Նորություններ
Մարզպետ Աշոտ Սիմոնյանը քաղաքացիների ընդունելություններ է կատարում մարզի տարածաշրջաններում: Հոկտեմբերի 3-ին նա այդ նպատակով այցելեց Ապարանի եւ Արագածի տարածաշրջաններ: Համայնքների ղեկավարները բնակիչներին նախապես տեղեկացրել էին ընդունելության կազմակերպման վերաբերյալ: Ընդունվել էին դիմումները, կատարվել ուսումնասիրություններ եւ ըստ այդմ՝ բնակիչները ներկայացել էին ընդունելության....
Այցելություն մարզի 100 ամյակը բոլորած տարեցներին 02.10.2017
Հոկտեմբերի 1-ը ՄԱԿ-ի Գլխավոր ասամբլեայի կողմից հռչակվել է որպես Տարեցների միջազգային օր: Այն նշվում է ողջ աշխարհում, այդ թվում նաեւ Հայաստանի Հանրապետությունում՝ օրը դարձնելով տարեցների հանդեպ ուշադրության, հարգանքի եւ գնահատանքի արտահայտման առիթ: Օրվա կապակցությամբ առանձնահատուկ հարգանքի եւ ուշադրության արժանացան նաեւ Արագածոտնի մարզի տարեցները: Այսօր արդեն 100 տարին բոլորած երկարակյացները մարզում 3-ն են՝ Աշտարակ քաղաքի բնակիչներ Խանում Կարապետյանը, Ոսկեհատից` Վարժուհի Եղիազարյանը, Թաթուլից` Գույնա Մարկոսյանը: Մարզպետ Աշոտ Սիմոնյանի հանձնարարությամբ կատարվեց այցելություն նրանց՝ տրամադրելով մարզպետի շնորհավորանքը եւ դրամական աջակցություն:
Տեղեկատվություն Արագածոտնի մարզում սեպտեմբեր ամսին գրանցված ծնունդների մասին 02.10.2017
Արագածոտնի մարզի ծննդատներում 2017 թ. գրանցվել է 77 ծնունդ: (Հուլիսին այդ թիվը 72 էր): Նրանցից 37-ը աղջիկ է, 40-ը` տղա: Մարզպետարանի առողջապահության եւ սոցիալական ապահովության վարչությունը ներկայացրել է հետեւյալ տեղեկատվությունը. Աշտարակի տարածաշրջանում գրանցվել է 27 ծնունդ՝ 14 աղջիկ, 13 տղա, Թալինի տարածաշրջանում՝ 20 ծնունդ, 10 աղջիկ, 10 տղա, Ապարանի տարածաշրջանում՝ 17 ծնունդ, 9 աղջիկ, 8 տղա, Արագածի տարածաշրջանում՝ 13 ծնունդ, 5 աղջիկ, 8 տղա:
Կայացավ Արագածոտնի մարզպետ Աշոտ Սիմոնյանի ասուլիսը 29.09.2017
Սեպտեմբերի 29-ին կայացավ Արագածոտնի մարզպետ Աշոտ Սիմոնյանի ասուլիսը, որն առաջինն էր նրա պաշտոնավարման ընթացքում: Լրատվամիջոցների ղեկավարներին մարզպետը ներկայացրեց ոչ միայն վերջին մեկ տարվա ընթացքում ունեցած ձեռքբերումները, այլեւ խոսեց մարզում առկա հիմնախնդիրների եւ առաջիկա ծրագրերի մասին: Աշոտ Սիմոնյանն ըստ ոլորտների անդրադարձավ օրախնդիր հարցերին եւ դրանց լուծման հնարավորություններին՝ ելնելով ,,ՀՀ Արագածոտնի մարզի 2017-2025 թթ. մարզի զարգացման ռազմավարական ծրագրի,, դրույթներից.....
Գյուղատնտեսության զարգացման հիմնադրամում թափուր հաստիքների մրցույթ 28.09.2017
Գյուղատնտեսության զարգացման հիմնադրամը հայտարարում է բաց մրցույթ Հիմնադրամի Արագածոտնի մարզային կառույցի ղեկավարի, հաշվետար օգնականի, տվյալների հավաքագրման և գնահատման մասնագետի, խորհրդատուի հաստիքների համար: Հիմնադրամը հրավիրում է մրցույթի պահանջներին համապատասխանող բոլոր անձանց ներկայացնել մրցույթի մասնակցության դիմումները: Հետաքրքրված անձինք դիմումի հետ միաժամանակ պետք է ներկայացնեն ինքնակենսագրական թերթիկ....
Տրվեցին նոր հանձնարարականներ 27.09.2017
Մարզպետ Աշոտ Սիմոնյանի մոտ աշխատանքային հերթական խորհրդակցությունը կայացավ սեպտեմբերի 27-ին: Ամփոփվեց պետական կառավարման մարմիններից, այլ կառույցներից ստացված, մարզպետի կողմից տրված հանձնարարականների կատարման ընթացքը եւ գրություններին տրվող պատասխանների լիարժեքության պահպանումը: Ի թիվս այլ հարցերի, դրանց մեջ առանձնակի կարեւորության արժանացան Արագածոտնի մարզում կայացած խորհրդակցության ժամանակ ՀՀ վարչապետի կողմից տրված հանձնարարականներին, որոնք վերաբերում էին ինտենսիվ այգիների ստեղծմանն ու գյուղատնտեսական հողերի արդյունավետ օգտագործմանը.....