Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հանդիպում Ուջանում 29.09.2014
Արագածոտնի մարզում իրականացվում է Առաջին համաշխարհային պատերազմի 100-ամյա տարելիցին նվիրված ,,Առաջին համաշխարհայինը և հայ ժողովուրդը,, միջոցառումների ընդգրկուն ծրագիր որի նախաձեռնողը Արագածոտնի մարզպետարանն է: Այդ շրջանակում մարզային մամուլում մեկնարկել է հոդվածաշար՝ նվիրված առաջին աշխարհամարտին: Աշխարհամարտ, որը ողբերգական հետևանքներ ունեցավ հայ ժողովրդի համար...
Շնորհավորանք՝ հայրենակից բանաստեղծներին 29.09.2014
Լրացավ մեր գրականագետ, հրապարակախոս, բանասիրական գիտությունների դոկտոր-պրոֆեսոր, ծնունդով հնաբերդցի Լյուդվիգ Կարապետյանի 75-ամյակը: Այդ կապակցությամբ Երեւանի Ավետիք Իսահակյանի անվան կենտրոնական գրադարանում կազմակերպվել էր հոբելյանական միջոցառում: Մասնակցում էին մտավորականներ, հոբելյարի գործընկերները, մտերիմներն ու հարազատները, ովքեր իրենց շնորհավորանքի եւ բարեմաղթանքի հետ մեկտեղ կիսվեցին նրան բնութագրական հիշողություններով ու հետաքրիր պատմություններով: Մատուցվեցին տոնական ընծաներ, մշակույթի նախարարության եւ Հայ ժուռնալիստների միության կողմից՝ մեդալներ
Արագածոտնում կայացավ ազգային ավանդական երգի-պարի <<Զարթիր, լաո>> փառատոնը 27.09.2014
Արագածոտնի մարզպետարանի, մշակույթի նախարարության աջակցությամբ Արագածոտնի մարզում անցկացվեց ազգային ավանդական երգի-պարի համույթների, անհատ կատարողների մարզային > փառատոնը: Փառատոնն անցավ երեք համերգային ծրագրով՝ Նոր Արթիկ, Սասունիկ, Ներքին Սասնաշեն համայնքներում, որտեղ հիմնականում բնակվում են Արևմտյան Հայաստանից գաղթած, եղեռնից մազապուրծ եղածների սերունդները, ովքեր հավատարմորեն պահպանում եւ սերունդներին են փոխանցում ազգային մշակութային ավանդույթներն ու լավագույն արժեքները...
Վարչապետը ծանոթացել է Արագածոտնի մարզում իրականացվող ներդրումային ծրագրի ընթացքին 27.09.2014
Վարչապետ Հովիկ Աբրահամյանն այցելել է Արագածոտնի մարզում գործող «Գոլդն Գրեյպ Արմաս» գյուղատնտեսական գործունեությամբ զբաղվող ընկերություն: 2007 թվականից մինչ օրս ավելի քան 200 հա տարածության վրա հիմնվել են խաղողի այգիներ, մշակվում են կոնյակի և գինու, ինչպես նաև սեղանի խաղողի սորտեր, իսկ 40 հա հողատարածքը զբաղեցնում են պտղատու այգիներ (դեղձի, սալորի, խնձորի, ծիրանի, բալի և այլն): Հովիկ Աբրահամյանը շրջել է այգիներով, ծանոթացել գյուղատնտեսական աշխատանքների արդյունքներին և ընկերության առաջիկա ծրագրերին...
Հրամանատարաշտաբային ուսումնավարժանք` բնակչության պաշտպանությունը ուժեղ երկրաշարժի դեպքում 26.09.2014
Սեպտեմբերի 25-ին ժամը 07:30-19:00 Արագածոտնի մարզպետարանում Արագածոտնի մարզային փրկարարական վարչության կողմից անցկացվեց հրամանատարաշտաբային ուսումնավարժանք > թեմայով, որի նպատակն էր կատարելագործել ՀՀ Արագածոտնի մարզի պետական կառավարման տարածքային մարմնի, մարզի արտակարգ իրավիճակներում գործող մշտական հանձնաժողովի և մարզային փրկարարական վարչության հմտություններն ու ունակությունները ուժեղ երկրաշարժի դեպքում բնակչության պաշտպանության միջոցառումների կազմակերպման և իրականացման գործում...
Մարզպետ Սարգիս Սահակյանն ընդունեց Հայաստանում Եվրամիության պատվիրակության ղեկավարին 25.09.2014
Սեպտեմբերի 25-ին Արագածոտնի մարզպետ Սարգիս Սահակյանն ընդունեց Հայաստանում Եվրամիության պատվիրակության ղեկավար, դեսպան Տրայան Հրիսթեան: Հանդիպման ընթացքում պատվիրակության ղեկավարը ներկայացրեց Հայաստանում ԵՄ գործունեությունը եւ, մասնավորապես, Արագածոտնի մարզում իրականացված ծրագրերը: Նշվեց, որ կրթական, գյուղական համայնքների զարգացման եւ այլ ծրագրեր են իրականացվել Թալին քաղաքում ու մարզի մի քանի գյուղական համայնքներում: Տրայան Հրիսթեանը մարզպետին ներկայացրեց գործողությունների այն նոր շրջանակը, որը նախատեսվում է առաջիկա իրենց ծրագրերում եւ առաջարկեց դրանց իրականացման համատեղ քննարկում...
