Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Երեխաների ամառային հանգիստը կկազմակերպվի ,,ԼԱՎԱ Աղբյուր,, մանկական ճամբարում 05.06.2018
Արագածոտնի մարզի երեխաները ամռանը կհանգստանան Ծաղկաձորի ,,ԼԱՎԱ Աղբյուր,, մանկական ճամբարում: ՀՀ Կառավարության կողմից իրականացվող ծրագիրը նախատեսված է զոհված, հաշմանդամ դարձած զինծառայողների, ծնողազուրկ ու սակավ ապահովված բազմազավակ ընտանիքների 7-13 տարեկան դպրոցահասակ երեխաների համար: Այս տարի մարզից ընդհանուր առմամբ ճամբար կմեկնի 355 երեխա: Նրանք կհանգստանան 3 հերթափոխով` հունիսի 19-ից մինչեւ հուլիսի 8-ը, հուլիսի 8-ից մինչեւ հուլիսի 27-ը եւ հուլիսի 27-ից մինչեւ օգոստոսի 15-ը: Ներկայումս տարվում են ցուցակների կազմման եւ կազմակերպչական այլ աշխատանքներ......
Տեղեկատվություն Արագածոտնի մարզում մայիս ամսին գրանցված ծնունդների մասին 04.06.2018
Արագածոտնի մարզի ծննդատներում 2018 թ. մայիս ամսին գրանցվել է 58 ծնունդ: (Նախորդ ամսին այդ թիվը 44 էր): Նրանցից 19-ը աղջիկ է, 39-ը` տղա: Մարզպետարանի առողջապահության եւ սոցիալական ապահովության վարչությունը ներկայացրել է հետեւյալ տեղեկատվությունը. Աշտարակի տարածաշրջանում գրանցվել է 15 ծնունդ՝ 3 աղջիկ, 12 տղա: Թալինի տարածաշրջանում՝ 23 ծնունդ, 9 աղջիկ, 14 տղա: Ապարանի տարածաշրջանում՝ 16 ծնունդ, 6 աղջիկ, 10 տղա: Արագածի տարածաշրջանում՝ 4 ծնունդ, 1 աղջիկ, 3 տղա:
Տեղի ունեցավ Սաղմոսավանի նորակառույց հայորդյաց տան բացումը 04.06.2018
Հունիսի 2-ին Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի հանդիսապետությամբ տեղի ունեցավ Սաղմոսավանի նորակառույց հայորդյաց տան բացման արարողությունը: Հայորդյաց տունը կառուցվել է Տեր եւ Տիկին Լեւոն եւ Նադիա Քաբաբջյանների բարերարությամբ եւ ԵՀԽ Հայաստանյան Կլոր սեղան միջեկեղեցական բարեգործական հիմնադրամի ու Արի կանանց փոխադարձ օգնության միության օժանդակությամբ: Արարողությանը մասնակցում էր Արագածոտնի մարզպետ Աշոտ Սիմոնյանը: Ներկա էին նաեւ Մայր Աթոռում եւ Արագածոտնի թեմում պաշտոնավարող եպիսկոպոսներ........
Մարզպետ Աշոտ Սիմոնյանը աշխատանքային հանդիպումներ է ունենում աշխատակազմի հետ 03.06.2018
Հունիսի 1-ին ՀՀ Արագածոտնի մարզպետ Աշոտ Սիմոնյանն անցավ իր պարտականությունների կատարմանը: Մարզպետարանում նա հանդիպեց աշխատակազմի ղեկավարության եւ ստորաբաժանումների ղեկավարների հետ: Ընդունելով շնորհավորանքները՝ մարզպետը հետաքրքրվեց, թե ինչ ընթացքում են այն ծրագրերը, որոնք սկսել էին համատեղ իրականացնել մարզում վերջին մեկ տարում: Աշոտ Սիմոնյանը լավատեսորեն նկատեց, որ այն խնդիրները, որոնց անդրադարձել են 8-9 ամիս առաջ, համահունչ են ներկայիս տրամաբանությանը: Նա վստահաբար հավաստիացրեց, որ բոլոր նախանշված ծրագրերը իրականացվելու են ամենայն լիարժեքորեն, եւ դրական արդյունքը տեսանելի է լինելու ամենամոտ ապագայում........
ՀՀ տարածքային կառավարման եւ զարգացման նախարար Սուրեն Պապիկյանը Արագածոտնի մարզպետարանում ներկայացրեց նորանշանակ մարզպետ Աշոտ Սիմոնյանին: Հանդիպմանը ներկա էին մարզպետարանի ղեկավար կազմը, աշխատակազմի ստորաբաժանումների ղեկավարները, համայնքապետերը, մարզային ենթակայության կազմակերպությունների, ուժային կառույցների ղեկավարները: Նախարարը կարեւորեց այս այցը, քանի որ այն իր առաջին պաշտոնական այցելությունն է մարզ, որը առաջիկայում բազմիցս է կայանալու........
ՀՀ Կառավարության որոշմամբ Աշոտ Սիմոնյանը նշանակվել է ՀՀ Արագածոտնի մարզպետ 01.06.2018
ՀՀ կառավարության՝ 2018 թվականի հունիսի 1-ի նիստում Աշոտ Սիմոնյանը նշանակվել է ՀՀ Արագածոտնի մարզպետ: ՀՀ Կառավարության որոշմամբ կատարվել են նաեւ հետեւյալ նշանակումները. Արարատի մարզպետ՝ Գարիկ Սարգսյան, Կոտայքի մարզպետ՝ Ռոմանոս Պետրոսյան, Տավուշի մարզպետ՝ Վահե Ղալումյան, Շիրակի մարզպետ՝ Կարեն Սարուխանյան, Գեղարքունիքի մարզպետ՝ Իշխան Սաղաթելյան, Վայոց Ձորի մարզպետ՝ Արագած Սաղաթելյան, Լոռու Մարզպետ՝ Հրանտ Մարգարյան:
