Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզպետը հանձնարարեց հանդես գալ սեփական նախաձեռնողականությամբ 23.08.2017
Օգոստոսի 23-ին մարզպետ Աշոտ Սիմոնյանի մոտ կայացավ աշխատանքային հերթական խորհրդակցությունը: Ամփոփվեց ՀՀ կառավարության, նախարարությունների, պետական այլ գերատեսչությունների կողմից ստացված հանձնարարությունների կատարման արդյունքը: Ստորաբաժանման ղեկավարներին Աշոտ Սիմոնյանը հորդորեց բոլոր ոլորտներում հանդես բերել սեփական մոտեցում, աշխատանքների կառավարման նախաձեռնողականություն: -Չպետք է սպասենք, թե ղեկավար մարմիններից ինչպիսի հանձնարարականներ են տրվում եւ, ըստ այդմ, դառնանք դրանց կատարողները, այլ յուրաքանչյուրս պետք է ուղղորդող դեր ունենանք եւ պատասխանատվություն կրենք մեր ոլորտների նկատմամբ,-ասաց մարզպետը.....
Տեղի կունենա տնօրենների օգոստոսյան խորհրդակցություն 21.08.2017
Ուսումնական տարվան ընդառաջ, օգոստոսի 25-ին, ժամը 11.00-ին տեղի կունենա ՀՀ Արագածոտնի մարզի հանրարկրթական ուսումնական հաստատությունների տնօրենների ավանդական խորհրդակցություն: Օրակարգում՝ ՀՀ Արագածոտնի մարզպետարանի կրթության, մշակույթի եւ սպորտի վարչության պետի զեկույցը 2016-2017 ուսումնական տարվա ընթացքում կատարած աշխատանքների մասին, նոր ուսումնական տարվա նախապատրաստական աշխատանքների մասին, այլ ելույթներ: Խորհրդակցությունը տեղի կունենա Աշտարակի Ներսես Աշտարակեցու անվան թիվ 1 հիմնական դպրոցի դահլիճում: ՀՀ Արագածոտնի մարզպետարան
Մարզպետի մոտ կայացավ քաղաքացիների հերթական ընդունելությունը 18.08.2017
Քաղաքացիների ընդունելությունների կազմակերպման կարգի համաձայն յուրաքանչյուր ուրբաթ մարզպետի մոտ կազմակերպվում է քաղաքացիների ընդունելություն: Հերթական ընդունելությունը կայացավ օգոստոսի 18-ին: Նախապես հերթագրված բոլոր քաղաքացիները՝ 14 հոգի, մասնակցեցին ընդունելությանը: Նրանցից մեծ մասը՝ 11-ը, դրամական աջակցության դիմում էին ներկայացրել: Աշոտ Սիմոնյանի հանձնարարականով, այդ դիմումները նախապես ուսումնասիրվել էին, եւ դրանք բավարարվեցին՝ ելնելով դիմումատուների սոցիալական իրավիճակից: Քաղաքացիների կողմից եղան նաեւ աշխատանքային, բուժօգնության եւ անձնական այլ հարցերով դիմումներ: Դրանց լուծում կտրվի ընթացքում, որի կապակցությամբ մարզպետը հանձնարարականներ տվեց համապատասխան վարչությունների պետերին...
Օգոստոսի 16-ին Արագածոտնի մարզպետ Աշոտ Սիմոնյանի մոտ կայացած աշխատանքային խորհրդակցությունն անցավ գործնական մթնոլորտում: Աշխատակազմի ղեկավար Հրաչյա Գեւորգյանը ներկայացրեց ՀՀ կառավարության, տարածքային եւ զարգացման նախարարության, պետական այլ մարմինների, ինչպես նաեւ մարզպետի կողմից տրված հանձնարարականները: Լսելով դրանց կատարման մասին ստորաբաժանման ղեկավարների ներկայացրած տեղեկատվությունը, մարզպետը անդրադարձավ առկա խնդիրներին, որոնց լուծումն անմիջականորեն պայմանավորված է իրենց պատասխանատու եւ արդյունավետ գործունեությամբ...
Գլխավոր նպատակը բժշկական ծառայությունների որակի բարելավումն է 15.08.2017
«Մեր գլխավոր նպատակներից մեկը մատուցվող բժշկական ծառայությունների որակի բարելավումն է։ Դրա հետ մեկտեղ կարևորվում է շրջանառվող ստվերային գումարները սպիտակ դաշտ բերելը»,-Արագածոտնի մարզի առողջապահության կազմակերպիչների հետ հանդիպման ժամանակ ասել է ՀՀ առողջապահության նախարար Լևոն Ալթունյանը։ Հանդիպման ընթացքում քննարկվել են, թե տեղերում ի՞նչ գործիքներ են անհրաժեշտ, որպեսզի վճարովի ծառայությունների համար դրամարկղ մուտքերը ոչ միայն աճեն....
Կայացավ քաղաքացիների հերթական ընդունելությունը 11.08.2017
Մարզպետ Աշոտ Սիմոնյանի մոտ տեղի ունեցավ քաղաքացիների հերթական ընդունելությունը, որին ներկայացան ցուցակագրված բոլոր՝ 16 քաղաքացիները: Մասնակիցներից 2-ը առողջական խնդիրներ ունեին, որոնց լուծման համար մարզպետը հանձնարարականներ տվեց համապատասխան վարչության պատասխանատուին: Եւս 2 քաղաքացի մարզպետին դիմեցին աշխատանքային հարցերով, որոնց լուծումը նույնպես դրվեց ընթացքի մեջ: Եղան նաեւ ոռոգման եւ խմելու ջրամատակարարման հետ կախված դիմումատուներ, որոնց տրվեցին անհրաժեշտ պարզաբանումներ: Աշտարակ քաղաքի բնակիչ Պողոս Գաբրիելյանը Աշոտ Սիմոնյանին դիմեց կրթա-գիտական ծրագրի վերաբերյալ իր առաջարկով: Նրա առաջարկ-ծրագիրը կուսումնասիրվի եւ համապատասխան մոտեցում կցուցաբերվի: Ընդունելությանը մասնակից 8 քաղաքացու տրվեց դրամական աջակցություն:
