Նորություններ
Ճանապարհները մաքրվում են, իսկ ձյունը շարունակում է տեղալ 01.02.2012
Վերջին երկու օրում Արագածոտնի մարզի ողջ տարածքում չեն դադարում տեղումները՝ ձյան տեսքով, ինչի պառճառով ձնապատ են դարձել բոլոր՝ 4 տարածաշրջանների ճանապարհները: Այստեղ անընդմեջ մաքրման աշխատանքներ են իրականացնում ճանապարհաշինական ձեռնարկությունները: Փետրվարի 1-ին, ժամը 17.00-ի դրությամբ Աշտարակի, Ապարանի, Թալինի եւ Արագածի տարածաշրջանների հանրապետական նշանակության բոլոր ճանապարհները բաց են: Երթեւեկելի են նաեւ Երեւան-Գյումրի-Վրաստանի սահման եւ Մարգարա-Վանաձոր միջպետական նշանակության ճանապարհների՝ Արագածոտնի հատվածները:
![ՀՀ ԱՐԱԳԱԾՈՏՆԻ ՄԱՐԶՊԵՏ ՍԱՐԳԻՍ ՍԱՀԱԿՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՅԿԱԿԱՆ ԲԱՆԱԿԻ 20-ԱՄՅԱԿԻ ԿԱՊԱԿՑՈՒԹՅԱՄԲ ՀՀ ԱՐԱԳԱԾՈՏՆԻ ՄԱՐԶՊԵՏ ՍԱՐԳԻՍ ՍԱՀԱԿՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՅԿԱԿԱՆ ԲԱՆԱԿԻ 20-ԱՄՅԱԿԻ ԿԱՊԱԿՑՈՒԹՅԱՄԲ](http://aragatsotn.mtad.am/files/n_pics/1121_s.jpg)
ՀՀ ԱՐԱԳԱԾՈՏՆԻ ՄԱՐԶՊԵՏ ՍԱՐԳԻՍ ՍԱՀԱԿՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀԱՅԿԱԿԱՆ ԲԱՆԱԿԻ 20-ԱՄՅԱԿԻ ԿԱՊԱԿՑՈՒԹՅԱՄԲ 28.01.2012
Սիրելի հայրենակիցներ, շնորհավորում եմ բոլորիս Հայկական բանակի պանծալի հոբելյանի` կազմավորման 20-ամյակի կապակցությամբ: Հայկական բանակի ծննդյան պատմությունը մեկտեղվում է մեր երիտասարդ պետության` անկախ Հայաստանի Հանրապետության պատմության հետ: Այսօր մենք հպարտանում ենք մեր 20-ամյա անկախ պետությամբ, որի ամենամեծ ու կարեւորագույն ձեռքբերումը Հայկական բանակի ստեղծումն է, նրա կայացումն ու ամրապնդումը:
![Այցելություն մարզում տեղակայված զորամասեր Այցելություն մարզում տեղակայված զորամասեր](http://aragatsotn.mtad.am/files/n_pics/1117_s.jpg)
Այցելություն մարզում տեղակայված զորամասեր 27.01.2012
Հայկական բանակի 20 ամյակի կապակցությամբ Արագածոտնի մարզպետ Սարգիս Սահակյանը եւ աշխատակազմի ղեկավար Հրաչյա Գեւորգյանը հունվարի 27-ին այցելեցին մարզում տեղակայված զորամասեր: Առավոտյան նրանց ընդունեցին Աշտարակում տեղակայված զորամասում: Մինչ տոնական հանդիսության սկսվելը, այստեղ կայացավ մեկ այլ կարեւոր իրադարձություն՝ օծվեց նորակառույց մատուռը: Սուրբ խաչ անվամբ այս մատուռի մտահղացումն ու ձեռնարկի իրականացումն իրենցն է` զորամասի հրամանատարությանն ու զինվորներինը:
![ՙՙ Հայդուկից մինչեւ մերօրյա բանակ ՚՚ ՙՙ Հայդուկից մինչեւ մերօրյա բանակ ՚՚](http://aragatsotn.mtad.am/files/n_pics/1110_s.jpg)
ՙՙ Հայդուկից մինչեւ մերօրյա բանակ ՚՚ 26.01.2012
Մարզկենտրոն Աշտարակի Պերճ Պռոշյանի անվան դպրոցում նշվեց Հայաստանի Հանրապետության ազգային բանակի կազմավորման 20-ամյակին նվիրված ՙՙ Հայդուկից մինչեւ մերօրյա բանակ ՚՚ վերտառությամբ ցերեկույթը: Միջոցառումը սկսվեց դպրոցի տնօրեն Նունե Մովսիսյանի բացման խոսքով: Նա կարեւորեց բանակի դերն ու նշանակությունը մեր երկրի վարած արտաքին քաղաքականության մեջ՝ իբրեւ ամուր հենարան եւ ուժ:
Արագածոտնի համայնքներին կտրվի պարարտանյութ եւ դիզվառելիք 25.01.2012
Գյուղատնտեսական աշխատանքները խթանելու նպատակով ՀՀ նախագահի հանձնարարականով կառավարությունն իրականացնում է համայնքներին ազոտական պարարտանյութի ու դիզելային վառելիքի հատկացման ծրագրեր: Արագածոտնի մարզպետ Ս. Սահակյանի հանձնարարությամբ մարզում աշխատանքները համակարգում է գյուղատանտեսության եւ բնապահպանության վարչությունը: Համայնքապետերը կատարում են նախնական ցուցակագրում եւ, ըստ այդմ, պահանջը ներկայացնում մարզպետարան:
![Արագածոտնում բոլոր ճանապարհները երթեւեկելի են Արագածոտնում բոլոր ճանապարհները երթեւեկելի են](http://aragatsotn.mtad.am/files/n_pics/1096_s.jpg)
Արագածոտնում բոլոր ճանապարհները երթեւեկելի են 24.01.2012
Հունվարի 23-ի երեկոյան Արագածոտնի մարզի ողջ տարածքում սկսել է ձյուն տեղալ, որը շարունակվել է նաեւ գիշերը: Ձյան շերտը տեղ-տեղ մինչեւ 10-15 սանտիմետրի է հասնում, որը, օդի ջերմաստիճանի նվազմամբ պայմանավորված՝ դեռեւս պահպանվում է: Տեղումների առաջին իսկ պահից մարզային եւ հանրապետական ճանապարհները գտնվում են մարզի ղեկավարության եւ ճանապարհաշինարարների ուշադրության կենտրոնում: Ողջ գիշեր ճանապարհների մաքրման աշխատանքներ են իրականացվել Արագածի, Ապարանի, Թալինի եւ Աշտարակի մայրուղիներում, եւ ներկայումս մարզի բոլոր ճանապարհները բաց են: