Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Արագածոտնի մարզպետ Գաբրիել Գյոզալյանի շնորհավորական ուղերձը՝ Սահմանադրության օրվա առթիվ 04.07.2017
Հարգելի՛ հայրենակիցներ, շնորհավորում եմ բոլորիս՝ Սահմանադրության օրվա առթիվ : Հուլիսի 5-ին նշվող այս տոնը կարեւոր ու պատմական օր է մեր երկրի ու ժողովրդի կյանքում: Սահմանադրության ընդունումն ու պահպանումը ցանկացած ժողովրդի ու պետության համար կարևորագույն նշանակություն ունի, այն երկրի բնականոն զարգացման ու ներքին խաղաղության, ժողովրդավարության ու համերաշխության խորհրդանիշն է: Մեր երկրի Մայր օրենքը մեր երկրի հետագա առաջընթացի հիմքն է ու հենարանը: Այն արտահայտում է մեր ժողովրդի ընտրած ուղին, ազատ, ժողովրդավարական հասարակություն և սոցիալական ու իրավական պետություն կառուցելու նրա հավատամքն ու հաստատակամությունը: Սրտանց շնորհավորելով Սահմանադրության օրվա առթիվ, մաղթում եմ խաղաղ ու բարեկեցիկ կյանք մեր ժողովրդին ու ամրություն՝ երկրի սահմաններին:
Մեկնարկեց 2017 թվականի երկրորդ՝ ամառային զորակոչը 01.07.2017
Արագածոտնի մարզում հուլիսի 1–ին մեկնարկեց 2017 թվականի երկրորդ զորակոչը: Մարզկենտրոն Աշտարակ քաղաքի զինկոմիսարիատից զամկետային զինվորական ծառայության ճանապարհեցին առաջին զինակոչիկներին: Ավանդույթի համաձայն, դեպի բանակ նորակոչիկներին ճանապարհեցին հանդիսավոր կերպով: Հոգեւոր դասի կողմից կատարվեց օրհնանքի արարողություն: Զինակոչիկներին ճանապարհելու էր եկել նաեւ մարզպետ Գաբրիել Գյոզալյանը: Ողջունելով նրանց, մարզպետը բարի ծառայություն, ուժ եւ կորով, խաղաղություն, անվտանգություն մաղթեց ...
ՀՀ գյուղատնտեսության նախարար Իգնատի Առաքելյանն աշխատանքային այցով այցելել է Արագածոտնի մարզ 30.06.2017
ՀՀ գյուղատնտեսության նախարար Իգնատի Առաքելյանն այսօր աշխատանքային այց է կատարել Արագածոտնի մարզ, որտեղ խորհրդակցություն է անցկացրել Արագածոտնիմարզպետ Գաբրիել Գյոզալյանի և գյուղատնտեսության նախարարի տեղակալ Աշոտ Հարությունյանի մասնակցությամբ: Անդրադառնալով ՀՀ կառավարության 2018-2022 թվականների ծրագրում գյուղատնտեսության բաժնին` նախարարը մանրամասնորեն ներկայացրել է կաթիլայինհամակարգի, հակակարկտային ցանցերի, ինտենսիվ այգիների ներդրման, գյուղատնտեսական հումքի մթերումների նպատակով ագրովերամշակման ոլորտին տրամադրվողվարկերի տոկոսադրույքների մասնակի սուբսիդավորման փորձնական ծրագրերը...
Քննարկվեց ,,Ինտեգրված սոցիալական ծառայություններ,, ծրագիրը 30.06.2017
ՀՀ Արագածոտնի մարզպետարանում տեղի ունեցավ սեմինար-խորհրդատվություն, որտեղ քննարկվեց ,,Ինտեգրված սոցիալական ծառայություններ,, ծրագիրը: Այն իր մեջ ներառում է միջգերատեսչական սոցիալական համագործակցություն, որը վերաբերում է սոցիալական աջակցության տարածքային գործակալությունների կողմից տնային այցելությյուններ կատարելուն, սոցիալական դեպքի վարման մեթոդական ցուցումներըին եւ համալիր աջակցությանը վերաբերող հարցեր:
Սոցիալական աջակցություն՝ կարիքավոր ընտանիքներին 29.06.2017
ՀՀ Արագածոտնի մարզպետարանի հետ համատեղ հերթական ծրագիրն իրականացրեց ,,Լայթ-Հաուս,, միջազգային բարեգործական կազմակերպությունը: Շահառուներին՝ շուրջ 75 ընտանիքի, մարզպետարանում հանձնվեցին օգտագործման համար անհրաժեշտո մի շարք պարագաներ՝ հագուստեղեն, կոշկեղեն, խաղալիքներ եւ այլ իրեր: Շահառուների ցուցակը կազմվել էր մարզպետարանի համապատասխան մասնագետների ուսումնասիրության արդյունքում: Առաջիկայում նման ծրագրերի իրականացումը շարունակական է լինելու, որոնցում ներգրավված կլինեն այլ ընտանիքներ:
Մարզպետի մոտ կայացավ հանդիպում ոստիկանության համակարգի ղեկավարության հետ 22.06.2017
Մարզպետ Գաբրիել Գյոզալյանի մոտ տեղի ունեցավ խորհրդակցություն` ՀՀ ոստիկանության Արագածոտնի մարզային վարչության, տարածքային բաժինների ղեկավարների մասնակցությամբ: ՀՀ ոստիկանության Արագածոտնի մարզային վարչության պետ, ոստիկանության փոխգնդապետ Ռոման Կիրակոսյանը շնորհակալություն հայտնեց մարզպետին՝ համագործակցված աշխատանքի եւ նման հանդիպումներ կազմակերպելու համար: Նա նշեց, որ նախորդ հանդիպման ընթացքում բարձրացված հարցերը հիմնականում լուծում են գտել...
