Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կկայանա մարզխորհրդի նիստ 24.10.2018
Հոկտեմբերի 26-ին, ժամը 11:00-ին ՀՀ Արագածոտնի մարզպետարանի դահլիճում տեղի կունենա մարզխորհրդի նիստ՝ հետևյալ օրակարգով. 1. ՀՀ Արագածոտնի մարզպետ Դավիթ Գևորգյանի խոսքը՝ ուղղված մարզի խորհրդին: 2. Մարզի համայնքների սեփական եկամուտների հավաքագրման ցուցանիշների մասին /զեկ. մարզպետի տեղակալ Գ. Աթանեսյան/: 3. Մարզի համայնքներում աղբահանության կազմակերպման գործընթացի մասին /զեկ. մարզպետարանի աշխատակազմի քաղաքաշինության վարչության պետ Ա. Դավայան/: 4. Մարզի համայնքներում ներդրումային ծրագրեր իրականացնելու և դրանց օժանդակելու մասին (զեկ. մարզպետարանի աշխատակազմի զարգացման ծրագրերի, զբոսաշրջության և վերլուծության բաժնի պետ Ի. Բարսեղյան): 5. Համայնքներին սուբվենցիաների տրամադրման և ծրագրերի իրականացման գործընթացի մասին (զեկ. մարզպետարանի աշխատակազմի զարգացման ծրագրերի, զբոսաշրջության և վերլուծության բաժնի պետ Ի. Բարսեղյան): 6. > միջոցառման հետ կապված կազմակերպչական հարցերի մասին (զեկ. մարզպետարանի աշխատակազմի զարգացման ծրագրերի, զբոսաշրջության և վերլուծության բաժնի պետ Ի. Բարսեղյան): 7. Հայտարարություն – Մարզի համայնքներին սերմացուների և դիզվառելիքի տրման, ինչպես նաև համայնքներում անասնաբույժի հաստիքներ սահմանելու մասին (Յու. Ազատյան):
Իրազեկում համայնքների ավագանիների նիստերի վերաբերյալ 23.10.2018
2018 թվականի հոկտեմբերի 29-ին, ժամը 15:30-ին Արագածոտնի համայնքապետարանում տեղի կունենա Արագածոտն համայնքի ավագանու հերթական նիստը:
Արագածոտնի մարզի հինգ համայնքում կայացան ՏԻՄ ընտրություններ 22.10.2018
Հոկտեմբերի 21-ին Արագածոտնի մարզի Հացաշեն, Նոր Ամանոս եւ Կարմրաշեն համայնքներում կայացան համայնքի ղեկավարի, Մեծաձոր եւ Վերին Սասնաշեն համայնքներում՝ ավագանու անդամի ընտրություններ: Կենտրոնական ընտրական հանձնաժողովը հրապարակել է ընտրությունների նախնական արդյունքները, որի համաձայն Հացաշենում համայնքապետ է ընտրվել միակ թեկնածուն՝ Վաչագան Դավթյանը, իսկ Նոր Ամանոսում՝ Վահրամ Ավետիսյանը: Նա եւս առաջադրված միակ թեկնածուն էր: Ընտրված երկու համայնքապետերն էլ նշված համայնքների գործող ղեկավարներն էին: Կարմրաշենում համայնքի ղեկավար է ընտրվել համայնքի ղեկավարի ժամանակավոր պաշտոնակատար Սամվել Թորոսյանը: Ընտրվել են նաեւ Մեծաձոր եւ Վերին Սասնաշեն համայնքների ավագանիներ:
Մարզպետ Դավիթ Գեւորգյանը մասնակցեց աշխատանքի տոնավաճառին 19.10.2018
Հոկտեմբերի 19-ին Արագածոտնի մարզպետ Դավիթ Գեւորգյանը մասնակցեց ՀՀ աշխատանքի եւ սոցիալական հարցերի նախարարության զբաղվածության պետական գործակալության կողմից կազմակերպված աշխատանքի տոնավաճառին: Միջոցառումը կայացավ Աշտարակի քաղաքային մշակույթի տան սրահում, որին մասնակցում էին ամենատարբեր ոլորտի ավելի քան 30 կազմակերպություններ, ձեռնարկություններ եւ ընկերություններ: Նրանք ընդհանուր առմամբ ներկայացրին առկա 64 եւ սպասվելիք 24 աշխատատեղեր: Ողջունելով մասնակիցներին՝ Դավիթ Գեւորգյանը նշեց, որ նախաձեռնության նպատակն է իրականացնել գործատուների եւ աշխատանք փնտրողների հանդիպումը.....
Կկայանա աշխատանքի տոնավաճառ 18.10.2018
ՀՀ Աշխատանքի եւ սոցիալական հարցերի նախարարության զբաղվածության պետական գործակալությունը Արագածոտնի մարզում կազմակերպում է աշխատանքի տոնավաճառ, որը կկայանա հոկտեմբերի 19-ին, ժամը 11:00-ին, Աշտարակ քաղաքի մշակույթի տանը: ՀՀ Արագածոտնի մարզպետարան
Արագածոտնի մարզպետ Դավիթ Գեւորգյանի մոտ կայացավ աշխատանքային առաջին խորհրդակցությունը 18.10.2018
Հոկտեմբերի 18-ին Արագածոտնի մարզպետ Դավիթ Գեւորգյանը հրավիրեց աշխատանքային առաջին խորհրդակցությունը: Նա նշեց, որ վերջին 5 ամիսներին լինելով տարածքային կառավարման եւ զարգացման փոխնախարար՝ հնարավորություն է ունեցել ծանոթանալու մարզի խնդիրներին, որոնք բազմաթիվ են եւ առկա են գրեթե բոլոր ոլորտներում: Մարզպետը դրանք երկու հիմնական մասի բաժանեց՝ օրինականության, արդարության եւ հավասարության հաստատում եւ սոցիալ-տնտեսական վիճակի բարելավում: Մարզպետը նշեց, որ այս տեսակետի հիմքում ընկած են առաջին հերթին վարչապետի պաշտոնակատար Նիկոլ Փաշինյանի կողմից իրեն տրված առաջադրանքը եւ քաղաքացիների այն սպասելիքները, որոնք առկա են թավշյա հեղափոխությունից հետո.....
