Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Բարեգործական հերթական ծրագիրը՝ Արագածոտնում 05.04.2018
Արագածոտնի մարզում իրականացվեց բարեգործական հերթական ծրագիրը: Մարզպետարանի նախաձեռնությամբ եւ ,,Արմենիան Լայթհաուս,, բարեգործական կազմակերպության աջակցությամբ անապահով ընտանիքներին հատկացվեցին հագուստի փաթեթներ: Շահառուների համար նաեւ անակնկալ էր պատրաստվել: Նրանք հնարավորություն ունեցան ընտրելու իրենց նախատեսված այլ իրեր՝ կոշկեղեն, պայուսակներ, խաղալիքներ եւ առաջին անհրաժեշտության այլ պարագաներ: Շահառուների թիվը 100 ընտանիք էր: Նրանք մարզի բոլոր տարածաշրջաններից էին, ովքեր դիմել էին աջակցության համար: Մարզպետ Աշոտ Սիմոնյանի հանձնարարությամբ նախապես ճշտվել էին շահառուները.....
Աշոտ Սիմոնյանի մոտ քննարկվեցին օրախնդիր հարցեր 04.04.2018
Ապրիլի 4-ին մարզպետ Աշոտ Սիմոնյանի մոտ տեղի ունեցավ աշխատանքային հերթական խորհրդակցությունը: Ամփոփվեցին նախորդ խորհրդակցության ժամանակ տրված հանձնարարականների կատարման ընթացքն ու արդյունքները: Դրանք առնչվում էին տարբեր տեղեկատվությունների, հաշվետվությունների տրամադրմանը, համայնքների տարեկան աշխատանքային պլանների կազմմանը, կառավարության նիստերի արձանագրություններից բխող հանձնարարականների կատարմանը եւ այլն: Մարզպետը ըստ ոլորտների անդրադարձավ մարտի 3-ին Արագածոտնի մարզում ՀՀ վարչապետ Կարեն Կարապետյանի կողմից անցկացրած խորհրդակցության ժամանակ բարձրացված խնդիրներին եւ դրանց լուծմանը....
Տեղեկատվություն Արագածոտնի մարզում մարտ ամսին գրանցված ծնունդների մասին 04.04.2018
Արագածոտնի մարզի ծննդատներում 2018 թ. մարտ ամսին գրանցվել է 51 ծնունդ: (Նախորդ ամսին այդ թիվը 55 էր): Նրանցից 24-ը աղջիկ է, 28-ը` տղա: Մարզպետարանի առողջապահության եւ սոցիալական ապահովության վարչությունը ներկայացրել է հետեւյալ տեղեկատվությունը. Աշտարակի տարածաշրջանում գրանցվել է 19 ծնունդ՝ 12 աղջիկ, 8 տղա: Թալինի տարածաշրջանում՝ 20 ծնունդ, 7 աղջիկ, 13 տղա: Ապարանի տարածաշրջանում՝ 10 ծնունդ, 5 աղջիկ, 5 տղա: Արագածի տարածաշրջանում՝ 2 ծնունդ, 2 տղա:
Արագածոտնի դպրոցականների հաղթանակը՝ ասմունքի հանրապետական մրցույթ-փառատոնում 03.04.2018
Երեւանի Հակոբ Պարոնյանի անվան երաժշտական կոմեդիայի պետական թատրոնում տեղի ունեցան ,,Հանրապետական ասմունքի մանկապատանեկան 11-րդ մրցույթ-փառատոն,,-ի եզրափակիչ փուլը եւ գալա համերգը: Փառատոնն այս տարի նվիրված էր հայ ժողովրդի բոլոր ժամանակների ազգային ազատագրական պայքարին եւ կրում էր ,,Արցախյան ազատամարտ-30,, խորագիրը: Արագածոտնի մարզից եզրափակիչ մրցույթին մասնակցեցին մարզային փուլում հաղթած դպրոցականները........
Ընդունելությանը մասնակցած քաղաքացիները դրամական աջակցություն ստացան 30.03.2018
Մարտի 30-ին մարզպետ Աշոտ Սիմոնյանի մոտ կայացավ քաղաքացիների հերթական ընդունելությունը: Ընդհանուր առմամբ՝ մասնակցեց 19 քաղաքացի, ովքեր եկել էին Շամիրամ, Հնաբերդ, Դաշտադեմ, Օշական, Քուչակ, Ծաղկահովիտ, Ոսկեվազ, Փարպի, Նոր Ամանոս, Զովասար գյուղական համայնքներից եւ Աշտարակ, Թալին քաղաքներից: Քաղաքացիների խնդիրները հիմնականում վերաբերում էին դրամական աջակցությանը: Նախապես ուսումնասիրելով դիմումատուների սոցիալական կարգավիճակը` Աշոտ Սիմոնյանը դրամական օգնություն հատկացրեց 15 քաղաքացու: Եղան նաեւ անձնական այլ հարցեր ունեցող քաղաքացիներ, որոնց խնդիրների կապակցությամբ մարզպետը համապատասխան ցուցումներ տվեց եւ պարզաբանումներ կատարեց:
Դպրոցականների առարկայական օլիմպիադայի մարզային փուլի հաղթողները մարզպետի կողմից պատվոգրեր ստացան 30.03.2018
Արագածոտնի մարզում դպրոցականների առարկայական օլիմպիադայի մարզային փուլին մասնակցեց 297 աշակերտ, որից 52-ը հաղթող ճանաչվեց եւ իրավունք ստացավ անցնելու դպրոցականների առարկայական օլիմպիադայի հանրապետական փուլ: Մարզային փուլում հաղթանակ տարած բոլոր աշակերտները մարզպետ Աշոտ Սիմոնյանի կողմից արժանացան պատվոգրերի: Պարգեւները հաղթողներին հանձնվեցին հանդիսավոր արարողությամբ, որին ներկա էին մարզպետ Աշոտ Սիմոնյանը, աշխատակազմի ղեկավար Հրաչյա Գեւորգյանը: Ողջունելով մասնակիցներին՝ մարզպետը շնորհավորեց աշակերտներին եւ հույս հայտնեց, որ իրենց փայլուն գիտելիքները նրանք հարստացնելու են հանրապետության լավագույն բուհերում.....
