Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Աշտարակի Վ. Պետրոսյանի անվան մարզային գրադարանում ավարտվել է հիմնանորոգումը 25.10.2011
Արագածոտնի մարզկենտրոն Աշտարակ քաղաքի Վ. Պետրոսյանի անվան մարզային գրադարանի աշխատակազմը անսովոր եռուզեռի մեջ է: Մայիս ամսից սկսած հիմնանորոգումը ավարտվել է, եւ գրադարանը, որ ժամանակավորապես տեղավորվել էր Գր.. Ղափանցյանի անվան դպրոցի շենքում, վերադարձել է իր արդեն բարեկարգ կառույցը:
Քաղաքացիների հերթական ընդունելությունը՝ հոկտեմբերի 21-ին 21.10.2011
Մարզպետ Սարգիս Սահակյանի մոտ քաղաքացիների հերթական ընդունելությունը կայացավ հոկտեմբերի 21-ին: Ցուցակագրված էր եւ ընդունելությանը ներկայացավ 10 քաղաքացի: Մեկ քաղաքացի ներկայացավ առանց հերթագրման: Աշտարակ քաղաքի բնակիչ Լաուրա Պողոսյանի՝ վառելիքի եւ Սասունիկ գյուղի բնակիչ Թամարա Գալստյանի՝ աշխատանքի հարցերի լուծման կապակցությամբ մարզպետը տվեց համապատասխան հանձնարարականներ: Արտաշավան գյուղի բնակիչ Խաչատուր Խաչատրյանին հուզող խնդիրը սոցիալական էր: Նրա ընտանիքը կընդգրկվի հրատապ օգնության ցուցակում:
,,Լույս հայի աչքերին,, ծրագիրը՝ Արագածոտնում 19.10.2011
Հոկտեմբեր ամսվա սկզբից Արագածոտնի մարզում իր գործունեությունն է իրականացնում ԱՄՆ միջազգային զարգացման գործակալության եւ ,,Հայկական ակնաբուժության նախագիծ՚՚ բարեգործական հիմնադրամի ,,Լույս հայի աչքերին,, բարեգործական ծրագիրը: Ողջ ընթացքում ակնաբույժների հետ համագործակցում են մարզպետարանի ղեկավարությունն ու համապատասխան մասնագետները: Այն աշխատում է բոլոր տարածաշրջաններում առանձին-առանձին:
Արագածոտնի մարզը մասնակցեց բերքի եւ գոհաբանության տոնին 17.10.2011
Հոկտեմբերի 16-ին հանրապետությունում նշվեց բերքի եւ գոհաբանության տոնը: Այդ կապակցությամբ Երեւանի Հյուսիային պողոտայում կազմակերպվել էր բերքի տոն, որին մասնակցեցին բոլոր մարզերի ներկայացուցիչները: Յուրաքանչյուր մարզի համար առանձնացված էին տաղավարներ, որտեղ նրանք ցուցադրեցին տարվա ընթացքում իրենց աճեցրած բերքն ու բարիքը՝ դրսեւորելով հայ մարդուն հատուկ աշխատասիրությունն ու հյուրասիրությունը:
Արագածոտնում քննարկվեցին գենդերային քաղաքականության հարցեր 13.10.2011
Արագածոտնի մարզպետարանում տեղի ունեցավ գենդերային քաղաքականությանը վերաբերող հարցերի քննարկում: Մանակիցների թվում էին ՀՀ աշխատանքի եւ սոցիալական հարցերի նախարարության ընտանիքի, կանանց եւ երեխաների հիմնահարցերի վարչության, մարզպետարանի նույն բաժնի աշխատակիցները, համայնքների ղեկավարներ, շահագրգիռ այլ կազմակերպությունների ներկայացուցիչներ: Մարզպետարանի ընտանիքի, կանանց եւ երեխաների հիմնահարցերի բաժնի պետ Գայանե Դանիելյանը տեղեկացրեց, որ օրվա թեմատիկ հարցերով զբաղվում է մարզային մշտական հանձնաժողովը՝ մարզպետի տեղակալ Արամ Արսենյանի նախագահությամբ:
Սկսվել է մարդահամարի գործընթացը 12.10.2011
Հոկտեմբերի 12-ի առավոտյան ժամը 8.00-ին Արագածոտնի մարզում սկսվեց մարդահամարի գործընթացը: Մինչ այդ մարդահամարի նախապատրաստման եւ անցկացման մարզային հանձնաժողովի կողմից նախապատրաստական աշխատանքներ են տարվել այն կազմակերպված եւ արդյունավետ անցկացնելու համար: Հանձնաժողովի նախագահը մարզպետ Սարգիս Սահակյանն է, ում կողմից համապատասխան հանձնարարականներ են տրվել համայնքապետարաններին, գործադիր մարմինների տարածքային ծառայություններին, շահագրգիռ բոլոր...
