Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Աշխատանքային խորհրդակցություն՝ մարզպետի մոտ 18.04.2018
Ապրիլի 18-ին մարզպետ Աշոտ Սիմոնյանի մոտ հրավիրվեց աշխատանքային հերթական խորհրդակցությունը՝ մարզպետի տեղակալի, աշխատակազմի ղեկավարի, մարզպետի խորհրդականի եւ օգնականի, կառուցվածքային ստորաբաժանումների ղեկավարների մասնակցությամբ: Ամփոփվեց կառավարության, նախարարությունների, այլ հաստատությունների կողմից ստացված հանձնարարությունների կատարման ընթացքը: Մասնավորապես խոսք գնաց ազոտական պարարտանյութի եւ սերմացուների տրամադրման, ֆրանկոֆոն պետությունների 17-րդ գագաթնաժողովի շրջանակում կազմակերպված միջոցառման մասնակցության, Մայիսյան հերոսամարտի 100-ամյակի միջոցառումների ժամանակացույցի, եռամսյակային հաշվետվությունների ներկայացման, տարեկան աշխատանքային պլանների վերանայման, զբոսաշրջության զարգացման ծրագրերի եւ այլ հարցերի մասին........
Համապետական շաբաթօրյակը՝ Արագածոտնում 14.04.2018
,,Մաքուր Հայաստան ,, ծրագրի շրջանակներում ապրիլի 14-ին մեկնարկած համապետական շաբաթօրյակին մասնակցեցին Արագածոտնի մարզի բոլոր գյուղական և քաղաքային համայնքները։ Շաբաթօրյակի նախապատրաստման եւ անցկացման գործընթացը համակարգում էր մարզպետ Աշոտ Սիմոնյանի կարգադրությամբ ստեղծված՝ ,,Մաքուր Հայաստան,, ծրագիրն իրականացնող մարզային հանձնաժողովը: Առավոտյան ժամը 9.00-ին տրվեց շաբաթօրյակի մեկնարկը: Սանիտարական մաքրման ու բարեկարգման աշխատանքներին մասնակցեցին պետական եւ մասնավոր կառույցների, հանրակրթական, առողջապահական եւ այլ հաստատությունների աշխատակազմերը: Նախնական հաշվարկով աշխատանքի դուրս բերվեց 120 ինքնաթափ, 80 ամբարձիչ մեքենա, մարդկային ռեսուրսը կազմում էր շուրջ 16 հազար մարդ......
Կոչ ենք անում ակտիվ մասնակցություն ունենալ համապետական շաբաթօրյակին 13.04.2018
Ապրիլի 14-ին հայտարարված է համապետական շաբաթօրյակ: Նախապատրաստական եւ կազմակերպման աշխատանքներն իրականացնում է մարզպետ Աշոտ Սիմոնյանի կարգադրությամբ ստեղծված մարզային հանձնաժողովը: Աշխատանքների ողջ ընթացքը գտնվում է մարզպետի ամենօրյա ուշադրության ներքո: Բոլոր համայնքներն ունեն շաբաթօրյակի իրականացման գործողությունների պլաններ: Հստակեցված են մարզպետարանի կողմից համայնքներին կցված պատասխանատուների անունները, ի մի են բերված առկա տեխնիկական միջոցները........
Մարզպետ Աշոտ Սիմոնյանի մոտ կայացավ քաղաքացիների ընդունելություն 13.04.2018
Ապրիլի 13-ին մարզպետ Աշոտ Սիմոնյանի մոտ կայացավ քաղաքացիների հերթական ընդունելությունը: Նախապես ցուցակագրվել էր 13 քաղաքացի՝ Արագած, Գառնահովիտ, Ուշի, Օշական, Աղձք, Դաշտադեմ, Ուջան, Ն. Բազմաբերդ, Կարբի, Լեռնարոտ, Սասունիկ եւ Աշտարակ համայնքներից: Բոլորն էլ ներկայացան ընդունելության եւ ստացան դրական պատասխաններ: Դիմումների մեծ մասը վերաբերում էր դրամական օգնություն ստանալուն, որոնք բավարարվեցին: Ընդհանուր առմամբ՝ 11 քաղաքացի ստացավ դրամական աջակցություն: Երկու քաղաքացի անձնական հարց ներկայացրեց: Ծանոթանալով նրանց խնդիրներին՝ մարզպետը անհրաժեշտ խորհուրդներ եւ պարզաբանումներ կատարեց եւ հնարավորինս աջակցեց:
Արագածոտնում անցկացվեց շտաբային ուսումնավարժություն 12.04.2018
Արագածոտնի մարզի արտակարգ իրավիճակներում բնակչության պաշտպանության եւ քաղաքացիական պաշտպանության համակարգերի նախապատրաստման 2018 թվականի հիմնական միջոցառումների պլանի համաձայն՝ ապրիլի 12-ին մարզում անցկացվեց շտաբային ուսումնավարժություն: Գործողությունների համար ընտրվել էր ,,Հայկական ատոմային էլեկտրակայանի միջուկային եւ ճառագայթային ընդհանուր վթարի դեպքում բնակչության պաշտպանության կազմակերպումը եւ իրականացումը,, թեման: Ուսումնավարժությունը ղեկավարում էր մարզպետ Աշոտ Սիմոնյանը: Ղեկավարման շտաբի պետն էր ՀՀ արտակարգ իրավիճակների նախարարության աշխատակազմի փրկարար ծառայության Արագածոտնի մարզային փրկարարական վարչության պետ Կարապետ Մարգարյանը..........
Մարզպետի մոտ կայացավ աշխատանքային հերթական խորհրդակցությունը 11.04.2018
Ապրիլի 11-ին մարզպետ Աշոտ Սիմոնյանը հրավիրեց հերթական խորհրդակցությունը, որտեղ քննարկվեցին ընթացիկ աշխատանքների հետ կապված հարցեր: Աշխատակազմի ղեկավար Հրաչյա Գեւորգյանը ներկայացրեց պետական կառավարման մարմիններից, այլ գերատեսչություններից եւ մարզպետի կողմից տրված հանձնարարականները: Դրանց կատարման ընթացքի մասին զեկուցեցին ստորաբաժանման ղեկավարները: Քաղաքաշինության վարչության պետ Աշոտ Դավայանը տեղեկացրեց, որ ,,Վեոլիա ջուր,, ընկերության ղեկավարության հետ հանդիպումից հետո ձեռք բերված պայմանավորվածությունները հիմնականում կատարվել են, եւ այդ ուղղությամբ աշխատանքները շարունակվում են.......
