Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արագածոտնի 4 համայքնում տեղի ունեցան ՏԻՄ ընտրություններ 13.02.2012
Արագածոտնի մարզի Կոշ, Զարինջա, Հակո եւ Սարալանջ հանայնքներում փետրվարի 12-ին տեղի ունեցան համայնքի ղեկավարի ընտրություններ: Բոլորում էլ ընտրությունները հերթական էին եւ ընտրվեցին գործող համայնքապետերը: Կոշում ընտրողների թիվը 2162-էր, որից քվեարկությանը մասնակցել է 1533-ը: Այստեղ գրանցված թեկնածուներն էին Աշոտ Ենգիբարյանը եւ Հարություն Սուքիասյանը՝ երկուսն էլ անկուսակցական: Կողմ ձայների մեծամասնությամբ՝ 957, համայնքապետ վերընտրվեց Աշոտ Եդիգարյանը: Մյուս թեկնածուի օգտին քվեարկել էր 511 ընտրող:
Արագածոտնի մարզի միջպետական եւ հանրապետական ճանապարհները բաց են 10.02.2012
Վերջին երկու օրվա ընթացքում Արագածոտնի մարզում չի դադարում առատ ձյուն տեղալ, ինչի պատճառով ձյան շերտի բարձրությունը բարձր լեռնային տարածաշրջաններում՝ Արագածում եւ Ապարանում մեկ մետրի սահմաններում է, Աշտարակում եւ Թալինում՝ 25-35 սմ: Տեղումներին զուգահեռ, չեն դադարում ճանապարհների մաքրման աշխատանքները: Գործի է դրվել մարզում առկա ողջ տեխնիկան, որը ներկայումս ապահովում է միջպետական եւ հանրապետական ավտոճանապարհների անցանելությունը:
Պատվոգրեր՝ վետերանների խորհրդի նախագահներին 10.02.2012
Արագածոտնի մարզպետ Սարգիս Սահակյանի մոտ տեղի ունեցավ հանդիպում Պատերազմի, զինված ուժերի, աշխատանքի եւ իրավապահ մարմինների վետերանների միության տարածքային խորհուրդների նախագահների հետ: Քննարկիվեցին միության գործունեության հետ կապված մի շարք խնդիրներ:
Երկրաշարժ Ապարանում 10.02.2012
Փետրվարի 10-ին, տեղական ժամանակով 08.13-ին ՀՀ տարածքում` Ապարան քաղաքից 11կմ հյուսիս-արևելք, տեղի է ունեցել 2.7 մագնիտուդով երկրաշարժ, որի ուժգնությունը էպիկենտրոնային գոտում կազմել է 3-4 բալ:
Խորհրդակցություն մարզպետի մոտ 08.02.2012
ՀՀ Արագածոտնի մարզպետ Սարգիս Սահակյանի մոտ փետրվարի 8-ին կայացավ աշխատանքային խորհրդակցություն՝ աշխատակազմի կառուցվածքային ստորաբաժանումների ղեկավարների մասնակցությամբ: Քննարկվեցին պետական, կառավարման մարմինների, նախարարությունների կողմից ստացված հանձնարարությունների կատարման արդյունքները, դրանց հետ կապված համապատասխան տեղեկատվությունների տրամադրման ընթացքը:
Մարզի բոլոր ճանապարհներին կատարվում են մաքրման աշխատանքներ 08.02.2012
Փետրվարի 8-ին տեղացած առատ ձյան հետեւանքով դժվարանցանելի իրավիճակ է ստեղծվել Արագածոտնի մարզի ճանապարհներհներին: Դրանց անցանելությունը ապահովելու համար բոլոր ճանապարհներին աշխատում են ճանապարհաշինական ընկերությունները: Կեսօրին, ժամը 13.00-ի դրությամբ բաց են միջպետական և հանրապետական ճանապարհները: Մասնավորապես երթեւեկելի են Երեւան-Գյումրի-Վրաստանի սահման եւ Մարգարա-Վանաձոր-Տաշիր-Վրաստանի սահման միջպետական ճանապարհների՝ Արագածոտնի մարզով անցնող հատվածները:
