Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Լրացավ Հայաստանի ազգային հերոս Թաթուլ Կրպեյանի ծննդյան 50-րդ տարեդարձը 21.04.2015
Ապրիլի 21-ին լրացավ Արցախյան ազատամարտի մասնակից, Հայաստանի ազգային հերոս Թաթուլ Կրպեյանի ծննդյան 50-րդ տարեդարձը: ՀՀ պաշտպանության նախարարության եւ Արագածոտնի մարզպետարանի համատեղությամբ եւ մարզպետ Սարգիս Սահակյանի աջակցությամբ տարեդարձի առթիվ հիշատակի և ոգեկոչման միջոցառում էր կազմակերպվել նրա հայրենի Թաթուլ գյուղում...
Մարզպետը Կաթնաղբյուր համայնքում մասնակցեց ցեղասպանության 100 ամյակին նվիրված հուշակոթողի բացմանը 20.04.2015
Ապրիլի 20-ին Կաթնաղբյուր համայնքում տեղադրվեց Հայոց ցեղասպանության 100 ամյակին նվիրված հուշակոթող: Բացման հանդիսավոր արարողությանը մասնակցեց մարզպետ Սարգիս Սահակյանը: Ներկա էին նաեւ համայնքների ղեկավարներ, բազմաթիվ հյուրեր, համագյուղացիներ: Հուշակոթողը, որի համար տեղ է հատկացվել գյուղի կենտրոնական հատվածում, իրենից ներկայացնում է երկու մասից բաղկացած ժայռի պատկեր: Դրանց միջից ժայթքել է երկու խորան, որից մեկը խորհրդանշում է Արեւմտյան, մյուսը` Արեւելյան Հայաստանը: Խորանների վերնամասում պատկերված են արեւային ժամացույցը եւ նուռը` իբրեւ աշխարհի միասնության գաղափարի արտահայտիչ: Ժայռերից մեկի վրա գրված է տաղանդավոր արձակագիր, կաթնաղբյուրցի Մուշեղ Գալշոյանի խոսքերը...
Ցեղասպանության 100-ամյա տարելիցին նվիրված ցերեկույթ` Աշտարակի Պերճ Պռոշյանի անվան դպրոցում 18.04.2015
Մարզպետ Սարգիս Սահակյանը, ով նախագահում է Հայոց ցեղասպանության 100-րդ տարելիցին նվիրված միջոցառումները համակարգող մարզային հանձնաժողովը, ապրիլի 18-ին մասնակցեց Աշտարակի Պերճ Պռոշյանի անվան դպրոցում կայացած ,,Իմ պապերի հավերժական անդաստան,, խորագրով ցերեկույթին` որը նվիրված էր Հայոց ցեղասպանության 100-ամյա տարելիցին: Միջոցառումը նպատակ ուներ ներկայացնել պատմական այդ ժամանակաշրջանը իր ողջ բովանդակությամբ, կոլորիտային, կենցաղային մանրամասներով: Պատմական իրադարձությունները ներկայացվեցին խաղարկային բեմականացմամբ: Ցուցադրվեցին աշխատանքային պատկերներ` լավաշի թխման, խնոցի հարելու, գորգագործության, խոտհնձի եւ այլ գործընթացներ...
Հիշատակի միջոցառում Արագածում` Հայոց ցեղասպանության 100 ամյակի առթիվ 17.04.2015
,,Այսքան արյուն թե մեզ ներեն մեր որդիք, թող ողջ աշխարհն հային կարդա նախատինք,,. այս խորագիրն էր կրում միջոցառումը, որ կայացավ ապրիլի 17-ին Արագած համայնքում: Մշակույթի տան դահլիճը լեփ-լեցուն էր բազնաթիվ հյուրերով, համագյուղացիներով: Մասնակցում էր նաեւ Արագածոտնի մարզպետ Սարգիս Սահակյանը: Թեմային համահունչ կերպարի մեջ էր դահլիճը, որի մի անկյունում ներկայացված էր Ծիծեռնակաբերդի հուշահամալիրի մանրակերտը, շուրջը` վառվող մոմերով...
Մարզպետին առընթեր երիտասարդական խորհուրդը կազմակերպեց կլոր սեղան 16.04.2015
Հայոց ցեղասպանության 100 ամյակին նվիրված միջոցառումների ծրագրի շրջանակում ապրիլի 15-ին Արագածոտնի մարզպետին առընթեր երիտասարդական խորհուրդը կազմակերպեց կլոր սեղան: ,, ՀՀ արտաքին քաղաքական ձեռքբերումները հայոց ցեղասպանության ճանաչման գործում,, թեմայով կլոր սեղանին մասնակցեցին նաեւ մարզպետի տեղակալ Նունե Մովսիսյանը, ով մասնագիտությամբ պատմաբան է, պատմաբաններ, պատմական գիտությունների թեկնածու Աշոտ Շահինյանը, Ավիկ Հարությունյանը եւ այլ մասնագետներ:
Հուշարձանի բացում` Կաթնաղբյուր համայնքում 16.04.2015
2015թ. Ապրիլի 20-ին ժամը 1200-ին Արագածոտնի մարզի Կաթնաղբյուր համայնքում տեղի կունենա Հայոց ցեղասպանության 100 ամյակին նվիրված եւ ոճրագործության անմեղ զոհերի հիշատակը հավերժացնող հուշակոթողի բացման հանդիսավոր արարողություն: ՀՀ Արագածոտնի մարզպետարան Կաթնաղբյուրի գյուղապետարան
