Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ Արագածոտնի մարզպետ Գաբրիել Գյոզալյանի շնորհավորական ուղերձը Հանրապետության տոնի առթիվ

ՀՀ Արագածոտնի մարզպետ Գաբրիել Գյոզալյանի շնորհավորական ուղերձը Հանրապետության տոնի առթիվ 28.05.2016

Հարգելի’ հայրենակիցներ, Շնորհավորում եմ նշանակալից այս տոնի՝ Հայաստանի առաջին հանրապետության օրվա առթիվ: 1918թ. մայիսի 28-ին Հայաստանի Հանրապետության հռչակումը իրականություն դարձավ Սարդարապատի, Բաշ-Ապարանի եւ Ղարաքիլիսայի ճակատամարտերում մեր ժողովրդի մղած, հիրավի, հերոսական պայքարի արդյունքում: Բախտորոշ այդ իրադարձությամբ դարերի ընդմիջումից հետո վերականգնվեց հայոց անկախ պետականությունը: Նոր հեռանկարներ բացվեցին մեր պետության ապագան սեփական ուժի զորությամբ կերտելու, աշխարհի հետ ներդաշնակ զարգացման ուղին ոտք դնելու համար...

Արագածոտնում նշվեց Հանրապետության  օրը

Արագածոտնում նշվեց Հանրապետության օրը 28.05.2016

Մայիսի 28-ը բազմամարդ էր Ապարանի ,,Վերածնունդ,, կոչվող հուշահամալիրը: Ավանդույթի համաձայն, այստեղ կայացավ Հանրապետության օրվան նվիրված մարզային գլխավոր տոնակատարությունը: Համալիրը կառուցված է մի վայրում, ուր տեղի է ունեցել Բաշ-Ապարանի հերոսական ճակատամարտը եւ խորհրդանշում է մեր ժողովրդի պատմության կարեւորագույն իրադարձությունների՝ Մեծ եղեռնի նահատակների, Հայրենական եւ Արցախյան պատերազմների զոհերի հիշատակը: Տոնակատարությանը ներկա էին մարզպետ Գաբրիել Գյոզալյանը եւ մարզի ողջ ղեկավարությունը, պետական բարձրաստիճան պաշտոնյաներ, հոգեւոր-մշակութային ոլորտի ներկայացուցիչներ, բազմաթիվ հյուրեր այլ մարզերից եւ համայնքներից...

Դպրոցներում հնչեց Վերջին զանգը

Դպրոցներում հնչեց Վերջին զանգը 27.05.2016

Արագածոտնի մարզի 119 հանրակրթական դպրոցում մայիսի 27-ին հնչեց Վերջին զանգը: 2015-2016 ուսումնական տարում, ընդհանուր առմամբ, հիմնական դպրոցն ավարտում է 1289, միջնակարգը` 1146, ավագը` 270 աշակերտ: Բոլոր դպրոցներում կազմակերպվեցին հանդիսություններ, որոնց ներկա էին մարզպետարանի ներկայացուցիչները: Նրանք շրջանավարտներին փոխանցեցին մարզպետ Գաբրիել Գյոզալյանի շնորհավորանքը` ուղղված շրջանավարտներին, ուսուցիչներին եւ ծնողներին: Ձեւավորված ավանդույթի համաձայն, Վերջին զանգի արարողությունը զուգորդվեց Վերջին դասով, որին թե՛ աշակերտները, թե՛ նրանց ուսուցիչները, եւ թե՛ հյուրերը մասնակցեցին առանձնակի հուզականությամբ եւ ջերմությամբ...

ՀՀ Արագածոտնի մարզպետ Գաբրիել Գյոզալյանի շնորհավորական ուղերձը 2015-2016 ուսումնական տարվա ավարտի կապակցությամբ

ՀՀ Արագածոտնի մարզպետ Գաբրիել Գյոզալյանի շնորհավորական ուղերձը 2015-2016 ուսումնական տարվա ավարտի կապակցությամբ 26.05.2016

Սիրելի՛ շրջանավարտներ, ուսուցիչներ, ծնողներ, շնորհավորում եմ բոլորիդ` դպրոցական ուսումնական տարվա ավարտի կապակցությամբ: Տոնական այս օրը գեղեցիկ ավանդույթ է ձեւավորվել: Կրթօջախներում վերջին դասի հետ հնչում է վերջին զանգը, որի ղողանջները ուղեկցելու են ձեզ ողջ կյանքի ընթացքում` հաճելի հիշողություններ պարգեւելով աշակերտական անհոգ ու մտերմիկ կյանքի, դասընկերների, սիրելի ուսուցիչների մասին: Բնական է այն հուզմունքը, որով համակված` դուք հրաժեշտ եք տալիս հարազատ դպրոցին, ուսուցիչներին եւ համադասարանցիներին: Դուք ավարտում եք ձեր կյանքի կարեւոր փուլերից մեկը եւ մուտք եք գործում պատասխանատու մի շրջան...

Արագածոտնի դպրոցների տնօրենների խորհրդակցությանը մասնակցեց ՀՀ կրթության եւ գիտության նախարարը

Արագածոտնի դպրոցների տնօրենների խորհրդակցությանը մասնակցեց ՀՀ կրթության եւ գիտության նախարարը 25.05.2016

Մայիսի 25-ին կայացավ Արագածոտնի հանրակրթական դպրոցների տնօրենների տարեվերջյան խորհրդակցությունը, որին մասնակցում էր ՀՀ կրթության եւ գիտության նախարար Լեւոն Մկրտչյանը: Ողջունելով ներկաներին, մարզպետ Գաբրիել Գյոզալյանն անդրադարձավ նախորդ խորհրդակցության ժամանակ քննարկված հարցերին եւ իր կողմից տրված հանձնարարականների կատարման ընթացքին: Նա նշեց, որ որոշակի շտկումներ են կատարվել տարիֆիկացիաների եւ բյուջեների կազմման, ինչպես նաեւ աշակերտների տեղաշարժերի, մանկավարժների դասաբաշխման գործընթացների մեջ...

Ուժեղ քամին վնասներ է պատճառել 23.05.2016

Մայիսի 23-ին, կեսօրից հետո ուժեղ քամի է գրանցվել Արագածոտնի մարզում, որն ուղեկցվել է անձրեւաբեր տեղումներով: Մարզայհին փրկարարական վարչությունից տեղեկացրին, որ ահազանգեր են ստացվել Թալին, Ուջան, Ավան համայնքներից, որտեղ հիմնականում վնասվել են շինությունների տանիքներ: Մասամբ վնասվել են Աշտարակ քաղաքի հոսանքի լարերը: Մարզպետ Գաբրիել Գյոզալյանի հանձնարարականով քամու պատճառած վնասի չափերը ճշգրտվում են:

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-18 17:30:50