Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կամավորները հանդիպեցին իրենց նամակներ հղած դպրոցականներին 03.05.2016
Մայիսի 2-ին Աշտարակի Գրիգոր Ղափանցյանի անվան հիմնական դպրոցի աշակերտներին հյուր էին այցելել Շուշիի առանձնակի գումարտակի կամավորները: Այդ մեծագույն պատվին աշակերտներն արժանացել էին այն բանի համար, որ ապրիլի առաջին օրերին Արցախի սահմաններում կռվող զինվորներին նրանք իրենց կողմից ծանրոցներ էին ուղարկել, դրանց հետ նրանք հղելով նաեւ իրենց սրտից բխած անկեղծ եւ անմիջական մտքերն արտահայտըող նամակներ: ԵՎ ահա, դիրքերից վերադառնալով, կամավորները ցանկություն էին ունեցել հանդիպել այն երեխաներին, ում խոսքերն այնքան անհրաժեշտ էին եղել իրենց դիրքերում...
Դրամական հերթական աջակցությունը` զոհվածների ընտանիքներին 02.05.2016
Ապրիլի 2-5-ը Արցախում ծավալված մարտական գործողութփյունների ժամանակ Արագածոտնի մարզից զոհված 3 ժամկետային զինծառայողների ` վարդաբլուրցի Միշա Աղաջանյանի, արտաշավանցի Քյարամ Սլոյանի, կարմրաշենցի Ռաֆիկ Հակոբյանի ընտանիքներին հերթական աջակցությունը մատուցվեց: Տաշիր բարեգործական հիմնադրամի եւ Կարապետյան եղբայրների կողմից յուրաքանչյուր ընտանիքին հատկացվեց 2 հազարական դոլար: Աջակցությունը ընտանիքներին հատկացվեց տեղերում, գումարը առձեռն հանձնելով զոհվածների ծնողներին: Մինչ համայնքներ ուղեւորվերը, հիմնադրամի գրասենյակի ղեկավար Արտակ Ճաղարյանին ընդունեց մարզետ Գաբրիել Գյոզալյանը...
Մարզպետն այցելեց Արագածի եւ Ապարանի տարածաշրջաններ 27.04.2016
Ապրիլի 26-ին Արագածոտնի մարզպետ Գաբրիել Գյոզալյան այցելեց Արագածի եւ Ապարանի տարածաշրջաններ: Ծաղկահովիտում, Գեղաձորում, Բերքառատում, Նորաշենում, Ձորագլխում, Թթուջրում համայնքապետերի եւ բնակիչների հետ հանդիպումների ընթացքում բարձրացվեցին տեղերում առկա հիմնախնդիրները: Յուրաքանչյուր համայնքում մարզպետն առանձնացրեց այն հրատապ խնդիրները, որոնց լուծումը առաջնահերթություն է ենթադրում: Ծանոթանալով բարձրացված խնդիրներին, մարզպետը տեղում քննարկեց դրանց լուծման հնարավոր տարբերակները, տվեց համապատասխան հանձնարարականներ:
Արագածավանում բացվեց ժամանակակից գյուղատնտեսական կենտրոն 25.04.2016
«Ագրոբիզնեսի և գյուղի զարգացման կենտրոն» (CARD) հիմնադրամի կողմից ԱՄՆ ՄԶԳ ֆինանսավորմամբ իրականացվող «Գործընկերություն՝ հանուն գյուղական համայնքների բարգավաճման» (USAID/PRP) ծրագրի շրջանակում Արագածավան համայնքում ապրիլի 25-ին բացվեց Գյուղատնտեսական և Անասնաբուժական Սպասարկման Կենտրոնը (ԳԱՍԿ): Մասնագիտացված կենտրոնը ուղղված է Հայաստանում անասնապահության ոլորտի զարգացմանը և նպաստելու է առաջադեմ տեխնոլոգիաների և ֆերմերային գործարարության զարգացման փորձի առաջխաղացմանը...
Այցելություն Ծիծեռնակաբերդի հուշահամալիր 24.04.2016
Հայոց ցեղասպանության 101-րդ տարելիցի կապակցությամբ Արագածոտնի մարզի ներկայացուցիչները ապրիլի 24-ին այցելեցին Երեւանի Ծիծեռնակաբերդի հուշահամալիր` հարգանքի տուրք մատուցելու Հայոց ցեղասպանությանը զոհ դարձած մեր հայրենակիցների հիշատակին: Մարզպետ Գաբրիել Գյոզալյանը, մարզային կառույցների ղեկավարները, մարզպետարանի բարձրաստիճան պաշտոնյաները, ստորաբաժանման ղեկավարները, ողջ աշխատակազմը բարձրաձան Ծիծեռնակաբերդ, ծաղկեպսակներ եւ ծաղիկներ տեղադրեցին անմար կրակին՝ իրենց ձայնը միացնելով ավելի քան մեկուկես միլիոն անմեղ զոհերի ոգեկոչմանը նվիրված երթի բազմահազար մասնակիցներին: Ցեղասպանության տարելիցի կապակցությամբ հիշատակի եւ ոգեկոչման արարողություններ տեղի ունեցան մարզի կրթական, մշակութային օջախներում, քաղաքային եւ գյուղական համայնքներում...
Սիրելի’ հայրենակիցներ, ապրիլի 24-ին համայն հայությունը՝ հայրենիքում եւ սփյուռքում, գլուխ է խոնարհում ցեղասպանության զոհ դարձած մեր միլոնավոր նահատակների հիշատակի առջեւ: 1915թ. Օսմանյան Թուրքիայի կողմից պետականորեն իրագործված այդ ոճիրը ոչ միայն ժամանակին չկանխվեց քաղաքակիրթ մարդկության կողմից, այլեւ չճանաչվեց ու չդատապարտվեց` այդպիսով հիմք դառնալով հետագայում նոր ցեղասպանությունների կրկնության: Այսօր առավել, քան երբեւէ օրհասական է դառնում ցեղասպանությունների կանխմանն ուղղված միջազգային քաղաքական կամքի դրսեւորման անհրաժեշտությունը:
