Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՀՀ Արագածոտնի մարզպետ Սերգեյ Մովսիսյանի շնորհավորական ուղերձը Կանանց միջազգային տոնի առիթով 09.03.2022
Սիրելի՛ մայրեր, քույրեր, Ի սրտե շնորհավորում եմ Կանանց միջազգային օրվա առիթով: Ձեզ մեծարելու և գովաբանելու առիթներն, անկասկած, շատ են, սակայն այսօր է մայրենիի շռայլ խոսքերով ձեզ մեր սրտի խոսքն ասելու ոսկե ակնթարթը: Անգնահատելի է հայ կնոջ դերն օջախում, ընտանիքում, հայրենիքի, պետության ու հասարակության առաջընթացի գործում: Ձեր փխրուն ուսերին է դրված մեր հայրենիքին զավակներ պարգևելու, դաստիարակելու, մեզ մայրական գգվանքով ու քրոջ քնքշանքով պարուրելու վսեմ առաքելությունը:
Արագածոտնը մեկտեղել էր Հայաստանի, Արցախի ու Ջավախքի ավելի քան 350 երիտասարդների 09.03.2022
Արագածոտնի մարզի Աշնակ գյուղի «Եռանկյունի» երիտասարդական կենտրոնի և «Հզոր միտք» ՀԿ նախաձեռնությամբ օրերս Աշնակում կայացել է «Հզոր սերունդ» միջոցառումը, որին մասնակցել են ՀՀ 10 մարզերից, ️Երևանից, Արցախից ու Ջավախքից ավելի քան 350 երիտասարդներ։ Մոտիվացնող թեմաների շուրջ բանախոսել են տարբեր ոլորտի առաջատար մասնագետներ, որոնք երիտասարդությանը կոչ են արել նախաձեռնող, ակտիվ, ստեղծարար ու ինքնակրթվող լինել։
Խորհրդակցություն՝ աշխատանքային օրվա ավարտին 09.03.2022
Արագածոտնի մարզպետարանում այսօր աշխատանքային օրն ամփոփվեց խորհրդակցությամբ, որը հրավիրել էր մարզպետ Սերգեյ Մովսիսյանը։ Մասնակցում էին փոխմարզպետ Հարություն Գուլյանը, գլխավոր քարտուղար Հրաչյա Գևորգյանը, մարզպետի խորհրդական Արմեն Գրիգորյանը, մարզպետի օգնականները, վարչության և բաժնի պետեր։
Արագածոտնի մարզի Ագարակ, Արագածավան, Բյուրական, Իրինդ, Ոսկեվազ, Ուջան, Օհանավան համայնքներում 2021թ․ սուբվենցիոն ծրագրերով իրականացվել են գազիֆիկացման աշխատանքներ։
Հանդիպում` Աշտարակի ՔՊ տարածքային գրասենյակում 07.03.2022
Աշտարակի ՔՊ տարածքային գրասենյակում մարտի 4-ին կայացել է նիստ, որին մասնակցել են Արագածոտնի մարզպետ Սերգեյ Մովսիսյանը, փոխմարզպետ Հարություն Գուլյանը, մարզպետի խորհրդականներ Արմեն Գրիգորյանն ու Ռազմիկ Թադևոսյանը, մարզպետի օգնական Մերի Դատումյանը, ՔՊ կուսակցության անդամներ ու համակիրներ։
Արագածոտնի մարզում օրերս կայացել է պարեկային ծառայության շուրջ հանրային քննարկում։ ՀՀ ոստիկանության ներկայացուցիչները խոսել են պարեկային ծառայության անցնելու մանրամասների մասին։ Պարեկային ծառայության աշխատակիցները Արագածոտնի մարզի բնակիչներին են ներկայացրել ծառայության առանձնահատկությունները, պարեկ դառնալու առավելությունները։
