Արագածոտնի մարզպետի աշխատակազմ

Դեկտեմբերի 13-ին Արագածոտնի մարզպետ Աշոտ Սիմոնյանի մոտ կայացած աշխատանքային խորհրդակցությանը ամփոփվեց ՀՀ կառավարությունից, տարածքային կառավարման եւ զարգացման նախարարությունից, պետական այլ գերատեսչություններից ստացված հանձնարարությունների կատարման ընթացքը: Մարզպետին զեկուցվեց, որ բոլոր հանձնարարականներն իրականացվում են սահմանված կարգին եւ ժամանակացույցին համապատասխան:
Անդրադառնալով մարզի տարեկան գործունեության ծրագրին, Աշոտ Սիմոնյանը նշեց, որ այն պետք է կազմվի զուտ իրատեսական մոտեցումներով՝ ներառելով հավաստի տվյալներ եւ ճշգրիտ արտահայտելով մարզում առկա փաստացի ներուժն ու հեռանկարային պատկերը: Այդ կապակցությամբ մարզպետը ստորաբաժանման ղեկավարներին հանձնարարեց ըստ իրենց ոլորտների քննարկումներ կատարել եւ մինչեւ դեկտեմբերի 15-ը ներկայացնել առաջարկություններ:
Անդրադարձ եղավ նաեւ մարզպետի կողմից տրված հանձնարարականների կատարմանը: Դրանք վերաբերում էին սեփական եկամուտների հավաքագրմանը, հանքավայրերի գույքագրմանը, հրատապ ծրագրի կատարմանը եւ այլ հարցերի:
Մարզպետը տեղեկացավ, որ ընթացքի մեջ են Աշտարակի Վ. Պետրոսյանի անվան դպրոցի վերանորոգման աշխատանքները: Արդեն իսկ փոխվել է շենքի տանիքը, կատարվում են կոյուղու վերանորոգման ու փոխարինման համար՝ պատուհանների չափագրման աշխատանքները: Ըստ սահմանված ժամանակացուցի է ընթանում նաեւ Ապարանի Բաղրամյան 43 շենքի վերանորոգման ծրագիրը:
Այս եւ քննարկված այլ հարցերի վերաբերյալ Աշոտ Սիմոնյանը նոր հանձնարարականներ տվեց: