Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գիտելիքի օրվա եւ սեպտեմբերի 1-ի կապակցությամբ Արագածոտնի մարզպետն այցելեց դպրոցներ 01.09.2015
Նոր ուսումնական տարվա մեկնարկը Արագածոտնի մարզում տրվեց տոնական տրամադրությամբ: Հանրակրթական բոլոր դպրոցներում նշվեց Գիտելիքի օրը եւ հանդիսավոր պայմաններում հնչեց առաջին զանգը: Մարզպետ Սարգիս Սահակյանի կարգադրությամբ մարզպետարանի ներկայացուցիչները եղան բոլոր դպրոցներին, մասնակցեցին տոնական հանդիսություններին եւ շնորհավորանքի հետ փոխանցեցին մարզպետի ողջույնի ուղերձը...
Սարգիս Սահակյանը հանդիպեց Արագածի տարածաշրջանի բնակիչների հետ 01.09.2015
Սեպտեմբերի 1-ին մարզպետ Սարգիս Սահակյանն այցելեց Արագածի տարածաշրջան: Նա եղավ Մելիքգյուղ, Ճարճակիս, Ռյա Թազա համայնքներում եւ հնդիպում ունեցավ բնակիչների հետ: Եզդիաբնակ այս համայնքները գտնվում են բարձր լեռնային գոտում եւ, ըստ էության, ունեն բնակլիմայական, աշխարհագրական միանման պայմաններ: Դրանով պայմանավորված` բոլոր համայնքներում էլ առկա են սոցիալ-տնտեսական նույնատիպ խնդիրներ, ինչի շուրջն էլ բնակիչները զրուցեցին մարզպետի հետ: Լսելով ջրամատակարարման, գյուղատնտեսական արտադրանքի իրացման, մթերման կետերի ստեղծման եւ այլ խնդիրների վերաբերյալ բնակիչների հարցադրումները, Սարգիս Սահակյանն անհրաժեշտ պարզաբանումներ կատարեց, համապատասխան հանձնարարականներ տվեց բարձրացված հարցերի լուծման համար...
Սիրելի հայրենակիցնե’ր, շնորհավորում եմ բոլորիս` Գիտելիքի օրվա և 2015-2016 ուսումնական տարվա մեկնարկի կապակցությամբ: Տոնը, հիրավի, համաժողովրդական է, քանզի գիտելիքի հանդեպ սերն ու ուսումնառությունը հայ մարդու արյան մեջ են, նրա նկարագրի անբաժան մասը: Բոլոր ժամանակնելում մեր ժողովուրդը զենքի հետ մեկտեղ գիտելիքի ուժով է հաղթել թշնամուն, գիտությամբ գրավել նորանոր բարձունքեր, ինքնահաստատվել միջազգային հարաբերություններում
Կայացավ ՀՀ Արագածոտնի մարզի հանրակրթական դպրոցների տնօրենների օգոստոսյան խորհրդակցությունը 26.08.2015
Օգոստոսի 26-ին կայացավ ՀՀ Արագածոտնի մարզի հանրակրթական դպրոցների տնօրենների օգոստոսյան խորհրդակցությունը, որին մասնակցում էին մարզպետ Սարգիս Սահակյանը, կրթության ազգային ինստիտուտի տնօրեն Նորայր Ղուկասյանը, դպրոցների տնօրենները, այլ հյուրեր: Մասնակիցներին ներկայացվեց մարզի հանրակրթական դպրոցների 2014-2015 ուսումնական տարվա արդյունքների եւ 2015-2016 ուսումնական տարվա նախապատրաստական աշխատանքների մասին մարզպետարանի աշխատակազմի կրթության, մշակույթի եւ սպորտի վարչության կրթության բաժնի պետ Սուսաննա Պետրոսյանի զեկույցը: Ըստ այդմ, մարզպետարանի ենթակայությամբ գործում է 119 հանրակրթական դպրոց, որից 79-ը միջնակարգ, 40-ը հիմնական, 1 հատուկ, 1 մարզադպրոց...
Մարզպետ Սարգիս Սահակյանն այցելեց համայնքներ եւ հանդիպեց բնակիչների հետ 25.08.2015
Օգոստոսի 26-ին մարզպետ Սարգիս Սահակյանն այցելեց մի շարք համայնքներ եւ ծանոթացավ ՀՀ կառավարության կողմից առաջնահերթ լուծում պահանջող հիմնախնդիրների լուծման հրատապ ծրագրի ընթացիկ աշխատանքներին: Մարզպետը նախ եղավ Աշտարակի Պռոշյան 10 հասցեում գտնվող բազմաբնակարան շենքում, որտեղ իրականացվում է տանիքի վերանորոգման ծրագիր: Այնուհետեւ նա այցելեց Կարբի եւ Ուշի համայնքներ: Լինելով տեղերում, մարզպետը տեղեկացավ, որ նախատեսված շինարարական աշխատանքներն ընթանում են սահմանված ժամանակացույցով...
Տեղի կունենա դպրոցների տնօրենների օգոստոսյան խորհրդակցություն 24.08.2015
Օգոստոսի 26-ին, ժամը 11.00-ին Արագածոտնի մարզկենտրոն Աշտարակ քաղաքի Ն. Աշտարակեցու անվան թիվ 1 հիմնական դպրոցի դահլիճում տեղի կունենա դպրոցների տնօրենների օգոստոսյան խորհրդակցություն: Օրակարգում` 2014-2015 ուսումնական տարում իրականացված աշխատանքների հաշվետվություն եւ նոր` 2015-2016 ուսումնական տարվա անելիքների քննարկում: Խորհրդակցությանը համընթաց, կկայանան հայոց լեզու, անգլերեն, ռուսաց լեզու, ինֆորմատիկա, ֆիզիկա, քիմիա, մաթեմատիկա, պատմություն առարկաներ դասավանդող ուսուցիչների եւ դասվարների սեկցիոն պարապմունքներ:
