կհանգտանան 3 հերթափոխով` հունիսի 20-ից մինչեւ օգոստոսի 16-ն ընկած ժամանակահատվածում...
Փոխնախարար Շավարշ Քոչարյանի աշխատանքային այցը Արագածոտնի մարզ 11.06.2016
ՀՀ վարչապետի` Հայաստանի մարզեր այցեր իրականացնելու հանձնարարականի շրջանակում հունիսի 10-ին կայացավ ԱԳ նախարարի տեղակալ Շավարշ Քոչարյանի աշխատանքային այցն Արագածոտնի մարզ և հանդիպումը բնակչության հետ: ՀՀ Արագածոտնի մարզպետ Գաբրիել Գյոզալյանի մասնակցությամբ մարզպետարանում տեղի ունեցած հանդիպման ընթացքում ԱԳ նախարարի տեղակալը ներկայացրեց Հայաստանի արտաքին քաղաքական օրակարգի հիմնական ուղղությունները և խնդիրները, փոխհարաբերություններն անմիջական հարևանների, ինչպես նաև Ռուսաստանի, ԱՄՆ-ի, Եվրոպական միության հետ: Շավարշ Քոչարյանը պատասխանեց ներկաներին հետաքրքրող բազմաթիվ հարցերին, որոնք, մասնավորապես, վերաբերում էին ապրիլի սկզբին Ադրբեջանի կողմից Արցախի նկատմամբ սանձազերծված ագրեսիային և ԼՂ հիմնահարցի կարգավորմանը:
