Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հին նոր տարին՝ Ապարանում 13.01.2018
Հունվարի 13-ին Ապարանում նշվեց ավանդույթ դարձած հին տոմարով Նոր տարին: Տոնակատարությանը մասնակցում էին Արագածոտնի մարզպետ Աշոտ Սիմոնյանը, ,,Նիգ Ապարան,, հայրենակցական միության նախագահ Աղվան Հովսեփյանը, բարձրաստիճան այրեր մայրաքաղաքից եւ այլ մարզերից: Տոնախմբությունը սկսվեց հոգեւոր հայրերի օրհնությամբ: Մասնակիցներին ողջունեցին եւ ամանորյա բարեմաղթանքներ հղեցին Աշոտ Սիմոնյանը, Աղվան Հովսեփյանը, այլ մասնակիցներ: Միասնության գաղափարի խորհրդանիշ դարձած շուրջպարը խարույկի շուրջ միավորեց բոլորին, իսկ ավանդական խարույկը վառելու պատիվը տրվեց Արագածոտնի մարզպետ Աշոտ Սիմոնյանին և Շիրակի մարզպետ Արթուր Խաչատրյանին.......
Մարզպետ Աշոտ Սիմոնյանի մոտ կայացավ տարվա առաջին աշխատանքային խորհրդակցությունը 10.01.2018
Հունվարի 10-ին մարզպետ Աշոտ Սիմոնյանը աշխատանքային խորհրդակցություն հրավիրեց, որին ներկա էին մարզպետի տեղակալները, աշխատակազմի ղեկավարը, կառուցվածքային ստորաբաժանումների ղեկավարները: Անդրադարձ կատարելով նախորդ տարվա ամփոփմանը, մարզպետը կանգ առավ առաջիկա անելիքների վրա, առանձնակի նշելով , որ հաջող եւ արդյունավետ պետք է դարձնել մեկնարկը: Ըստ ոլորտների նա նշեց այն խնդիրները, որոնք ծառացած են ստորաբաժանումների առջեւ: Աշխատակազմից պահանջելով առավելագույն կարգապահություն եւ պատասխանատվություն, Աշոտ Սիմոնյանը համապատասխան հանձնարարականներ ներկայացրեց բոլոր բնագավառներում: Մասնավորապես քննարկվեցին կրթության եւ առողջապահության ոլորտներում առկա խնդիրները եւ նշվեցին դրանց լուծման առաջնահերթ անելիքները: Մարզպետը աշխատանքային բարի եւ բեղմնավոր տարի մաղթեց՝ բոլորից ակնկալելով արդյունավետ եւ համագործակցված գործունեեւոթյուն:
Արագածոտնում մեկնարկել է զորակոչը 10.01.2018
Արագածոտնում մեկնարկել է զորակոչը Հունվարի 9-ին 2018 թվականի առաջին զորակոչի մեկնարկը տրվեց Արագածոտնի մարզի Ապարանի եւ Թալինի զինկոմիսարիատներում: Իսկ հունվարի 10-ին հանդիսավոր պայմաններում առաջին զինակոչիկներին բանակ ճանապարհեցին Աշտարակ քաղաքի զինկոմիսարիատում: Այդ կարեւոր իրադարձությանը նորակոչիկների հարազատներից բացի զինկոմիսարիատ էին եկել մարզի ղեկավարությունը, հոգեւոր դասի եւ պետական կառույցների ներկայացուցիչներ.....
Տեղեկատվություն Արագածոտնի մարզում դեկտեմբեր ամսին գրանցված ծնունդների մասին 08.01.2018
Արագածոտնի մարզի ծննդատներում 2017 թ.դեկտեմբեր ամսին գրանցվել է 62 ծնունդ: (Նոյեմբեր ամսին այդ թիվը 65 էր): Նրանցից 28-ը աղջիկ է, 34-ը` տղա: Մարզպետարանի առողջապահության եւ սոցիալական ապահովության վարչությունը ներկայացրել է հետեւյալ տեղեկատվությունը. Աշտարակի տարածաշրջանում գրանցվել է 15 ծնունդ՝ 7 աղջիկ, 8 տղա, Թալինի տարածաշրջանում՝ 21 ծնունդ, 8 աղջիկ, 13 տղա, Ապարանի տարածաշրջանում՝ 18 ծնունդ, 12 աղջիկ, 6 տղա, Արագածի տարածաշրջանում՝ 8 ծնունդ, 1 աղջիկ, 7 տղա:
Պատմություն դարձավ 2017 թվականը, եւ առջեւում նոր՝ 2018 թվականն է: Հրաժեշտ տալով հին տարուն, մենք ակամա ի մի ենք բերում մեր անցած ուղին, ամփոփում արածն ու չարածը: Անցնող տարին հագեցած էր քաղաքական, սոցիալ-տնտեսական, հոգեւոր-մշակութային բազմաթիվ իրադարձություններով: Միավորելով իր ներուժն ու կարողությունները, մեր երկիրը նոր ձեռքբերումներ ունեցավ կյանքի բոլոր ոլորտներում: Իրականություն դարձան նախանշված բազմաթիվ ծրագրեր, որոնք ուղղված են քաղաքացիների կյանքի որակի բարձրացմանը: Որակական փոփոխություններ արձանագրվեցին ժողովրդական տնտեսության մեջ՝ գյուղատնտեսության, շինարարության, առողջապահության, կրթության, մշակույթի, սոցիալական եւ այլ ոլորտներում.......
Քաղաքացիների ընդունելություն՝ համայնքներում 28.12.2017
Քաղաքացիների ընդունելությունների կազմակերպման կարգի համաձայն շարունակվում է մարզպետի կողմից քաղաքացիների ընդունելության կազմակերպումը ինչպես մարզպետարանում, այնպես էլ՝ տարածաշրջաններում: Այդ շրջանակում դեկտեմբերի 23-ին Աշոտ Սիմոնյանն այցելեց Թալինի տարածաշրջան: Թալինի քաղաքապետարանում կազմակերպված ընդունելությանը դրամական աջակցություն ստացավ 93 բնակիչ՝ բոլոր համայնքներից: Դեկտեմբերի 28-ին ընդունելություն կազմակերպվեց նաեւ Ապարանի եւ Արագածի տարածաշրջաններում.......
