Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Իրազեկում համայնքների ավագանիների նիստերի վերաբերյալ 02.11.2018
2018 թվականի նոյեմբերի 7-ին, ժամը 12:00-ին Ծաղկահովիտի համայնքապետարանում տեղի կունենա Ծաղկահովիտ համայնքի ավագանու արտահերթ նիստը: 2018 թվականի նոյեմբերի 9-ին, ժամը 11:00-ին Իրինդի համայնքապետարանում տեղի կունենա Իրինդ համայնքի ավագանու արտահերթ նիստը: 2018 թվականի նոյեմբերի 15-ին, ժամը 11:00-ին Անտառուտ համայնքապետարանում տեղի կունենա Անտառուտ համայնքի ավագանու արտահերթ նիստը:
ՀՀ Արագածոտնի մարզպետարանը զգուշացնում է 01.11.2018
Ինքնությունը չպարզված անձինք (նախնական տվյալներով մի կին և մի տղամարդ) Ապարանի տարածաշրջանի մի շարք դպրոցներում ներկայանալով կինոդիտման կազմակերպիչ, իբրև մարզպետին ծանոթ՝ առաջարկել են տոմսեր գնել: Հայտնել են նաև, որ իրենք գործում են մարզպետարանի գիտությամբ, ՀՀ պաշտպանության, ՀՀ կրթության և գիտության նախարարությունների իմացությամբ: Տեղեկատվությունը ստանալուց անմիջապես հետո ՀՀ Արագածոտնի մարզպետ Դավիթ Գևորգյանը դեպքի մասին հայտնել է իրավապահ մարմիններին: Մանրամասների և քննության արդյունքների մասին կհայտնվի լրացուցիչ: ՀՀ Արագածոտնի մարզպետ Դավիթ Գևորգյանը կատարվածը համարում է խիստ անթույլատրելի, հետամուտ է լինելու նմանօրինակ գործունեության ցանկացած դեպքի բացահայտմանը և օրենքով սահմանված պատասխանատվության միջոցների կիրառմանը:
ՀՀ Արագածոտնի մարզպետ Դավիթ Գևորգյանը մասնակցեց «ԿԱՆՉ» ցուցահանդեսի բացմանը 01.11.2018
Այսօր ՀՀ Արագածոտնի մարզպետ Դավիթ Գևորգյանը մասնակցեց Աշտարակ քաղաքում կազմակերպված «ԿԱՆՉ» ցուցահանդեսի բացմանը: Ցուցադրված էին Հայաստանի նկարիչների միության Արագածոտնի մարզի նկարիչների ավելի քան 50 ստեղծագործություններ: Ցուցահանդեսի նպատակն էր մեկ հարթակում ներկայացնելով մարզի նկարիչների արվեստի լավագույն աշխատանքները՝ համախմբել գեղանկարիչնեին, նրանց դարձնել ճանաչելի և մարզում հանրայնացնել կերպարվեստը:
Վթարային ջրանջատում Արագածոտնի մարզում 31.10.2018
«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված` ս.թ. նոյեմբերի 1-ին ժամը 10:00-24։00 կդադարեցվի Արագածոտնի մարզի՝ Աշտարակ քաղաքի, Սասունիկ, Կարին գյուղերի և Օշական գյուղի` ձախ ափի ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: «Վեոլիա Ջուր» ՓԲԸ
Արագածոտնի մարզպետարանը պարգևատրվել է շնորհակալագրով 31.10.2018
Ֆրանկոֆոնիայի 17-րդ գագաթաժողովի շրջանակներում կազմակերպված Ֆրանկոֆոն ավանում Հայաստանը ներկայացնող տաղավարում ըստ արժանվույն ներկայանալու և կազմակերպչական աշխատանքներին ցուցաբերած աջակցության համար ՀՀ Արագածոտնի մարզպետարանը պարգևատրվել է շնորհակալագրով:
ՀՀ Արագածոտնի մարզպետ Դավիթ Գևորգյանը աշխատանքային այց է կատարել Մաստարա համայնք 30.10.2018
ՀՀ Արագածոտնի մարզպետ Դավիթ Գևորգյանը աշխատանքային այց է կատարել Մաստարա համայնք: Մարզպետը շրջել է «Մաստարչեդո» ՍՊԸ-ին պատկանող պանրի գործարանում, ծանոթացել վերջինիս գործունեությանն ու արտադրատեսականուն: Ընկերության տնօրեն Էդգար Մկրտչյանը մարզպետին ներկայացրել է գործարանի ընդլայնման ծրագիրը, որի արդյունքում կավելանա մթերվող կաթի ծավալը և կստեղծվի 25-30 աշխատատեղ: Շուրջ 20 տարի գործող գործարանն այժմ արտադրում է ավելի քան 15 տեսակի պանիր, որոշ պանրատեսակների միակ արտադրողն է Հայաստանում: Արտադրանքի մի մասն իրացվում է տեղական շուկայում, իսկ մի մասը արտահանվում է Ռուսաստան.....
