Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Երեխաների ամառային հանգիստը`մանկական ճամբարում 13.06.2016
ՀՀ Կառավարության կողմից իրականացվող ծրագրով այս տարի Արագածոտնի մարզի երեխաները կհանգստանան Ծաղկաձորի Աղբյուր մանկական ճամբարում: Ծրագիրը նախատեսված է սոցիալապես անապահով, ծնողազուրկ, զոհված եւ հաշմանդամ ազտամարտիկների ու զինծառայողների ընտանիքների երեխաների համար: Մարզպետ Գաբրիել Գյոզալյանի հանձնարարությամբ սոցիալական աջակցության տարածքային գործակալություններում հստակեցվել են համապատասխան կարգավիճակ ունեցող երեխաների ցուցակները: Ընդհանուր առմամբ, ճամբար կմեկնի 7-13 տարեկան 350 երեխա : Նրանք կհանգտանան 3 հերթափոխով` հունիսի 20-ից մինչեւ օգոստոսի 16-ն ընկած ժամանակահատվածում...
Փոխնախարար Շավարշ Քոչարյանի աշխատանքային այցը Արագածոտնի մարզ 11.06.2016
ՀՀ վարչապետի` Հայաստանի մարզեր այցեր իրականացնելու հանձնարարականի շրջանակում հունիսի 10-ին կայացավ ԱԳ նախարարի տեղակալ Շավարշ Քոչարյանի աշխատանքային այցն Արագածոտնի մարզ և հանդիպումը բնակչության հետ: ՀՀ Արագածոտնի մարզպետ Գաբրիել Գյոզալյանի մասնակցությամբ մարզպետարանում տեղի ունեցած հանդիպման ընթացքում ԱԳ նախարարի տեղակալը ներկայացրեց Հայաստանի արտաքին քաղաքական օրակարգի հիմնական ուղղությունները և խնդիրները, փոխհարաբերություններն անմիջական հարևանների, ինչպես նաև Ռուսաստանի, ԱՄՆ-ի, Եվրոպական միության հետ: Շավարշ Քոչարյանը պատասխանեց ներկաներին հետաքրքրող բազմաթիվ հարցերին, որոնք, մասնավորապես, վերաբերում էին ապրիլի սկզբին Ադրբեջանի կողմից Արցախի նկատմամբ սանձազերծված ագրեսիային և ԼՂ հիմնահարցի կարգավորմանը:
Սրագածոտնի մարզպետ Գաբրիել Գյոզալյանի մամլո ասուլիսը` պաշտոնավարման 100-րդ օրվա կապակցությամբ 09.06.2016
Լրացավ Արագածոտնի մարզպետ Գաբրիել Գյոզալյանի պաշտոնավարման 100-րդ օրը, որի կապակցությամբ հրավիրվեց մամուլի ասուլիս: Զանգվածային լրատվամիջոցներից բացի, ասուլիսին ներկա էին մարզպետարանի աշխատակազմի ղեկավար Հրաչյա Գեւորգյանը, կառուցվածքային ստորաբաժանումների ղեկավարները, մարզի հասարակական կազմակերպությունների ներկայացուցիչներ...
Խորհրդակցություն` ոստիկանության համակարգի ղեկավարների մասնակցությամբ 07.06.2016
Մարզպետ Գաբրիել Գյոզալյանի մոտ տեղի ունեցավ խորհրդակցություն` ՀՀ ոստիկանության Արագածոտնի մարզային վարչության, տարածքային բաժինների ղեկավարների մասնակցությամբ: Ողջունելով ներկաներին, մարզպետը շնորհավորեց համակարգի նորանշանակ պաշտոնյաներին եւ նշեց նման հանդիպումների կարեւորությունը: Այնուհետեւ մասնակիցներին ներկայացվեց ոստիկանության մարզային վարչության եւ բաժինների հաշվետվությունը...
Մեկնարկեցին միասնական եւ ավարտական պետական քննությունները 03.06.2016
Արագածոտնի մարզում մեկնարկեցին միասնական եւ ավարտական պետական քննությունները: Միասնական քննությունների համար կենտրոնացվել են Աշտարակի թիվ 3 հիմնական եւ թիվ 5 ավագ դպրոցները, որոնցում ստեղծված են անհրաժեշտ բոլոր պայմանները: Հունիսի 3-ին կայացավ միասնական առաջին քննությունը` կենսաբանություն, աշխարհագրություն եւ ընդհանուր պատմություն առարկաներից: Քննավայրը Աշտարակի Պերճ Պռոշյանի անվան թիվ 3 դպրոցն էր: Քննական գործընթացին ծանոթանալու նպատակով դպրոց այցելեց մարզպետ Գաբրիել Գյոզալյանը: Նա ականատես եղավ, որ կրթօջախում առկա են բոլոր պայմանները` քննաշրջանը պահանջվող չափանիշերով անցկացնելու համար...
ՀՀ գյուղատնտեսության նախարար Սերգո Կարապետյանն այսօր աշխատանքային այցով Արագածոտնի մարզում էր` ագրովերամշակման ոլորտի մի շարք ընկերությունների գործունեությանը ծանոթանալու նպատակով: Նախարարին ուղեկցում էին Արագածոտնի մարզպետ Գաբրիել Գյոզալյանը և «Գյուղատնտեսական ծրագրերի իրականացման գրասենյակ» ՊՀ տնօրեն Գագիկ Խաչատրյանը: Այցը մեկնարկել է Ցամաքասար համայնքում գործող «Աստղ կաթնամթերքների արտադրության» սպառողական կոոպերատիվից, որի նախագահ Սոս Սարոյանը տեղեկացրել է, որ 32 անդամից բաղկացած կոոպերատիվը զբաղվում է անասնապահությամբ, բուսաբուծությամբ...
