Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Եվրոպական ժառանգության օրեր՝ Արագածոտնում 25.09.2017
Սեպտեմբերի 30-ից հոկտեմբերի 1-ը «Ժառանգությունը և բնությունը» խորագրի ներքո Հայաստանում անց է կացվելու Եվրոպական ժառանգության օրեր: Ծրագրի շրջանակում Արագածոտնի մարզում կիրականացվեն միջոցառումներ՝ ընդգրկելով մարզի 4 տարածաշրջանները: Հանրակրթական դպրոցներում նախատեսվում է կազմակերպել բաց դասեր, շարադրությունների մրցույթներ: ,,Հայկական զարդանախշեր» վերտառությամբ ցուցահանդես կունենան գեղարվեստի դպրոցների սաները: Սեպտեմբերի 30-ին Թալինի թիվ 2 դպրոցում «Մարզի եկեղեցիների ու բերդերի պատմությունը» թեմայով կազմակերպվող ինտելեկտուալ խաղ-վիկտորինային կմասնակցեն Աշնակի, Թալինի թիվ 1 , թիվ 2 և Կաթնաղբյուրի դպրոցների թիմերը.....
Մամլո հաղորդագրություն 23.09.2017
2017 թվականի սեպտեմբերի 29-ին, ժամը 11.00-ին ՀՀ Արագածոտնի մարզպետարանում տեղի կունենա ՀՀ Արագածոտնի մարզպետ Աշոտ Սիմոնյանի մամլո ասուլիսը: Մարզպետը կներկայացնի մեկ տարվա ընթացքում կատարված աշխատանքների վերաբերյալ հաշվետվություն: ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին Հեռախոս՝ 0232-3-42-26
ՀՀ Արագածոտնի մարզպետ Աշոտ Սիմոնյանի շնորհավորական ուղերձը ՀՀ Անկախության օրվա առթիվ 21.09.2017
Սիրելի՛ հայրենակիցներ, շնորհավորում եմ Հայաստանի Հանրապետության Անկախության տոնի առթիվ: 1991 թվականի սեպտեմբերի 21-ին հանրաքվեի միջոցով հայ ժողովուրդը միակամ ընտրեց անկախություն ուղին: Այդ իրողությունը պատմական ու ճակատագրական էր ոչ միայն Հայաստանի տարածքում բնակվողների, այլեւ նրա սահմաններից դուրս գտնվող աշխարհասփյուռ հայերի համար: Գրեթե միաձայն ընդունած «այո»-ն նոր ճանապարհի սկիզբն էր, որը նաեւ մեր պապերի վաղեմի երզանքների իրականացման հաստատումն էր: Անցյալի պատմությունը ունենալով մեր գիտակցության մեջ, հավատով ու վստահությամբ շարժվեցինք առաջ` շարունակելով կերտել մեր նորագույն պատմությունը, Հայաստանի երրորդ հանրապետության պատմությունը.....
Տոնական միջոցառում՝ նվիրված Անկախության տոնին 21.09.2017
Արագածոտնի մարզպետարանի նախաձեռնությամբ կայացավ ՀՀ Անկախության օրվան նվիրված տոնակատարություն: Աշտարակի մշակույթի տանը ներկա էին մարզպետ Աշոտ Սիմոնյանը, մարզի, մարզկենտրոնի ողջ ղեկավարությունը, կրթական, առողջապահական կազմակերպությունների, համայնքների ղեկավարները, բազմաթիվ հյուրեր այլ համայնքներից եւ մայրաքաղաքից: Հնչեց ՀՀ պետական օրհներգը, որին հաջորդեց Արագածոտնի թեմի առաջնորդ Մկրտիչ Գերաշնորհ Պռոշյանի օրհնանքի խոսքը: Ներկաներին ողջունեց Արագածոտնի մարզպետ Աշոտ Սիմոնյանը: Նա, մասնավորապես, ասաց. ,,Սեպտեմբերի 21-ը համազգային հպարտության տոն է.....
Խորհրդակցությունում քննարկվեցին ընթացիկ հարցեր 20.09.2017
Սեպտեմբերի 20-ին Արագածոտնի մարզպետ Աշոտ Սիմոնյանի մոտ կայացավ աշխատանքային հերթական խորհրդակցությունը: Անդրադարձ եղավ սեպտեմբերի 8-ին Արագածոտնի մարզում ՀՀ վարչապետ Կարեն Կարապետյանի հրավիրած խորհրդակցության արձանագրությամբ մարզպետին եւ ստորաբաժանման ղեկավարներին տրված հանձնարարականների կատարմանը: Դրանք, մասնավորապես, վերաբերում էին ինտենսիվ այգիների հիմնմանը, զարգացման ռազմավարական ծրագրի շրջանակում իրականացվելիք ներդրումներին, զբոսաշրջությանը, ջրամբարաշինությանը, ձեռնարկատիրական գործունեության ծավալմանը եւ դրանց առնչությամբ ներկայացվելիք առաջարկություններին.....
Վարչապետ Կարեն Կարապետյանն այցելել է Արագածոտնի մարզի Մաստարա համայնք և Գյումրի 15.09.2017
Վարչապետ Կարեն Կարապետյանն այցելել է Արագածոտնի մարզի Մաստարա համայնք եւ Գյումրի: Կառավարության ղեկավարը նախ եղել է Մաստարա համայնքի պանրի գործարանում՝ ծանոթացել վերջինիս գործունեությանն ու արտադրատեսականուն: Տեղեկացվել է, որ արդեն 20 տարի գործող գործարանն արտադրում է պանրի մեծածավալ տեսականի, որի մի մասն իրացվում է տեղական շուկայում, իսկ մի մասը՝ Ռուսաստանում: Վարչապետին է ներկայացվել գործարանի ընդլայնման ծրագիրը, որի արդյունքում ակնկալվում է, որ մթերվող կաթի ծավալը կավելանա 2-3 անգամ, ներկայիս աշխատատեղերի թիվը՝ 2 անգամ......
