Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնի մարզում մեկնարկում է «Էկոհամակարգային ծառայությունների ինտեգրումը տեղական ինքնակառավարման մարմիններում» ծրագիրը: Փետրվարի 22-ին մարզպետ Աշոտ Սիմոնյանն ընդունեց ՀՀ պետական կառավարման ակադեմիայի (ՀՀ ՊԿԱ) ներկայացուցիչ, ծրագրի համակարգող Մերի Մարգարյանին եւ Գերմանիայի միջազգային համագործակցության ընկերության (ԳՄՀԸ) «Կենսաբազմազանության ինտեգրված կառավարումը Հարավային Կովկասում» (ԿԻԿ) ծրագրի ներկայացուցիչներին: Մերի Մարգարյանը մարզպետին տեղեկացրեց, որ «Էկոհամակարգային ծառայությունների ինտեգրումը տեղական ինքնակառավարման մարմիններում» ծրագիրը հանրապետությունում առաջինը պիլոտային կարգով մեկնարկում է Արագածոտնում......
ՀՀ Արագածոտնի մարզպետ Աշոտ Սիմոնյանի ուղերձը Մայրենի լեզվի օրվա կապակցությամբ 21.02.2018
Սիրելի՛ հայրենակիցներ, Շնորհավորում եմ Մայրենի լեզվի օրվա կապակցությամբ: Պետական տոնացույցում փետրվարի 21-ը նշվում է որպես Մայրենի լեզվի օր, որը մեր ժողովրդի, պետության ու հասարակության անսահման երախտագիտության տուրքն է մեսրոպատառ ու ոսկեղենիկ մայրենիին: Հայերենը աշխարհի հնագույն եւ հարուստ լեզուներից է: Այն հայ մշակույթի մեծագույն հարստությունն է, որով արարվել են բազմադարյա հոգեւոր արժեքներ, մշակույթի եւ արվեստի մնայուն կոթողներ: Դարեր շարունակ հայոց լեզուն ոչ միայն հաղորդակցման միջոց է եղել, այլեւ ի դեմս մայրենիի, մեր ժողովուրդը, պահպանել է իր ինքնությունը........
Ըստ ոլորտների քննարկվեց իրականացվող աշխատանքների ընթացքը 21.02.2018
Փետրվարի 21-ին Արագածոտնի մարզպետ Աշոտ Սիմոնյանի մոտ կայացավ աշխատանքային հերթական խորհրդակցությունը, որտեղ ամփոփվեցին աշխատակազմի կառուցվածքային ստորաբաժանումներում իրականացվող աշխատանքները: Մարզպետը տեղեկացավ ՀՀ կառավարության, նախարարությունների եւ պետական այլ գերատեսչությունների կողմից ստացված հանձնարարականների կատարման ընթացքի մասին: Դրանք մասնավորապես առնչվում էին հարկային պարտավորությունների կատարմանը, մարզում սիրիահայ աշակերտների առկայությանը, գնումների գործընթացին, համայնքների տարեկան աշխատանքային պլանների կազմմանը......
Մարզպետ Աշոտ Սիմոնյանի հանդիպումը մարզային փրկարարական վարչությունում 21.02.2018
Փետրվարի 21-ին ՀՀ Արագածոտնի մարզպետ Աշոտ Սիմոնյանը աշխատանքային հանդիպում ունեցավ մարզային փրկարարական վարչությունում: Մարզպետը ծանոթացավ փրկարարական վարչության կողմից իրականացված աշխատանքներին եւ առաջիկա ծրագրերին: Քննարկվեցին բնածին եւ տեխնածին արտակարգ իրավիճակների կանխարգելման, դրանց հետեւանքների վերացմանն ուղղված համատեղ միջոցառումների մշակման եւ իրականացման հարցեր: Կատարվեց շրջայց՝ վարչության տարածքում, որի ընթացքում մարզպետին ցուցադրվեցին Աշտարակի ՀՓՋ-ին հատկացված նոր տեխնիկաները եւ փրկարարական գործիքները:
Օշականում նշվեց Մայրենի լեզվի օրը 21.02.2018
Փետրվարի 21-ին Օշականի Սբ. Մեսրոպ Մաշտոց եկեղեցու դպրատանը կազմակերպվեց Մայրենի լեզվի օրվան նվիրված միջոցառում: ՀՀ սփյուռքի նախարարության եւ Արագածոտնի մարզպետարանի նախաձեռնությամբ կազմակերպվող այս միջոցառումը արդեն տարիների պատմություն ունի, որի ընթացքում բարի ավանդույթներ են ձեւավորվել: Տոնի մասնակիցներն այցելեցին Մեսրոպ Մաշտոցի շիրմին, իրենց հարգանքի տուրքը մատուցեցին եւ ծաղիկներ խոնարհեցին: Այնուհետև Օշականի Մեսրոպ Մաշտոցի անվան դպրոցի աշակերտների եւ Երևանի Մխիթար Հերացու անվան պետական բժշկական համալսարանի օտարազգի ուսանողների մասնակցությամբ տեղի ունեցավ տոնակատարությունը......
Ընդունելությանը մասնակցած քաղաքացիները ստացան դրամական օգնություն 16.02.2018
Փետրվարի 16-ին մարզպետ Աշոտ Սիմոնյանի մոտ կայացավ քաղաքացիների հերթական ընդունելությունը, որին մասնակցեց մարզի Օշական, Օհանավան, Ծաղկահովիտ, Ն. Բազմաբերդ, Սասունիկ, Արագածոտն, Արուճ եւ Աշտարակ համայնքներից 13 բնակիչ: Դրամական օգնության խնդրանքով դիմումներ ներկայացրած բոլոր կարիքավոր քաղաքացիներին էլ ցուցաբերվեց համապատասխան աջակցություն: Քաղաքացիները մարզպետին դիմեցին նաեւ անձնական բնույթի տարբեր հարցերով եւ ստացան համապատասխան պատասխաններ եւ պարզաբանումներ:
