Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Նշվեց Մոնթե Մելքոնյանի ծննդյան տարեդարձը 23.11.2011
Արագածոտնի մարզկենտրոն Աշտարակ քաղաքի Պերճ Պռոշյանի անվան դպրոցի հերթական միջոցառումը նվիրված էր Հայաստանի Հանրապետության Ազգային հերոս Մոնթե Մելքոնյանի (Ավոյի) ծննդյան 54 ամյակին: Այդ կապակցությամբ դպրոցը հյուրընկալել էր բազմաթիվ հյուրերի, այդ թվում՝ ՀՀ պաշտպանության նախարարի խորհրդական, գեներալ-լեյտենանտ Մուրազ Սարգսյանին, նախարարության այլ պաշտոնյաների, Հայաստանի, ժողովրդական նկարիչ, քանդակագործ, Մոնթե Մելքոնյանի կիսանդրու հեղինակ Լեւոն Թոքմաջյանին, այլ մտավորականների, մանկավարժների:
Մարզպետն ընդունեց ՙՙՓրկեք երեխաներին՚՚ կազմակերպության ղեկավարությանը 23.11.2011
Մարզպետ Սարգիս Սահակյանի մոտ տեղի հանդիպում ՙՙ Փրկեք երեխաներին՚՚ կազմակերպության ղեկավար Իրեն Սարգսյանի եւ ծրագրի պատասխանատու Գեւորգ Եղիազարյանի հետ: Քննարկվեցին նախակրթարանների կառուցման նոր ծրագիրը եւ դրա հետ կապված մի շարք խնդիրներ: Ծրագրի շրջանակում մարզի 4 համայնքի դպրոցներում կառուցվելու են նախակրթարաններ: Յուրաքանչյուր նախակրթարանի համար վերանորոգվելու են մեկական դասասենյակ, 2 սանհանգույց, կատարվելու է կահավորում:
Երկրաշարժի էպիկենտրոնը գտնվում է Աշտարակում 22.11.2011
Նոյեմբերի 21-ին, ժամը 15.52-ին, Հայաստանի Հանրապետության տարածքում գրանցվել է 3.1 մագնիտուդով երկրաշարժ, որի էպիկենտրոնը գտնվում է Աշտարակ քաղաքից 12 կմ դեպի հյուսիս: Երկրաշարժի հիպոկենտրոնը գտնվում է 10 կմ խորության վրա, իսկ ուժգնությունը էպիկենտրոնային գոտում կազմել է 4 բալ:
Ընդունելություն՝ մարզպետարանում 18.11.2011
Մարզպետ Սարգիս Սահակյանի մոտ նոյեմբերի 18-ին կայացավ քաղաքացիների հերթական ընդունելությունը: Ներկայացան նախապես ցուցակագրված բոլոր՝ 12 քաղաքացիները, եւ եւս մեկը՝ արտահերթ: Մեծամասնությունը՝ 11 հոգի, ստացավ դրամական օգնություն:
Մեկնարկել է ՙՙՏաք կաթ՚՚ ծրագիրը 17.11.2011
Արագածոտմի մարզի Թալինի տարածաշրջանի Թալին քաղաքի թիվ 2 եւ Թաթուլ համայնքի դպրոցներում մեկնարկել է ՙՙՏաք կաթ՚՚ ծրագիրը: Այն նախատեսված է առաջինից չորրորդ դասարանների աշակերտների համար, որի շրջանակում նրանց անվճար կմատուցվեն կաթ եւ թխվածքեղեն: Ծրագրի 70% ֆինանսավորումը կատարվում է ՄԱԿ-ի ՙՙՊարենի համաշխարհային պարեն՚ՙ-ի գրասենյակի կողմից, իսկ 30 % ներդրում կատարում են իրենք՝ ծնողները: Ծրագիրը փորձնական է եւ առայժմ իրականացվում է միայն այս երկու դպրոցներում: Առաջիկայում այն կընդգրկի նաեւ այլ կրթօջախներ:
Լրացավ Ազգային հերոս Գեղազնիկ Միքայելյանի ծննդյան 60-ամյակը 16.11.2011
Նոյեմբերի 16-ը Հայաստանի Հանրապետության Ազգային հերոս Գեղազնիկ Միքայելյանի ծննդյան օրն է: Լրացավ նրա 60-ամյակը: Այդ իրադարձությունը հավուր պատշաճի նշեցին նրա ծննդավայրում՝ Սասունիկ համայնքում:
