Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ տարածքային կառավարման և զարգացման նախարարությունը ամփոփել է «Մաքուր Հայաստան» ծրագրի երրորդ համապետական շաբաթօրյակի նախնական արդյունքները: Նախնական տվյալների համաձայն` հոկտեմբերի 21-ի համապետական երրորդ շաբաթօրյակի աշխատանքներին ՀՀ մարզերի համայնքներում ընդհանուր առմամբ մասնակցել են շուրջ 138000 քաղաքացի, փակման ենթակա 163 աղբանոցից փակվել է 17-ը : Համայնքների սանիտարական մաքրման ու բարեկարգման աշխատանքներն արդյունավետ իրականացնելու նպատակով շաբաթօրյակին մասնակցել են պետական և մասնավոր կառույցների, հանրակրթական ուսումնական,առողջապահական և այլ հաստատությունների շուրջ 2678 կոլեկտիվներ։ Շաբաթօրյակին ներգրավվել է շուրջ 1690 միավոր տեխնիկա, այդ թվում` ինքնաթափ մեքենաներ, ամբարձիչ մեքենաներ և էքսկավատորներ: Հղումը՝ mtad.am
Արագածոտնի մարզը մասնակցում է համապետական շաբաթօրյակին 21.10.2017
Հոկտեմբերի 21-ին Արագածոտնի մարզը մասնակցում է համապետական շաբաթօրյակին: Մարզպետ Աշոտ Սիմոնյանի կարգադրությամբ ստեղծված՝ ,,Մաքուր Հայաստան ,, ծրագիրն իրականացնող մարզային հանձնաժողովի կողմից կազմված շաբաթօրյակի իրականացման գործողությունների պլանի համաձայն շրջաբերականներ են ուղարկվել համայնքների, կրթական, առողջապահական հաստատությունների ղեկավարներին, շահագրգիռ բոլոր կողմերին: Մարզպետարանի աշխատանիցներին հանձնարարված է՝ լինել համայնքներում, հետեւել գործընթացին.....
Աշոտ Սիմոնյանը հետեւում է շաբաթօրյակի ընթացքին 21.10.2017
Արագածոտնի մարզում շարունակվում է համապետական շաբաթօրյակի ընթացքը: Աշխատանքներին ծանոթանալու նպատակով մարզպետ Աշոտ Սիմոնյանը շրջայց կատարեց մարզկենտրոն Աշտարակում: Նա ականատես եղավ, որ քաղաքի տարբեր հատվածներում ընթանում են մաքրման, բարեկարգման աշխատանքներ: Մարզի համայնքներում իրականացվող շաբաթօրյակի ընթացքի մասին մարզպետին պարբերաբար զեկուցվում է տեղերում գտնվող՝ մարզպետարանի աշխատակիցների կողմից: Շաբաթօրյակին մասնակցում են մարզային, համայնքային կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները եւ մասնավոր ընկերությունները, ողջ հանրությունը: Նախնական հաշվարկով աշխատանքի է դուրս բերվել 140 ինքնաթափ, 80 ամբարձիչ մեքենա, մարդկային ռեսուրսը կազմում է շուրջ 16 հազար մարդ : ,,Մաքուր Հայաստան,, ծրագրի շրջանակում ձևավորված մարզային հանձնաժողովի հետ կապ հաստատելու համար գործում է թեժ գիծ՝ (0232) 3-37-74 հեռախոսահամարով:
Նախարարներ Դավիթ Լոքյանն ու Արծվիկ Մինասյանն այցելել են Արագածի տարածաշրջան 20.10.2017
Նախարարներ Դավիթ Լոքյանն ու Արծվիկ Մինասյանն այցելել են Արագածի տարածաշրջան ՀՀ տարածքային կառավարման և զարգացման նախարար Դավիթ Լոքյանը և ՀՀ բնապահպանության նախարար Արծվիկ Մինասյանը Արագածոտնի մարզպետ Աշոտ Սիմոնյանի ուղեկցությամբ այսօր այցելել են Արագածի տարածաշրջանի բնակավայրեր: Նախարարները հանդիպել են բնակիչների հետ և քննարկել տարածաշրջանում առկա խնդիրները: Հանդիպումների ավարտին Կառավարության անդամները պատասխանել են բնակիչներին հուզող բազմաթիվ հարցերի: Հղումը՝ mtad.am
Քաղաքացիների ընդունելություն 20.10.2017
Հոկտեմբերի 20-ին մարզպետի մոտ ընդունելության համար ցուցակագրված էր 18 քաղաքացի՝ մարզի բոլոր տարածաշրջաններից: Դրամական օգնության համար դիմեց սոցիալապես անապահով իրավիճակ ունեցող 15 քաղաքացի, որոնց դիմումները բավարարվեց: Մեկ քաղաքացի էլ մարզպետին դիմեց անձնական հարցով եւ համապատասխան պարզաբանում ստացավ: Քաղաքացիների ընդունելությունների կազմակերպման կարգի համաձայն, մարզպետի մոտ ընդունելության օր է սահմանված յուրաքանչյուր ուրբաթ օր: Այդուհանդերձ, հրատապ եւ անհետաձգելի խնդիրներ ունենեցքղ քաղաքացիներին մարզպետն ընդունում է նաեւ այլ օրերի:
Երևանում և բոլոր մարզերում ակտիվ նախապատրաստվում են հոկտեմբերի 21-ի համապետական 3-րդ շաբաթօրյակին 19.10.2017
ՀՀ տարածքային կառավարման և զարգացման նախարարությունում հոկտեմբերի 18-ին տեղի է ունեցել «Մաքուր Հայաստան» գործողությունների ծրագրի իրականացման միջգերատեսչական հանձնաժողովի հերթական նիստը, որը վարել ՏԿԶ նախարարի առաջին տեղակալ, հանձնաժողովի նախագահ Վաչե Տերտերյանը: Նիստի սկզբում ներկայացվել են «Մաքուր Հայաստան» ծրագրի շրջանակում կատարված աշխատանքները: Ծրագրի շրջանակում կազմակերպվել է երկու համապետական շաբաթօրյակ և երկու լրացուցիչ համաքաղաքային շաբաթօրյակ Երևանում, արդյունքում՝ 2017 թվականի հոկտեմբերի 18-ի դրությամբ արձանագրված 2029 աղբանոցից մաքրվել կամ կոնսերվացվել են 1574-ը.........
