Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Այցելեցին Արցախում Արագածոտնի մարզից ծառայող զինվորներին 30.04.2015
Արագածոտնի մարզպետ Սարգիս Սահակյանի նախաձեռնությամբ ապրիլի 30-ին կազմակերպվել է երկօրյա այցելություն ԼՂՀ պաշտպանության բանակում Արագածոտնի մարզից ծառայող զինվորներին: Բարձրակարգ ավտոբուսները մարզկենտրոն Աշտարակ քաղաքի Ն. Աշտարակեցու անվան հրապարակից դեպի Արցախ ուղեւորվեցին երեկոյան, ժամը 18:00-ին: Պատվիրակությունը բավականին ստվար էր: Այն ղեկավարում էր ինքը` մարզպետ Սարգիս Սահակյանը: Խմբի մեջ ընդգրկված էին նաեւ բժիշկներ, ինչպես նաեւ Ն. Բազմաբերդի երգի-պարի համույթը: Այնպես որ, ձեռնարկի կազմակերպիչները հոգացել էին ոչ միայն ուղեւորության, բազմապիսի նվերների եւ հաճելի անակնկալների, այլեւ զինծառայողներին գեղարվեստական հաճելի առօյայի եւ հանգստի մասին...
Մարզպետը մասնակցեց զոհված զինծառայող Էդվարդ Հայրապետյանի քառասունքի արարողությանը 29.04.2015
Ապրիլի 29-ին լրացավ մարտի 19-ին դիվերսիայի հետեւանքով զոհված ՊԲ զինծառայող Էդվարդ Հայրապետյանի մահվան քառասուն օրը: Այդ կապակցությամբ Արագածոտնի մարզպետ Սարգիս Սահակյանը այցելեց Մուղնի եւ մասնակցեց քառասունքի արարողությանը: Մարզպետը ծաղիկներ զետեղեց զինվորի շիշմին եւ իր զորակցությունը հայտնեց նրա ծնողներին, հարազատներին եւ պատրաստակամություն հայտնեց անհրաժեշտության դեպքում իր աջակցությունը ցուցաբերել Էդվարդի ընտանիքի անդամներին:
Համերգ` նվիրված Հայոց ցեղասպանության 100-ամյա տարելիցին 29.04.2015
Արագածոտնի մարզպետ Սարգիս Սահակյանի նախաձեռնությամբ ապրիլի 29-ին Աշտարակի մշակույթի տանը տեղի ունեցավ Արա Գեւորգյանի ղեկավարած ուսանողների նվագախմբի համերգը: Այն ընդգրկված էր Հայոց ցեղասպանության 100-ամյա տարելիցին նվիրված մարզային միջոցառումների ծրագրի շրջանակում եւ կրում էր ,,Հիշում եմ եւ պահանջում,, խորագիրը: Ազգային նվագարաններից, լարային եւ փողային գործիքներից կազմված նվագախումբը երաժշտասեր հասարակությանը մատուցեց հայ կոմպոզիտորների հանրահայտ ստեղծագործությունները` Արա Գեւորգյանի մշակմամբ: Առաջին անգամ հնչեց նաեւ նրա հեղինակած ,,Աշտարակ,, երգը,,...
• Ապրիլի 1-ին մարզպետն այցելել է Ծաղկահովիտ համայնք, որտեղ քննարկվել են խմելու ջրագծի հետ կապված հարցեր: • Ապրիլի 1-ին մարզպետն այցելել է Ծաղկաշեն համայնք, որտեղ մասնակցել է մեխանիզատորների եւ մանկավարժների գերդաստաններին նվիրված միջոցառմանը: • Ապրիլի 2-ին մարզպետն այցելել է Ն. Բազմաբերդ համայնք, որտեղ հանդիպում է ունեցել համայնքի ղեկավարության եւ բնակիչների հետ: • Ապրիլի 4-ին ՀՀ նախագահը եւ մարզպետը այցելել են Բյուրական, որտեղ մասնակցել են ,,Հեռանկարներ,, փառատոնի ակադեմիայի բացմանը...
Մարզպետի հովանավորությամբ նոր երգեր են ձայնագրվել 29.04.2015
Հայոց ցեղասպանության 100-ամյա տարելիցի միջոցառումների շրջանակում Արագածոտնի մարզպետ Սարգիս Սահակյանը, ով նաեւ ղեկավարում է Հայոց ցեղասպանության 100-րդ տարելիցին նվիրված միջոցառումները համակարգող մարզային հանձնաժողովը, հովանավորել է մարզում ստեղծագործող երգահաններին: Նրա աջակցությամբ գործիքավորվել եւ ձայնագրվել են Սարիբեկ Օվոյանի խոսքերով եւ Ռուզան Մանուկյանի երաժշտությամբ գրված ,,100-ամյա տարելիցին ընդառաջ,, եւ Աննման Շահբազյանի հեղինակած ,,Իմ հայրենիք,, երգերը...
Համերգ Հայոց ցեղասպանության 100-ամյա տարելիցին նվիրված մարզային միջոցառումների ծրագրի շրջանակում 28.04.2015
Ապրիլի 29-ին, ժամը 15.00-ին Աշտարակի մշակույթի տանը Հայոց ցեղասպանության 100-ամյա տարելիցին նվիրված մարզային միջոցառումների ծրագրի շրջանակում Արագածոտնի մարզպետ Սարգիս Սահակյանի նախաձեռնությամբ տեղի կունենա Արա Գեւորգյանի ղեկավարած ուսանողների նվագախմբի համերգը: Մարզպետարանը երաժշտասեր հասարակությանը սիրով հրավիրում է մասնակցելու կայանալիք համերգին:
