Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ԿԿայանա Անկախության 24-րդ տարեդարձին նվիրված տոնախմբություն 09.09.2015
ՀՀ Արագածոտնի մարզպետարանը 2015թ. սեպտեմբերի 19-ին, ժամը 17.00-ին մարզպենտրոն Աշտարակ քաղաքի մարզադաշտում կազմակերպում է Անկախության 24-րդ տարեդարձին նվիրված տոնախմբություն Ծրագրում՝ - մարզի համայնքների, կազմակերպությունների կողմից մատուցվող ավանդական հյուրասիրություն -Մարզպետ Սարգիս Սահակյանի ողջույնի խոսքը -Համերգային ծրագիր՝ հանրապետության ճանաչված երգիչ-երգչուհիների, պարային համույթների մասնակցությամբ -Տոնական հրավառություն
Այցելություն ԼՂՀ պաշտպանության բանակում Արագածոտնի մարզից ծառայող զինվորներին 07.09.2015
Արագածոտնի մարզպետ Սարգիս Սահակյանի նախաձեռնությամբ եւ հովանավորությամբ սեպտեմբերի 10-ին կկազմակերպվի այցելություն ԼՂՀ պաշտպանության բանակում Արագածոտնի մարզից ծառայող զինվորներին: Պատվիրակությունը ղեկավարում է մարզպետ Սարգիս Սահակյանը: Ընդհանուր առմամբ, իրենց զավակներին տեսնելու հնարավորություն կընձեռնվի ավելի քան 200 ժամկետային զինծառայողի ծնողների ու հարազատների: Խմբի մեջ ընդգրկված են նաեւ բժիշկներ, երաժշտական համույթներ: Բարձրակարգ ավտոբուսները մարզպետարանից կուղեւորվեն երեկոյան, ժամը 19:00-ին:
Մարզպետն ընդունեց ,,Բազե 2015,, համահայկական հավաքի Արագածոտնի խմբի անդամներին 03.09.2015
Սեպտեմբերի 3-ին մարզպետ Սարգիս Սահակյանն ընդունեց ,,Բազե 2015,, հավաքի Արագածոտնի խմբի անդամներին: Նրանք մարզպետին պատմեցին Կարմիր ճակատը ներկայացնող իրենց թիմի հաջողությունների մասին: Խմբի մեջ ընդգրկված էին պարի, երգի, նկարչության, ֆուտբոլի, վոլեյբոլի եւ այլ մասնագետները: Նրանք բավականին ակտիվորեն են մասնակցել կազմակերպվող բոլոր միջոցառումներին, մրցույթներին, հանդիպումներին:
Տեղեկատվություն Արագածոտնի մարզում օգոստոս ամսին գրանցված ծնունդների մասին 02.09.2015
Արագածոտնի մարզի ծննդատներում 2015 թ.օգոստոս ամսին գրանցվել է 82 ծնունդ: Նրանցից 34-ը աղջիկ է, 48-ը` տղա: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 20 երեխա՝ 9աղջիկ, 11 տղա: Թալինի տարածաշրջանում ծնվել է 15 աղջիկ, 16 տղա՝ ընդամենը 31 երեխա: Ապարանի տարածաշրջանում ծնվել է 5 աղջիկ, 12 տղա, ընդամենը` 17 ծնունդ: Արագածի տարածաշրջանում գրանցվել է 14 ծնունդ` 5 աղջիկ, 9 տղա:
Գիտելիքի օրվա եւ սեպտեմբերի 1-ի կապակցությամբ Արագածոտնի մարզպետն այցելեց դպրոցներ 01.09.2015
Նոր ուսումնական տարվա մեկնարկը Արագածոտնի մարզում տրվեց տոնական տրամադրությամբ: Հանրակրթական բոլոր դպրոցներում նշվեց Գիտելիքի օրը եւ հանդիսավոր պայմաններում հնչեց առաջին զանգը: Մարզպետ Սարգիս Սահակյանի կարգադրությամբ մարզպետարանի ներկայացուցիչները եղան բոլոր դպրոցներին, մասնակցեցին տոնական հանդիսություններին եւ շնորհավորանքի հետ փոխանցեցին մարզպետի ողջույնի ուղերձը...
Սարգիս Սահակյանը հանդիպեց Արագածի տարածաշրջանի բնակիչների հետ 01.09.2015
Սեպտեմբերի 1-ին մարզպետ Սարգիս Սահակյանն այցելեց Արագածի տարածաշրջան: Նա եղավ Մելիքգյուղ, Ճարճակիս, Ռյա Թազա համայնքներում եւ հնդիպում ունեցավ բնակիչների հետ: Եզդիաբնակ այս համայնքները գտնվում են բարձր լեռնային գոտում եւ, ըստ էության, ունեն բնակլիմայական, աշխարհագրական միանման պայմաններ: Դրանով պայմանավորված` բոլոր համայնքներում էլ առկա են սոցիալ-տնտեսական նույնատիպ խնդիրներ, ինչի շուրջն էլ բնակիչները զրուցեցին մարզպետի հետ: Լսելով ջրամատակարարման, գյուղատնտեսական արտադրանքի իրացման, մթերման կետերի ստեղծման եւ այլ խնդիրների վերաբերյալ բնակիչների հարցադրումները, Սարգիս Սահակյանն անհրաժեշտ պարզաբանումներ կատարեց, համապատասխան հանձնարարականներ տվեց բարձրացված հարցերի լուծման համար...
