Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետի մոտ կայացավ քաղաքացիների հերթական ընդունելությունը 14.09.2018
Մարզպետ Աշոտ Սիմոնյանի մոտ քաղաքացիների հերթական ընդունելությունը կայացավ սեպտեմբերի 14-ին: Մասնակցեց 25 քաղաքացի՝ Կաքավաձոր, Նոր Եդեսիա, Օշական, Աղձք, Արուճ, Ուշի, Ագարակ համայնքներից, Ծաղկահովիտ, Արագածավան եւ Ալագյազ խոշորացված համայնքների բնակավայրերից, Աշտարակ եւ Թալին քաղաքներից: Քաղաքացիների ներկայացրած դիմումների զգալի մասը վերաբերում էր դրամական աջակցություն ստանալուն: Ընդհանուր առմամբ դրամական օգնություն ստացավ 21 քաղաքացի: Քաղաքացիները մարզպետին դիմեցին նաեւ աշխատանքային եւ անձնական այլ հարցերով.....
Հայտարարություն 13.09.2018
Հարգելի’ հայրենակիցներ, 2018թ. սեպտեմբերի 15-ին «Մաքուր մոլորակ» ծրագրի շրջանակներում անցկացվելու է համապետական շաբաթօրյակ: Շաբաթօրյակի մեկնարկը առավոտյան ժամը 10-ին է, որին կմասնակցեն մարզային, համայնքային կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները, մասնավոր ընկերությունները, կամավորականների ջոկատները, ողջ հանրությունը: Մարզի ազգաբնակչությանը կոչ ենք անում ակտիվորեն մասնակցել շաբաթօրյակի աշխատանքներին:
Հայտարարություն 12.09.2018
2018 թվականի հոկտեմբերի 3, 4 և 5-ին "Աշտարակի բժշկական կենտրոն" ՓԲԸ-ում ԱՄՆ "Ֆրեզնոյի Պատվո Հյուպատոսարան"-ի կողմից կազմակերպվելու են բաց դռների օրեր։ Կատարվելու են բժշկական խորհրդատվություններ, հիվանդությունների ախտորոշում և բուժօգնություն հետևյալ մասնագետների կողմից՝ • անոթային վիրաբույժ • թերապևտ • գինեկոլոգ • ընդհանուր վիրաբույժ • ստոմատոլոգ Տեղի մասնագետների կողմից կազմակերպվելու է հիվանդների նախնական բուժզննում և գրանցում ամբուլատորիաներում։ ՀՀ Արագածոտնի մարզպետարան
Աշոտ Սիմոնյանն այցելեց մարզի տարածաշրջաններ 10.09.2018
Մարզպետ Աշոտ Սիմոնյանն այցելեց Թալինի եւ Արագածի տարածաշրջաններ: Մի շարք համայնքներում նա հանդիպումներ ունեցավ բնակիչների հետ, ծանոթացավ համայնքներում առկա խնդիրներին` տալով համարժեք պարզաբանումներ: Մարզպետն առանձնահատուկ ուշադրություն դարձրեց ճանապարհաշինության, խմելաջրի մատակարարման, կրթության եւ այլ ոլորտներում առկա այն խնդիրներին, որոնք հրատապ լուծում են պահանջում: Համայնքների ղեկավարների հետ քննարկվեցին դրանց լուծման հնարավոր ուղիները: Աշոտ Սիմոնյանն այցելեց նաեւ H-21 Բերքառատ ճանապարհահատված, որտեղ հիմնանորոգման ծրագիր է իրականացվում եւ ծանոթացավ շինարարական աշխատանքներին:
Տեղեկացում համայնքների ավագանիների նիստերի վերաբերյալ 10.09.2018
2018 թվականի սեպտեմբերի 11-ին ՀՀ Արագածոտնի մարզի Կաթնաղբյուրի համայնքապետարանում տեղի կունենա Կաթնաղբյուր համայնքի ավագանու հերթական նիստը: 2018 թվականի սեպտեմբերի 13-ին, ժամը 15:30-ին ՀՀ Արագածոտնի մարզի Արագածոտնի համայնքապետարանում տեղի կունենա Արագածոտն համայնքի ավագանու հերթական նիստը:
Համապետական շաբաթօրյակը Արագածոտնի մարզում շարունակվում է 08.09.2018
Արագածոտնի մարզում համապետական շաբաթօրյակը շարունակվում է: Մարզպետ Աշոտ Սիմոնյանի կարգադրությամբ ստեղծված մարզային հանձնաժողովի կողմից կազմված շաբաթօրյակի գործողությունների պլանի համաձայն համայնքներում սահմանազատված տարածքներում իրականացվում են հրապարակների, փողոցների եւ բակերի, զբոսայգիների, պատմամշակութային հուշարձանների, կրթական եւ առողջապահական հաստատությունների, հանրային նշանակության կառույցների, ճանապարհների հարակից տարածքների մաքրում եւ բարեկարգում: Համայնքներում ամրագրված մարզպետարանի պատասխանատուները վաղ առավոտյան շարժվեցին դեպի իրենց տարածքներ: Համապետական շաբաթօրյակի աշխատանքներին ներգրավված են մարզային, համայնքային կազմակերպությունները.....
