Նորություններ
ՔԱՂԱՔԱՑԻՆԵՐԻ ԸՆԴՈՒՆԵԼՈՒԹՅՈՒՆԸ ԿԿԱՅԱՆԱ ՏԱՐԱԾԱՇՐՋԱՆՆԵՐՈՒՄ 11.02.2014
Քաղաքացիների ընդունելությունների կազմակերպման սահմանված կարգի համաձայն, ՀՀ Արագածոտնի մարզպետ Սարգիս Սահակյանը 2014 թ. մարտի 14-ին, ժամը 12.00-ին Թալինի տարածաշրջանի քաղաքացիների համար ընդունելություն կկազմակերպի Թալինի քաղաքապետարանում, մարտի 21-ին, ժամը 12.00-ին՝ Ապարանի քաղաքապետարանում՝ Ապարանի տարածաշրջանի քաղաքացիների համար, մարտի 28-ին, ժամը 12.00-ին՝ Ծաղկահովիտի համայնքապետարանում՝ Արագածի տարածաշրջանի բնակիչների համար:
![Արագածոտնի մարզում շարունակվում են Բանակի օրվան նվիրված միջոցառումները Արագածոտնի մարզում շարունակվում են Բանակի օրվան նվիրված միջոցառումները](http://aragatsotn.mtad.am/files/n_pics/4706_s.jpg)
Արագածոտնի մարզում շարունակվում են Բանակի օրվան նվիրված միջոցառումները 10.02.2014
Արագածոտնի մարզի Ոսկեհատ համայնքի Խրիմյան Հայրիկի անվան դպրոցում կայացավ հանդիսավոր արարողություն՝ նվիրված Բանակի օրվան: Ներկա էին մարզպետ Սարգիս Սահակյանը, փոխմարզպետ Նունե Մովսիսյանը, գեներալ-լեյտենանտ Մուրազ Սարգսյանը, Արագածոտնի թեմի առաջնորդարանի դիվանապետ Արշակ եպիսկոպոս Խաչատրյանը, Ոսկեվազի հովվության հոգեւոր հովիվ Տեր Զորայր քահանա Կարապետյանը, «Զինվոր» հ/կ համակարգող խորհրդի նախագահ Մարգարիտա Խաչատրյանը...
Քաղաքացիների ընդունելություն՝ մարզպետի մոտ 07.02.2014
Փետրվարի 2-ին Արագածոտնի մարզպետ Սարգիս Սահակյանի մոտ կայացավ քաղաքացիների ընդունելություն: Ցուցակագրված 16 քաղաքացիները բոլորն էլ ներկայացել էին: Եվս 10 քաղաքացի ընդունելության եկան առանց նախապես հերթագրման: Բոլոր քաղաքացիներն էի ունեին դրամական օգնության խնդիր: Բոլորի դիմումներն էլ բավարարվեց: Բացի այդ հարցը, քաղաքացիներից մեկը ուներ նաեւ երեխայի աչքի վիրահատության, մեկ ուրիշը՝ կենսաթոշակի վերահաշվարկի խնդիր: Երկու հարցերի կապակցությամբ էլ մարզպետը համապատասխան ստորաբաժանման ղեկավարներին հանձնարարեց տեղում ուսումնասիրել հարցը: Դրանց լուծման խնդիրը դրվեց ընթացքի մեջ:
Մարզպետը մասնակցեց նորակոչիկների երդման արարողությանը 03.02.2014
Փետրվարի 2-ին Արագածոտնի մարզպետ Սարգիս Սահակյանը այցելեց ՀՀ ՊՆ Մուղնիում տեղակայված զորամաս, որտեղ կայացավ նորակոչիկների երդման արարողություն: Այդ կապակցությամբ զորամաս էին այցելել նաեւ ՀՀ զինված ուժերի բարձրաստիճան պաշտոնյաներ, նորակոչիկների ծնողներ, հարազատներ ու մտերիմներ: Հանդիսավոր պայմաններում նորակոչիկները հայրենիքին անմնացորդ եւ հավատարիմ ծառայելու երդում տվեցին: Նրանց օրհնանքի խոսք հղեց Արագածոտնի թեմի հոգեւոր դասի ներկայացուցիչը, որին հաջորդեցին ներկաների շնորհավորանքները: Ողջույնելով նորակոչիկներին, մարզպետ Սարգիս Սահակյանը շնորհավորեց Հայոց բանակի կազմավորման 22-րդ տարեդարձի եւ այդ բանակում նրանց ծառայության անցնելու կապակցությամբ...
![Արագածոտնի մարզային գրադարանում նշվեց Պարույր Սևակի 90 ամյակը Արագածոտնի մարզային գրադարանում նշվեց Պարույր Սևակի 90 ամյակը](http://aragatsotn.mtad.am/files/n_pics/4648_s.jpg)
Արագածոտնի մարզային գրադարանում նշվեց Պարույր Սևակի 90 ամյակը 01.02.2014
Արագածոտնի Վ. Պետրոսյանի անվ. մարզային գրադարանը միջոցառում էր պատրաստել հայ մեծ բանաստեղծ Պ. Սևակի ծննդյան 90 ամյակի կապակցությամբ: Գրադարանի աշխատակիցները ներկայացրին գրական կոմպոզիցիա` նվիրված մեծ պոետի կյանքին ու ստեղծագործությանը` առավելապես անդրադառնալով բանաստեղծի սիրերգությանը, այդ թվում հանրահայտ ,,Երգ երգոց>,,ին...
Ծննունդների թիվը՝ հունվար ամսին 01.02.2014
Արագածոտնի մարզի ծննդատներում 2014 թ. հունվար ամսին, ընդհանուր առմամբ, գրանցվել է 99 ծնունդ: Նրանցից 53-ը տղա է, 46-ը՝ աղջիկ: Մարզպետարանի առողջապահության եւ սոցիալական ապահովության վարչության տվյալներով Աշտարակի տարածաշրջանում ծնվել է 28 երեխա: Այստեղ տղաների եւ աղջիկների թիվը հավասար է՝ 14-ական: Ապարանում եւս հավասարաչափ տղա եւ աղջիկ են ծնվել՝ ընդամենը 18 երեխա: Թալինում ծնվել է 37 երեխա: Այստեղ գերակշռում են տղաները՝ 21, աղջիկների թիվը 16 է: Արագածի տարածաշրջանում գրանցվել է 16 ծնունդ, 9 տղա, 7 աղջիկ: Նախորդ ամսվա՝ 2013թ. դեկտեմբերի համեմատ, ի դեպ ծնունդների թիվը մարզում ավելացել է 7-ով: