Արագածոտնի մարզպետի աշխատակազմ

Հունվարի 14-ից Արագածոտնի մարզի հանրակրթական դպրոցներում մեկնարկել է 2012-2013 ուսումնական տարվա երկրորդ կիսամյակը: Չնայած այն հանգամանքին, որ մարզի համայնքների զգալի հատվածը գտնվում է լեռնային եւ բարձր լեռնային գոտում, որտեղ վերջին օրերին առատ ձյուն է տեղացել, այդուհանդերձ դա չի խոչընտոտել դասընթացները ժամանակին սկսելու եւ բնականոն կազմակերպելու համար:
Մարզի դպրոցներից մեծ մասում՝ 50-ում, ջեռուցումն իրականացնում են լոյակ համակարգերի միջոցով: 30 դպրոց ջեռուցվում է էլեկտրականությամբ, իսկ 39-ում հեղուկ վառելիքով աշխատող վառարաններ են օգտագործում: Ջեռուցման խնդիրը գտնվում է մարզպետարանի մշտական ուշադրության ներքո: Մարզպետ Սարգիս Սահակյանի հանձնարարությամբ կրթության, մշակույթի եւ սպորտի վարչության պատասխանատուները պարբերաբար ուսումնասիրում են դպրոցներում ջերմային ռեժիմը եւ ներկայացնում տեղեկատվություն: