Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Անկախության 20-ամյա տոնակատարությունները` Արագածոտնում 22.09.2011
Հայաստանի Հանրապետության անկախության 20-ամյա տարելիցի կապակցությամբ տոնական միջոցառումները Արագածոտնի մարզում սկսվել են օրեր առաջ: Օրվա խորհրդին համահունչ, բազմաթիվ ծրագրեր են իրականացվել դպրոցներում, մշակույթի տներում: Սեպտեմբերի 20-ին տոնակատարության օր էր բոլոր համայնքներում: Համայնքնապետարանների կողմից կազմակերպվեցին հանդիսություններ, որին մասնակից դարձան գյուղերը: Յուրաքանչյուր համայնք օրն անցկացրեց յուրովի: Եղավ հանդիսավոր մաս, ասվեցին շնորհավորանքի խոսքեր, հնչեց հայկական երգ- երաժշտություն: Բոլոր գյուղերում հենց դրսում բացվեցին տոնական սեղաններ, որոնց շուրջ ծավալվեցին անմիջական ու անբռնազբոս ժողովրդական տոնախմբություններ:
Սիրելի հայրենակիցնե’ր Այսօր տոն է Հայոց աշխարհում: Համայն հայությունը մեր երկրում, Արցախում և ի սփյուռս աշխարհի նշում է Հայաստանի Հանրապետության անկախության 20-րդ տարեդարձը: Հոբելյան, որը նվիրական ու սրբազան է մեզանից յուրաքանչյուրի համար:
Կայացավ մարզխորհրդի նիստ 16.09.2011
Անկախության 20-ամյակի կապակցությամբ տոնական մեծ միջոցառում է կայանալու Արագածոտնի մարզկենտրոն Աշտարակ քաղաքում: Ծրագրին մասնակցելու են մարզի բոլոր տարածաշրջանները: Միջոցառման նախապատրաստական եւ անցկացման ընթացքի մասին քննարկում եղավ սեպտեմբերի 16-ին կայացած մարզխորհրդի նիստում: Մարզպետ Սարգիս Սահակյանը ներկայացրեց ծրագրի կարեւորությունը, նշելով որ կազմակերպչական առումով այն աննախադեպ է, քանի որ տոնը վերաբերում է ողջ ժողովրդի միահամուռ ուժերով ձեռք բերված անկախությանը:
Այցելություն Ապարանի բժշկական կենտրոն 09.09.2011
Ապարանի բժշկական կենտրոնում իրականացված հիմնանորոգման արդյունքներին ծանոթանալու նպատակով ՀՀ առողջապահության նախարար Հարություն Քուշկյանը եւ Արագածոտնի մարզպետ Սարգիս Սահակյանը այցելեցին բժշկական կենտրոն: Նրանք շրջայց կատարեցին երկհարկանի կառույցի բոլոր հարկաբաժիններում, ծանոթացան արդեն ավարտված շինարարական աշխատանքների որակին կենտրոնի առաջիկա խնդիրներին: Հիվանդանոցի հիմնանորոգումն իրականացվել է ՀՀ կառավարության եւ Համաշխարհային բանկի Առողջության ծրագրերի իրականացման գրասենյակի ֆինանսավորմամբ:
Հիշատակի տուրք` ամերիկացի զոհված օդաչուներին 06.09.2011
Արագածոտնի մարզի Ներքին Սասնաշեն համայնքի հյուրը ԱՄՆ դեսպանության եւ ԱՄՆ Եվրոպական հրամանատարության Ռազմական համագործակցության գրասենյակի ներկայացուցիչներն էին: Առիթը Ամերիկյան վթարված ռազմական ինքնաթիռի անձնակազմի հիշատակին նվիրված միջոցառումն էր: Այն արդեն ավանդական է դարձել եւ նշվում է ամեն տարի, սեպտեմբերի 2-ին:
Հիմնանորոգվեցին Թալինի պոլիկլինիկան եւ Ն. Սասնաշենի մանկապարտեզը 05.09.2011
Սեպտեմբերի 2-ին շահագործման հանձնվեց Արագածոտնի մարզի Թալինի պոլիկլինիկան: Այն իրականացվել է ԱՄՆ դեսպանության եւ ԱՄՆ Եվրոպական հրամանատարության Ռազմական համագործակցության գրասենյակի կողմից: Հանդիսավոր բացմանը ներկա էին իրենք` ծրագրի հեղինակները, հյուրեր մարզկենտրոնից եւ մայրաքաղաքից: Ողջունելով ներկաներին, մարզպետ Սարգիս Սահակյանը կարեւորեց ծրագրի իրականացումը, քանզի բուժական սյա հաստատությունը առաջնային եւ մասնագիտական բուժսպասարկում է իրականացնում տարածքի 17.000 բնակիչներին, եւ այսուհետ այդ ծառայությունը նա կմատուցի էապես բարեփոխված հարավորություններով:
