Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Աշտարակում կայացավ ,,Հայկական ավանդական խաղեր,, փառատոնը 11.06.2018
Արագածոտնի մարզկենտրոն Աշտարակ քաղաքում կազմակերպվել էր ,,Հայկական ավանդական խաղեր,, փառատոնը: Միջոցառման նպատակն էր վերականգնել, վերհիշել եւ սերունդներին փոխանցել հայկական ավանդական այն խաղերը, որոնցով ժամանակին մեր պապերն ու հայրերն են խաղացել: Դրանք իրենց մեջ հետաքրքրաշարժություն, ուժ, ճարպկություն, խելամտություն են պարունակել՝ երեխաների մոտ դաստիարակելով կամք եւ նպատակասլացություն: Քարկտիկ, յոթ քար, հոլ, չլիկ, լախտախաղ, գծագնդակ, էծակռիվ, հավալավա եւ այլն. ահա այն խաղերի ցանկը, որոնք ներգրավված էին փառատոնի մրցութային ծրագրում.........
Մարզպետ Աշոտ Սիմոնյանի մոտ կայացավ քաղաքացիների ընդունելություն 08.06.2018
Քաղաքացիների ընդունելությունների անցկացման կարգի համաձայն՝ Արագածոտնի մարզպետ Աշոտ Սիմոնյանի մոտ քաղաքացիների ընդունելություն է սահմանված յուրաքանչյուր ուրբաթ օր: Հերթական ընդունելությունը կայացավ հունիսի 8-ին: Նախապես ցուցակագրվել էր 21 քաղաքացի, սակայն ընդունելությանը մասնակցեց ավելին՝ 27 մարդ: Նրանք եկել էին Օշական, Ոսկեվազ, Ուջան, Գեղաձոր, Նոր Ամանոս, Հնաբերդ, Կաքավաձոր, Վարդենուտ, Ուշի, Կոշ, Սասունիկ. Ն Բազմաբերդ, Մաստարա, Ղազարավան, Կաթնաղբյուր համայնքներից, Ապարան համայնքի Արագած բնակավայրից եւ Աշտարակ քաղաքից.........
Քննական գործընթացը՝ Արագածոտնի դպրոցներում 08.06.2018
Հունիսի 8-ին Արագածոտնի մարզում մեկնարկեցին միասնական քննությունները: Աշտարակի Նորայր Սիսակյանի անվան թիվ 5 ավագ դպրոցում, որտեղ անց են կացվում քննությունները, առկա են անհրաժեշտ բոլոր պայմանները: Միասնական առաջին քննությունները կենսաբանություն, աշխարհագրություն եւ համաշխարհային պատմություն առարկաներից էին: Քննությունների մասնակիցների թիվը ընդհանուր առմամբ 22 էր: Կենսաբանությունից քննություն հանձնեց 14, աշխարհագրությունից՝ 7, համաշխարհային պատմությունից՝ 1 շրջանավարտ: Մարզպետ Աշոտ Սիմոնյանի հանձնարարությամբ մարզպետարանի կրթության, մշակույթի եւ սպորտի վարչության պետ Մ. Աբգարյանն ու մասնագետներն այցելեցին դպրոց եւ հետեւեցին քննական գործընթացին: Քննական ողջ ընթացքն անցել է հանգիստ, առանց խոչընդոտների եւ լարվածության.......
Ապարանում վերաբացվեց քաղաքացիների սպասարկման գրասենյակ 08.06.2018
Ապարան քաղաքում վերաբացվել է Քաղաքացիների սպասարկման գրասենյակ: Այն հիմնադրվել է դեռևս 2005թվականին, իսկ 2018թվականին վերանորոգվել և տեխնիկապես վերազինվել է Գերմանիայի միջազգային համագործակցության ընկերության կողմից իրականացվող «Լավ տեղական ինքնակառավարում Հարավային Կովկասում» ծրագրի շրջանակում: Ծրագիրն իրականացվում է Գերմանիայի տնտեսական համագործակցության և զարգացման դաշնային նախարարության աջակցությամբ և Հայաստանում՝ Շվեյցարիայի զարգացման և համագործակցության գործակալության և ԱՄՆ միջազգային զարգացման գործակալության համաֆինանսավորմամբ, ՀՀ տարածքային կառավարման և զարգացման նախարարության հետ համատեղ..........
Մարզպետ Աշոտ Սիմոնյանը հրավիրեց աշխատանքային առաջին խորհրդակցությունը 06.06.2018
Արագածոտնի մարզպետ Աշոտ Սիմոնյանը վերանշանակվելուց հետո հրավիրեց աշխատանքային առաջին խորհրդակցությունը: Մասնակցում էին մարզպետի տեղակալները, աշխատակազմի ղեկավարը, մարզպետի խորհրդականներն ու օգնականները, կառուցվածքային ստորաբաժանումների ղեկավարները: Աշխատակազմի ղեկավար Հրաչյա Գեւորգյանը ներկայացրեց այն հանձնարարականները, որոնք ստացվել են ՀՀ վարչապետի, կառավարության, նախարարությունների եւ այլ գերատեսչությունների կողմից: Ստորաբաժանումների ղեկավարները զեկուցեցին դրանց կատարման ընթացքի մասին........
Երեխաների ամառային հանգիստը կկազմակերպվի ,,ԼԱՎԱ Աղբյուր,, մանկական ճամբարում 05.06.2018
Արագածոտնի մարզի երեխաները ամռանը կհանգստանան Ծաղկաձորի ,,ԼԱՎԱ Աղբյուր,, մանկական ճամբարում: ՀՀ Կառավարության կողմից իրականացվող ծրագիրը նախատեսված է զոհված, հաշմանդամ դարձած զինծառայողների, ծնողազուրկ ու սակավ ապահովված բազմազավակ ընտանիքների 7-13 տարեկան դպրոցահասակ երեխաների համար: Այս տարի մարզից ընդհանուր առմամբ ճամբար կմեկնի 355 երեխա: Նրանք կհանգստանան 3 հերթափոխով` հունիսի 19-ից մինչեւ հուլիսի 8-ը, հուլիսի 8-ից մինչեւ հուլիսի 27-ը եւ հուլիսի 27-ից մինչեւ օգոստոսի 15-ը: Ներկայումս տարվում են ցուցակների կազմման եւ կազմակերպչական այլ աշխատանքներ......
