Արագածոտնի մարզպետի աշխատակազմ

Սիրելի՛ շրջանավարտներ, ուսուցիչներ, ծնողներ, շնորհավորում եմ բոլորիդ` դպրոցական ուսումնական տարվա ավարտի կապակցությամբ:
Տոնական այս օրը գեղեցիկ ավանդույթ է ձեւավորվել: Կրթօջախներում վերջին դասի հետ հնչում է վերջին զանգը, որի ղողանջները ուղեկցելու են ձեզ ողջ կյանքի ընթացքում` հաճելի հիշողություններ պարգեւելով աշակերտական անհոգ ու մտերմիկ կյանքի, դասընկերների, սիրելի ուսուցիչների մասին:
Բնական է այն հուզմունքը, որով համակված` դուք հրաժեշտ եք տալիս հարազատ դպրոցին, ուսուցիչներին եւ համադասարանցիներին: Դուք ավարտում եք ձեր կյանքի կարեւոր փուլերից մեկը եւ մուտք եք գործում պատասխանատու մի շրջան:
Վստահ եմ, որ ձեր երազանաքներին հասնելու համար դուք ունեք բավարար գիտելիքներ, կամք եւ բարոյական բարձր հատկանիշներ: Այդուհանդերձ, հաստատակամորեն կքայլեք մեծ կյանքի ճանապարհով, կլինեք պետության արժանավոր քաղաքացիներ եւ ձեր նպաստը կբերեք մեր պետության հետագա զարգացմանը:
Բարի երթ ձեզ, սիրելի’ շրջանավարտներ, մեծագույն հաջողություններ ձեր բոլոր հետագա ձեռնարկումներում: