Նորություններ
Տեղեկատվություն Արագածոտնի մարզում հուլիս ամսին գրանցված ծնունդների մասին 03.08.2017
Արագածոտնի մարզի ծննդատներում 2017 թ.հուլիս ամսին գրանցվել է 75 ծնունդ: Նրանցից 37-ը աղջիկ է, 38-ը` տղա: Մարզպետարանի առողջապահության եւ սոցիալական ապահովության վարչությունը ներկայացրել է հետեւյալ տեղեկատվությունը. Աշտարակի տարածաշրջանում գրանցվել է 31 ծնունդ՝ 17 աղջիկ, 14 տղա, Թալինի տարածաշրջանում՝ 23 ծնունդ, 11 աղջիկ, 12 տղա, Ապարանի տարածաշրջանում՝ 14 ծնունդ, 7 աղջիկ, 7 տղա, Արագածի տարածաշրջանում՝ 7 ծնունդ, 2 աղջիկ, 5 տղա:
![Մարզպետն ընդունեց ,,Վեոլիա Ջուր,, ՓԲԸ գլխավոր տնօրեն Կրիստիան Լըֆեին Մարզպետն ընդունեց ,,Վեոլիա Ջուր,, ՓԲԸ գլխավոր տնօրեն Կրիստիան Լըֆեին](http://aragatsotn.mtad.am/files/n_pics/13424_s.jpg)
Մարզպետն ընդունեց ,,Վեոլիա Ջուր,, ՓԲԸ գլխավոր տնօրեն Կրիստիան Լըֆեին 02.08.2017
Օգոստոսի 2-ին մարզպետ Աշոտ Սիմոնյանն ընդունեց ,,Վեոլիա Ջուր,, ՓԲԸ գլխավոր տնօրեն Կրիստիան Լըֆեին: Քննարկվեց խմելու ջրի մատակարարման ոլորտում մարզում առկա հիմնախնդիրները եւ առաջիկա անելիքները: Կրիստիան Լըֆեն ներկայացրեց ընկերության գործունեության ընդհանուր նկարագիրը եւ դրանում առանձնացրեց Արագածոտնի մարզում իրականացվելիք ծրագրերը: Նշվեց, որ առանձնակի ուղադրության կենտրոնում են լինելու մատակարարման ջրի բարձր որակական հատկանիշերի, ինչպես նաեւ՝ մատակարարման ժամաքանակի ապահովումը: Քննարկված հարցերի մեջ առանձնացվեցին մարզկենտրոն Աշտարակի, սահմանամերձ Թլիկ գյուղի ջրամատակարարման խնդիրները, եւ դրանց լուծման ուղիները....
![Աշոտ Սիմոնյանն այցելեց Արագածի տարածաշրջան Աշոտ Սիմոնյանն այցելեց Արագածի տարածաշրջան](http://aragatsotn.mtad.am/files/n_pics/13418_s.jpg)
Աշոտ Սիմոնյանն այցելեց Արագածի տարածաշրջան 01.08.2017
Արագածոտնի մարզպետ Աշոտ Սիմոնյանը օգոստոսի 1-ին այցելեց Արագածի տարածաշրջան: Ծաղկահովիտի համայնքապետարանում նա խորհրդակցություն անցկացրեց տարածաշրջանի այն համայնքների հետ, որոնք խոշորացման ծրագրով միավորվելու են մեկ՝ Ծաղկահովիտի համայնքի մեջ: Նշենք, որ տարածաշրջանը խոշորացման ծրագրով միավորվելու է 2 ՝ Ծաղկահովիտի եւ Ալագյազի համայնքներում: Ողջունելով համայնքապետերին, Աշոտ Սիմոնյանն ասաց, որ սա իր առաջին այցն է տարածաշրջան, բայց նման ձեւաչափով հանդիպումները պետք է ինտենսիվ բնույթ կրեն, եւ կուտակված խնդիրները համատեղ աշխատանքի ընթացքում պետք է լուծում գտնեն....
![Քարտեզագրված 2029 աղբանոցից փակվել են 1534-ը. ամփոփվել են «Մաքուր Հայաստան» ծրագրի շրջանակներում կայացած համապետական շաբաթօրյակի արդյունքները Քարտեզագրված 2029 աղբանոցից փակվել են 1534-ը. ամփոփվել են «Մաքուր Հայաստան» ծրագրի շրջանակներում կայացած համապետական շաբաթօրյակի արդյունքները](http://aragatsotn.mtad.am/files/n_pics/13395_s.jpg)
«Մաքուր Հայաստան» գործողությունների ծրագրի միջգերատեսչական հանձնաժողովի նախագահ, ՀՀ տարածքային կառավարման և զարգացման նախարարի առաջին տեղակալ Վաչե Տերտերյանի գլխավորությամբ գործող միջգերատեսչական հանձնաժողովը ամփոփել է «Մաքուր Հայաստան» ծրագրի երկրորդ համապետական շաբաթօրյակի նախնական արդյունքները: Նախնական տվյալների համաձայն, ս.թ. հուլիսի 29-ի համապետական շաբաթօրյակի աշխատանքների արդյունքում ՀՀ մարզերում փակվել են 50 աղբանոց, կատարվելու են կուտակված աղբի տեղափոխման աշխատանքներ.....
Մարզպետ Աշոտ Սիմոնյանը համայնքներում ծանոթացավ շաբաթօրյակի ընթացքին 30.07.2017
Մարզպետ Աշոտ Սիմոնյանը հուլիսի 29-ին այցելեց մի շարք համայքներ եւ ծանոթացավ համապետական շաբաթօրյակի աշխատանքներին: Կարբի, Կոշ, Ուջան, Աղձք, Ագարակ համայնքներում նա ականատես եղավ, որ կարգի են բերել այն հատվածները, որոնցում աղբի կուտակումների մաքրման աշխատանքներ են կատարվել: Աշխատանքների արդյունքում թե՛ համայնքները, եւ թե՛ հարակից ճանապարհները աչքի են ընկնում մաքրությամբ: Մարզպետը միաժամանակ ծանոթացավ Արզնի-Շամիրամ ջրանցքից ոռոգման ջրի մատակարարման ընթացքին եւ բաշխման հետ կապված խնդիրներին: Այցի ընթացքում քննարկվեցին նաեւ համայնքներում առկա մի շարք հարցեր:
![Հուլիսի 29-ին համապետական շաբաթօրյակի դուրս եկան Արագածոտնի մարզի բոլոր համայնքները Հուլիսի 29-ին համապետական շաբաթօրյակի դուրս եկան Արագածոտնի մարզի բոլոր համայնքները](http://aragatsotn.mtad.am/files/n_pics/13369_s.jpg)
Հուլիսի 29-ին համապետական շաբաթօրյակի դուրս եկան Արագածոտնի մարզի բոլոր համայնքները 29.07.2017
Հուլիսի 29-ին, ժամը 9.00-ին Արագածոտնի մարզի բոլոր համայնքներում սկսվեց համապետական շաբաթօրյակը: Մարզպետ Աշոտ Սիմոնյանի հանձնարարականի համաձայն, մարզպետարանի պատասխանատու աշխատողները՝ շուրջ 90 աշխատակից, ամրացված են համայնքներին եւ համակարգում են շաբաթօրյակի ինչպես նախապատրաստական, այնպես էլ ընթացող աշխատանքները: Այցելելով համայնքներ, նրանք, հետեւում են շաբաթօրյակի իրականացման գործողությունների պլաններով նախատեսված աշխատանքների ընթացքին եւ այդ մասին պարբերաբար զեկուցում ,,Մաքուր Հայաստան ,, ծրագիրն իրականացնող մարզային հանձնաժողովին.....