Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հերթական բեռնատարներն ուղեւորվեցին դեպի Արցախ 08.04.2016
Ապրիլի 8-ին, վաղ առավոտյան սննդամթերքով, հագուստեղենով, դեղորայքով, հիգիենիկ պարագաներով բեռնավորված հերթական բեռնատար մեքենան Ապարանից ուղեւորվեց դեպի Արցախ` ընդհանուր առմամբ տեղափոխելով շուրջ 2 մլն. դրամի ապրանքներ: Օգնությունը ուղղվում է Հադրությում ծառայող ապարանցի կամավորներին: Վաղը օգնություն տանող հերթական մեքենան Արցախ կուղեւորվի նաեւ Աշտարակ քաղաքից` տեղափոխելով շուրջ 1 տոննայի չափ առաջին անհրաժեշտության պարագաներ, սնունդ, հագուստ: Մարզկենտրոնից արդեն իսկ շուրջ 2 տոննայի չափ օգնություն ուղարկվել է` պարունակելով այն ամենը, ինչը որ անհրաժեշտ է Արցակում գտնվող մեր հայրենակիցներին:
Կայացավ քաղաքացիների ընդունելություն 08.04.2016
Ապրիլի 8-ին մարզպետ Գաբրիել Գյոզալյանի մոտ կայացավ քաղաքացիների հերթական ընդունելությունը: Դրամական օգնության, սոցիալական խնդիրների, անձնական այլ հարցերով ներկայացավ 13 քաղաքացի: Իրենց հուզող հարցերի կապակցությամբ քաղաքացիները ստացան պարզաբանումներ, դրանց լուծման համար տրվեց հանձնարարականներ: Բավարարվեց 12 քաղաքացու դիմում` դրամական օգնություն ստանալու վերաբերյալ, որը կազմեց 285 հազար դրամ:
ՀՀ Արագածոտնի մարզպետ Գաբրիել Գյոզալյանի շնորհավորական ուղերձը Մայրության եւ գեղեցկության տոնի առթիվ 07.04.2016
Թանկագին հայուհիներ, շնորհավորում եմ ձեզ` Մայրության եւ գեղեցկության տոնի առթիվ: Հիմքում ունենալով ապրիլի 7-ին Հայ Առաքելական Եկեղեցու կողմից նշվող Ս.Մարիամ Աստվածածնի Ավետման տոնի խորհուրդը, այս օրը մեր երկրի տոնացույցում հռչակվել է որպես Մայրության եւ գեղեցկության օր: Բոլորիս համար սրբազնագույն այս օրը մեր երախտիքն են արտահայտում հանդեպ մեր հերոսածին մայրերը եւ մայրության բերկրանքին սպասող հարսիկները:
Կայացավ Ռաֆիկ Հակոբյանի հոգեհանգիստը 06.04.2016
Ղարաբաղա-ադրբեջանական շփման գծում հայկական կողմից զոհված զինծառայողներից մեկը Արագածոտնի մարզի Կարմրաշեն գյուղից Ռաֆիկ Խլղաթի Հակոբյանն է: Նա հատուկ ծառայության համար հայրենիք էր վերադարձել Լենինգրադից, եւ ծառայությանը տրվել էր ամբողջ հոգով ու մարտական տրամադրությամբ: Ապրիլի 6-ին հայրենի գյուղում` Կարմրաշենում տեղի ունեցավ հերոսի հոգեհանգիստը, որին մասնակցում էր մարզպետ Գաբրիել Գյոզալյանը: Նա հարգանքի տուրք մատուցեց զոհվածի հիշատակին, վշտակցեց հարազատներին...
Արագածոտնը հրաժեշտ տվեց Քյարամ Սլոյանին 06.04.2016
Ապրիլի 5-ին Արտաշավանում տեղի ունեցավ Քյարամ Սլոյանի հոգեհանգստի արարողությանը, որին ներկա էր մարզպետ Գաբրիել Գյոզալյանը: Նա իր խորին վշտակցությունը հայտնեց հերոսի ծնողներին, հարազատներին եւ միաժամանակ հատկացրեց դրամական աջակցություն` 1 միլիոն դրամի չափով: Մարզպետը ընտանիքի կողքին է եղել ողբերգության առաջին իսկ պահերից, աջակցել կազմակերպչական բոլոր հարցերում: Հոգեհանգստին ներկա էին նաեւ, մարզային ուժային կառույցների համայնքների, կրթական, մարզային բոլոր կառույցների ղեկավարները ԶՈՒ բարձրաստիճան սպաներ, պաշտոնյաներՇարքային Քյարամ Քալալի Սլոյանը, ծնված 1996թ., ժամկետային ծառայության է մեկնել 2014 թվականին, Աշտարակի ԶԿ-ից: Քյարամ Ալոյանի հուղարկավորությունը կայացավ ապրիլի 6-ին, որին ներկա էր մարզպետը, պաշտոնատար այլ անձինք:
Մարզպետ Գաբրիել Գյոզալյանին ընդունեց Ամենայն Հայոց Կաթողիկոս Գարեգին Երկրորդը 05.04.2016
Ապրիլի 5-ին ՀՀ Արագածոտնի մարզպետ Գաբրիել Գյոզալյանը Արագածոտնի թեմի առաջնորդ Տ. Մկրտիչ եպս. Պռոշյանի ուղեկցությամբ այցելեց Մայր աթոռ սուրբ Էջմիածին, որտեղ նրան ընդունեց Ամենայն Հայոց Կաթողիկոս Գարեգին Երկրորդը: Վեհափառը նշեց, որ ուրախ է մարզպետինվերստին տեսնելու այդ պաշտոնում եւ նշեց, որ նա քաջածանոթ է նախկին պաշտոնավարման ընթացքում նրա իրականացրած գործունեության մասին: Նա իր օրհնանքի խոսքն ու բարեմաղթանքը հղեց մարզպետին, բեղմնավոր եւ արդյունավետ աշխատանք կամեցավ...
