Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գիտելիքի օրը մարզպետն այցելեց Ուջանի դպրոց 01.09.2012
Սեպտեմբերի 1-ին, ժամը 9.00-ին Արագածոտնի մարզի բոլոր դպրոցներում հնչեց նոր ուսումնական տարվա առաջին զանգը: Տեղի ունեցան հանդիսավոր արարողություններ, ասվեցին ողջույնի, բարեմաղթանքի խոսքեր: Բազմաթիվ հյուրերի թվում դպրոցներ այցելեցին մարզպետարանի ներկայացուցիչները, ովքեր մանկավարժներին եւ աշակերտներին փոխանցեցին մարզպետ Սարգիս Սահակյանի ողջույնի խոսքը՝ նոր ուսումնական տարվա եւ Գիտելիքի օրվա կապակցությամբ:
ՀՀ ԱՐԱԳԱԾՈՏՆԻ ՄԱՐԶՊԵՏ ՍԱՐԳԻՍ ՍԱՀԱԿՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԳԻՏԵԼԻՔԻ ՕՐՎԱ ԿԱՊԱԿՑՈՒԹՅԱՄԲ 31.08.2012
Հարգելի ուսուցիչնե՛ր, ծնողնե՛ր, սիրելի աշակերտնե՛ր Շնորհավորում եմ ձեզ Գիտելիքի օրվա կապակցությամբ։ Բոլոր ժամանակներում գիտելիքն է եղել կյանքի ճանաչողության և գնահատման հիմքն ու չափանիշը, առաջընթացի շարժիչ ուժն ու գրավականը: Արդիական գիտելիքներով զինված, համակողմանիորեն զարգացած նոր սերնդի ձևավորումը այսօր էլ ժամանակի պահանջն է և զարգացման հրամայականը:
Երեխայի պաշտպանությանը նվիրված միջոցառում՝ Աշտարակում 30.08.2012
Արագածոտնի մարզպետարանը եւ Աշտարակի քաղաքապետարանը ,,Սեյվ դը չիլդրեն,, կազմակերպության հետ համատեղ կազմակերպեցին երեխայի պաշտպանությանը նվիրված համայնքային միջոցառում: ,,Ծնողական և մանկական սրճարաններ,,-ում երեխայի պաշտպանության մասնագետներն անց կացրին երեխայի իրավունքների, նրանց հանդեպ բռնության հետևանքների, դրական ծնողավարության վերաբերյալ փոքրիկ դասընթացներ:
Փոխվարչապետն այցելեց Թալինի տարածաշրջան 28.08.2012
Մարզերում առաջնահերթ խնդիրների լուծման ծրագրով իրականացվող աշխատանքների ընթացքին ՀՀ փոխվարչապետ, տարածքային կառավարման նախարար Արմեն Գեւորգյանն այսօր ծանոթացավ Արագածոտնի մարզի Թալինի տարածաշրջանում: Արագածոտնի մարզին առաջնահերթ խնդիրների լուծման ծրագրի երեք փուլերով հատկացվել է շուրջ 2, 2 մլրդ դրամ: Երկրորդ փուլով նախատեսված աշխատանքները կատարվել են 90,3 տոկոսով, ընթացքի մեջ է երրորդ փուլը, որով կիրականացվի դպրոցների, մշակույթի տների, բազմաբնակարան շենքերի տանիքների, համայնքային նշանակության այլ կառույցների նորոգման 41 ծրագիր մարզի 34 համայնքում:
Կայացավ դպրոցների տնօրենների օգոստոսյան խորհրդակցություն 27.08.2012
Օգոստոսի 27-ին Արագածոտնի մարզկենտրոն Աշտարակի Ն. Աշտարակեցու անվան դպրոցում կայացավ դպրոցների տնօրենների օգոստոսյան խորհրդակցությունը:Մարզի հանրակրթական դպրոցների 2011-2012 ուսումնական տարվա արդյունքների եւ 2012-2013 ուստարվա մասին զեկուցեց մարզպետարանի կրթության, մշակույթի եւ սպորտի վարչության պետ Պարգեւ Համբարձումյանը:
Կհատկացվի ազոտական պարարտանյութ եւ դիզելային վառելիք 23.08.2012
Արագածոտնի մարզի հողատերերին կհատկացվի ազոտական պարարտանյութ եւ դիզելային վառելիք: Կառավարության կողմից իրականացվող ծրագրի շրջանակում հողօգտագործողները գյուղատնտեսության համար այդ կարեւոր միջոցները ձեռք կբերեն մատչելի գներով՝ պարարտայնութի 1 պարկի համար վճարելով 6000, իսկ վառելիքի 1 լիտրի համար 350 դրամ: Ընդհանուր առմամբ մարզին կտրվի մոտ 700 տոննա ազոտական պարարտանյութ եւ 946 տոննա դիզելային վառելիք:
