Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնի մարզի մի շարք դպրոցներում հիմնանորոգված մարզադահլիճների կարմիր ժապավեններ կտրվեցին 28.02.2022
Արագածոտնի մարզը 118 դպրոց ունի, և Արագածոտնի մարզպետարանը հավասարապես կարևորում է բոլոր համայնքների դպրոցների համաչափ զարգացումն ու բարեկարգումը։ Ավանի Աղբյուր Սերոբի անվան միջնակարգ, Կոշի միջնակարգ, Օրգովի Արբի Թրպանճյանի անվան միջնակարգ, Ոսկեվազի Երվանդ Դանիելյանի անվան միջնակարգ դպրոցներում այսօր կտրվեցին հիմնանորոգված ու նոր կահավորված մարզադահլիճների կարմիր ժապավենները։ Մարզադահլիճները վերանորոգվել ու կահավորվել են Արագածոտնի մարզպետարանի ենթակայության դպրոցներում 2021թ․ պետական բյուջեից հատկացված միջոցներից ձևավորված խնայողություններով։
Pfizer պատվաստանյութը հասանելի է նաև մարզում 24.02.2022
Արագածոտնի մարզի հարգելի՛ բնակիչներ, տեղեկացնում ենք, որ մարզի բոլոր բուժհաստատություններում առկա է ամերիկյան Pfizer պատվաստանյութը, որը վերջերս է ներկրվել Հայաստան: Նշենք, որ Pfizer-ով կարող են պատվաստվել 12 տարեկանից բարձր բոլոր անձինք (12-18 տարեկանները` ծնողի ստորագրությամբ): Որպես բուստեր դեղաչափ՝ այն կիրառելի է 18 և բարձր տարիքի անձանց շրջանում՝ պատվաստման ամբողջական կուրսից հետո առնվազն 3 ամիս անց:
ՀՀ Կառավարությունը Արագածոտնի, Արարատի, Գեղարքունիքի, Լոռու, Շիրակի և Սյունիքի մարզպետարաններին 1 մլրդ 435 մլն դրամ հատկացրեց` 13 համայնքում մոտ 15 սուբվենցիոն ծրագրերն ավարտին հասցնելու համար։ Որոշումն ընդունվել է փետրվարի 23-ի նիստում։
Կրթությունը ՀՀ Արագածոտնի մարզպետարանի հատուկ ուշադրության կենտրոնում է, և մարզի 118 դպրոցների տնօրենների հետ պարբերաբար հանդիպումներ են տեղի ունենում։ Մարզպետ Սերգեյ Մովսիսյանն փետրվարի 22-ին Օշականի Մեսրոպ Մաշտոցի անվան միջնակարգ դպրոցում խորհրդակցության էր հրավիրել բոլոր դպրոցների տնօրեններին։ Ներկա էին փոխմարզպետ Հարություն Գուլյանը, գլխավոր քարտուղար Հրաչյա Գևորգյանը, մարզպետի խորհրդականներ Արմեն Գրիգորյանը, Ռազմիկ Թադևոսյանը, կրթության, մշակույթի և սպորտի վարչության պետ Սեդա Սողոմոնյանը, վարչության ներկայացուցիչներն ու մարզպետարանի այլ ստորաբաժանումների ղեկավարներ։
Թալինի ավագ դպրոցում տեղի ունեցավ «Արմաթն օդում» ԱԹՍ-ների կրթական աշխատանոցի հանդիսավոր բացումը 23.02.2022
Արմաթն օդում և Արագածոտնի մարզում․ փետրվարի 22-ին Թալինի ավագ դպրոցում հանդիսավորությամբ կայացավ «Արմաթն օդում» անօդաչու թռչող սարքերի կրթական աշխատանոցի հանդիսավոր բացումը։ Միջոցառմանը հատուկ հրավերով մասնակցում էին ՀՀ Արագածոտնի մարզպետ Սերգեյ Մովսիսյանը, մարզպետի տեղակալ Հարություն Գուլյանը, խորհրդականներ Արմեն Գրիգորյանը, Ռազմիկ Թադևոսյանը, Թալինի համայնքապետ Տավրոս Սափեյանը, «Արմաթ» ծրագրի ղեկավար Սեդրակ Վարդանյանը։
Խմելու ջրի սակավության հետ կապված հարցերի քննարկում՝ Թալինի համայնքապետարանում 23.02.2022
ՀՀ Արագածոտնի մարզպետ Սերգեյ Մովսիսյանը, մարզպետի տեղակալ Հարություն Գուլյանի, խորհրդականներ Արմեն Գրիգորյանի և Ռազմիկ Թադևոսյանի հետ, երեկ Թալինի համայնքապետարանում խորհրդակցություն անցկացրեց` համայնքի մի քանի գյուղերում խմելու ջրի սակավության հետևանքով առաջացած խնդիրների լուծման նպատակով։
