Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Տեղեկատվություն Արագածոտնի մարզում փետրվար ամսին գրանցված ծնունդների մասին 01.03.2016
Արագածոտնի մարզի ծննդատներում 2016 թ.փետրվար ամսին գրանցվել է 5 ծնունդ: Նրանցից 29-ը աղջիկ է, 29-ը` տղա: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 21 երեխա՝13 աղջիկ, 8 տղա: Թալինի տարածաշրջանում ծնվել է 9 աղջիկ, 12 տղա՝ ընդամենը 21 երեխա: Ապարանի տարածաշրջանում ծնվել է 6 աղջիկ, 6 տղա, ընդամենը` 12 ծնունդ: Արագածի տարածաշրջանում գրանցվել է 4 ծնունդ` 1 աղջիկ, 3 տղա:
ՀՀ Արագածոտնի մարզպետ Սարգիս Սահակյանի ուղերձը 23.02.2016
Հարգելի հայրենակիցներ, եկել է պահը, երբ անհրաժեշտություն ունեմ իմ խոսքը հղելու պետական, քաղաքական, հասարակական կառույցներին, Արագածոտնի մարզի հանրությանը, հասարակության բոլոր շերտերին: Ավելի քան 20 տարի է, ինչ իմ աշխատանքային գործունեությունը անց եմ կացրել Արագածոտնի մարզում: Դրանք իմ կյանքի լավագույն տարիներն են եղել, երբ հնարավորություն եմ ունեցել մասնակիցը լինելու մեր պապերի երազած ազատ եւ անկախ Հայաստանի կայացման պատասխանատու գործին: Մարզերի ձեւավորման առաջին իսկ օրվանից եղել եմ պետականաշինության ակունքներում, աշխատել ՀՀ Արագածոտնի մարզպետարանի գյուղատնտեսության վարչության պետ, այնուհետեւ եղել եմ մարզպետի տեղակալ, ղեկավարում եմ Հայաստանի Հանրապետական կուսակցության Արագածոտնի մարզային կառույցը...
Օշականում նշվեց Մայրենիի օրը 22.02.2016
Փետրվարի 21-ին Օշականում մեծ հանդիսավորությամբ նշվեց Մայրենիի օրը, որն արդեն ավանդական է դարձել: Միջոցառմանը մասնակցեցին ՀՀ փոխվարչապետ Վաչե Գաբրիելյանը, Արագածոտնի մարզպետ Սարգիս Սահակյանը, ՀՀ սփյուռքի նախարար Հրանուշ Հակոբյանը, այլ պաշտոնյաներ, լեզվաբաններ, գրականագետներ: Մայրենիի օրվա առթիվ հնչեց ՀՀ Նախագահի ուղերձը, որտեղ կարեւորվեց մայրենի լեզվի` հայապահպանության, ազգային միասնության, պետականության զարգացման գործոնը...
Հանդիպում` Գրքի նվիրման օրվա կապակցությամբ 22.02.2016
Փետրվարի 19-ը Գրքի նվիրման օրն է : Այդ կապակցությամբ Արագածոտնի մարզի եւ Երեւանի Աջափնյակ վարչական շրջանի համագործակցության շրջանակում Աջափնյակի պատվիրակությունը այցելեց Արագածոտնի մարզ: Հյուրերը եղան մարզկենտրոն Աշտարակի Վ. Պետրոսյանի անվան մարզային գրադարանում, ինչպես նաև Աշտարակի` հայ մեծ վիպասան Պերճ Պռոշյանի անունը կրող թիվ 3 հիմնական դպրոցում: Տոնական օրվա առիթով պատվիրակությանը ողջունեց մարզպետի տեղակալ Նունե Մովսիսյանը: Նա մարզպետ Սարգիս Սահակյանի կողմից փոխանցեց շնորհավորանքներ և գեղարվեստական գրքեր:
Մարզպետ Սարգիս Սահակյանի մոտ կայացավ քաղաքացիների ընդունելություն 05.02.2016
Փետրվարի 5-ին մարզպետ Սարգիս Սահակյանի մոտ կայացավ քաղաքացիների հերթական ընդունելությունը: Նախապես ցուցակագրվել էր 45 քաղաքացի: Նրանք բոլորն էլ ներկայացան, մարզպետին դիմելով իրենց ամենատարբեր հարցադրումներով: Քաղաքացիների մեծ մասը ֆինանսական աջակցության խնդիր ուներ, եւ բոլորն էլ բավարարվեց: Ընդհանուր առմամբ դրամական աջակցություն տրվեց 41 քաղաքացու: Մարզի ղեկավարին դիմեցին նաեւ առողջական, հողային, բնակարանային եւ անձնական այլ հարցեր ունեցող քաղաքացիներ: Դրանք հնարավորինս լուծում ստացան տեղում, կատարվեցին պարզաբանումներ, կամ առաջիկայում ընթացք տալու համար համապատասխան հանձնարարականներ տրվեց...
Տեղեկատվություն Արագածոտնի մարզում հունվար ամսին գրանցված ծնունդների մասին 04.02.2016
Արագածոտնի մարզի ծննդատներում 2016 թ.հունվար ամսին գրանցվել է 57 ծնունդ: Նրանցից 28-ը աղջիկ է, 29-ը` տղա: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 21 երեխա՝ 9 աղջիկ, 12 տղա: Թալինի տարածաշրջանում ծնվել է 7 աղջիկ, 9 տղա՝ ընդամենը 16 երեխա: Ապարանի տարածաշրջանում ծնվել է 7 աղջիկ, 6 տղա, ընդամենը` 13 ծնունդ: Արագածի տարածաշրջանում գրանցվել է 7 ծնունդ` 5 աղջիկ, 2 տղա:
