Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մեկնարկել է ՙՙՏաք կաթ՚՚ ծրագիրը 17.11.2011
Արագածոտմի մարզի Թալինի տարածաշրջանի Թալին քաղաքի թիվ 2 եւ Թաթուլ համայնքի դպրոցներում մեկնարկել է ՙՙՏաք կաթ՚՚ ծրագիրը: Այն նախատեսված է առաջինից չորրորդ դասարանների աշակերտների համար, որի շրջանակում նրանց անվճար կմատուցվեն կաթ եւ թխվածքեղեն: Ծրագրի 70% ֆինանսավորումը կատարվում է ՄԱԿ-ի ՙՙՊարենի համաշխարհային պարեն՚ՙ-ի գրասենյակի կողմից, իսկ 30 % ներդրում կատարում են իրենք՝ ծնողները: Ծրագիրը փորձնական է եւ առայժմ իրականացվում է միայն այս երկու դպրոցներում: Առաջիկայում այն կընդգրկի նաեւ այլ կրթօջախներ:
Լրացավ Ազգային հերոս Գեղազնիկ Միքայելյանի ծննդյան 60-ամյակը 16.11.2011
Նոյեմբերի 16-ը Հայաստանի Հանրապետության Ազգային հերոս Գեղազնիկ Միքայելյանի ծննդյան օրն է: Լրացավ նրա 60-ամյակը: Այդ իրադարձությունը հավուր պատշաճի նշեցին նրա ծննդավայրում՝ Սասունիկ համայնքում:
ՀՀ փոխվարչապետը խորհրդակցություն անցկացրեց Արագածոտնի մարզպետարանում 16.11.2011
Մարզերում ընթացիկ խնդիրների քննարկման նպատակով հերթական խորհրդակցությունը ՀՀ փոխվարչապետ, տարածքային կառավարման նախարար Արմեն Գեւորգյանն այսօր անցկացրեց Արագածոտնի մարզպետարանում: Խորհրդակցության ընթացքում քննարկվեցին մարզի առաջնահերթ խնդիրների լուծման ծրագրի առաջին եւ երկրորդ մասերի իրականացմանն առնչվող հարցեր: Զեկուցվեց, որ ծրագրի առաջին մասով աշխատանքները հիմնականում ավարտվել են, դրանում ընդգրկված 23 ծրագրերից միայն 5-ի մասով են շարունակվում շինաշխատանքները, որոնք էլ կավարտվեն մինչեւ նոյեմբերի վերջ:
ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՆ ԱՅՑԵԼԵԼ Է ԱՐԱԳԱԾՈՏՆԻ ՄԱՐԶ 12.11.2011
ՀՀ գյուղատնտեսության նախարար Սերգո Կարապետյանը Արագածոտնի մարզպետ Սարգիս Սահակյանի ուղեկցությամբ նոյեմբերի 11- ին այցելել է մարզի Ավան համայնք` հետևելու ՙՀամայնքների գյուղատնտեսական ռեսուրների կառավարման և մրցունակության ծրագրի՚ ընթացքին:Համաշխարհային բանկի վարկային ծրագրի շրջանակներում հանրապետության 25 համայնքներում այս տարվա սեպտեմբերից իրականացվում են ջրարբիացման, արոտավայրերի բարելավման աշխատանքներ:ՀՀ գյուղատնտեսության նախարարը տեղում ծանոթացել է արոտավայրերում իրականացվող աշխատանքների ընթացքին, զրուցել գյուղացիների հետ, ովքեր իրենց գոհունակությունն են հայտնել գյուղում ստեղծված կոոպերատիվից` նշելով, որ այն իրեն արդարացնում է:
Մարզպետի մոտ կայացավ քաղաքացիների հերթական ընդունելությունը 11.11.2011
Նոյեմբերի 11-ին մարզպետ Սարգիս Սահակյանի մոտ կայացավ քաղաքացիների հերթական ընդունելությունը: Նախապես ցուցակագրված 15 քաղաքացուց ներկայացավ 14-ը: Երկու քաղաքացի աշխատանքի խնդիր ուներ: Նրանցից մեկի դիմումը բավարարվեց, մյուսինը՝ մերժվեց: Բնակարանի սեփականության վկայականի ձեռքբերմանը վերաբերող մեկ դիմում ընթացքի մեջ է, իսկ առողջական հարցին առնչվող մեկ դիմում բավարարվել է: 10 քաղաքացի էլ ստացավ դրամական աջակցություն:
Նախագահ Սերժ Սարգսյանն աշխատանքային այցով ժամանել է Արագածոտնի մարզ 28.10.2011
Նախագահ Սերժ Սարգսյանն այսօր աշխատանքային այցով ժամանել է Արագածոտնի մարզ: Հանրապետության ղեկավարը մասնակցել է Ապարանի բժշկական կենտրոնի բացման արարողությանը, ծանոթացել կենտրոնի անհետաձգելի բուժօգնության, վիրահատական և այլ բաժանմունքների պայմաններին, մատուցվող ծառայությունների որակին:
