Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քաղաքացիների ընդունելություն՝ մարզպետի մոտ 07.02.2014
Փետրվարի 2-ին Արագածոտնի մարզպետ Սարգիս Սահակյանի մոտ կայացավ քաղաքացիների ընդունելություն: Ցուցակագրված 16 քաղաքացիները բոլորն էլ ներկայացել էին: Եվս 10 քաղաքացի ընդունելության եկան առանց նախապես հերթագրման: Բոլոր քաղաքացիներն էի ունեին դրամական օգնության խնդիր: Բոլորի դիմումներն էլ բավարարվեց: Բացի այդ հարցը, քաղաքացիներից մեկը ուներ նաեւ երեխայի աչքի վիրահատության, մեկ ուրիշը՝ կենսաթոշակի վերահաշվարկի խնդիր: Երկու հարցերի կապակցությամբ էլ մարզպետը համապատասխան ստորաբաժանման ղեկավարներին հանձնարարեց տեղում ուսումնասիրել հարցը: Դրանց լուծման խնդիրը դրվեց ընթացքի մեջ:
Մարզպետը մասնակցեց նորակոչիկների երդման արարողությանը 03.02.2014
Փետրվարի 2-ին Արագածոտնի մարզպետ Սարգիս Սահակյանը այցելեց ՀՀ ՊՆ Մուղնիում տեղակայված զորամաս, որտեղ կայացավ նորակոչիկների երդման արարողություն: Այդ կապակցությամբ զորամաս էին այցելել նաեւ ՀՀ զինված ուժերի բարձրաստիճան պաշտոնյաներ, նորակոչիկների ծնողներ, հարազատներ ու մտերիմներ: Հանդիսավոր պայմաններում նորակոչիկները հայրենիքին անմնացորդ եւ հավատարիմ ծառայելու երդում տվեցին: Նրանց օրհնանքի խոսք հղեց Արագածոտնի թեմի հոգեւոր դասի ներկայացուցիչը, որին հաջորդեցին ներկաների շնորհավորանքները: Ողջույնելով նորակոչիկներին, մարզպետ Սարգիս Սահակյանը շնորհավորեց Հայոց բանակի կազմավորման 22-րդ տարեդարձի եւ այդ բանակում նրանց ծառայության անցնելու կապակցությամբ...
Արագածոտնի մարզային գրադարանում նշվեց Պարույր Սևակի 90 ամյակը 01.02.2014
Արագածոտնի Վ. Պետրոսյանի անվ. մարզային գրադարանը միջոցառում էր պատրաստել հայ մեծ բանաստեղծ Պ. Սևակի ծննդյան 90 ամյակի կապակցությամբ: Գրադարանի աշխատակիցները ներկայացրին գրական կոմպոզիցիա` նվիրված մեծ պոետի կյանքին ու ստեղծագործությանը` առավելապես անդրադառնալով բանաստեղծի սիրերգությանը, այդ թվում հանրահայտ ,,Երգ երգոց>,,ին...
Ծննունդների թիվը՝ հունվար ամսին 01.02.2014
Արագածոտնի մարզի ծննդատներում 2014 թ. հունվար ամսին, ընդհանուր առմամբ, գրանցվել է 99 ծնունդ: Նրանցից 53-ը տղա է, 46-ը՝ աղջիկ: Մարզպետարանի առողջապահության եւ սոցիալական ապահովության վարչության տվյալներով Աշտարակի տարածաշրջանում ծնվել է 28 երեխա: Այստեղ տղաների եւ աղջիկների թիվը հավասար է՝ 14-ական: Ապարանում եւս հավասարաչափ տղա եւ աղջիկ են ծնվել՝ ընդամենը 18 երեխա: Թալինում ծնվել է 37 երեխա: Այստեղ գերակշռում են տղաները՝ 21, աղջիկների թիվը 16 է: Արագածի տարածաշրջանում գրանցվել է 16 ծնունդ, 9 տղա, 7 աղջիկ: Նախորդ ամսվա՝ 2013թ. դեկտեմբերի համեմատ, ի դեպ ծնունդների թիվը մարզում ավելացել է 7-ով:
,,Բանակը պետության ամրոցն է,, 30.01.2014
,,Բանակը պետության ամրոցն է,,. այս խորագրի ներքո Արագածոտնի մարզպետ Սարգիս Սահակյանի նախաձեռնությամբ կազմակերպվեց միջոցառում՝ նվիրված Հայոց բանակի կազմավորման 22-ամյակին: Այն կայացավ Աշտարակի Պերճ Պռոշյանի անվան դպրոցում, որտեղ ռազմահայրենասիրական դաստիարակության լավագույն ավանդույթներ կան: Այստեղ գործում է կրակային պատրաստության կաբինետը, որն ունի մասնագիտացված լավագույն հնարավորությունները: Մասնակիցների թվում էին մարզպետ Սարգիս Սահակյանը, մարզպետի տեղակալներ Նունե Մովսիսյանը, Մուշեղ Աբգարյանը, ՀՀ ՊՆ խորհրդական, գեներալ-լեյտենանտ Մուրազ Սարգսյանը, պետական, ռազմական, հասարակական կառույցների ղեկավարներ, զոհված ազատամարտիկների հարազատներ, այլ հյուրեր...
Փոխվարչապետը խորհրդակցություն անցկացրեց Արագածոտնի մարզպետարանում 29.01.2014
ՀՀ փոխվարչապետ, տարածքային կառավարման նախարար Արմեն Գեւորգյանը շարունակում է մարզային խորհրդակցությունները, որոնց ընթացքում ամփոփվում են 2013թ. կատարված աշխատանքներն ու ներկայացվում 2014թ. ծրագրերն ու անելիքները: Հերթական խորհրդակցությունն այսօր անցկացվեց Արագածոտնի մարզպետարանում, որին մասնակցում էին մարզպետ Սարգիս Սահակյանը, մարզի քաղաքային համայնքների ղեկավարներ, ինչպես նաեւ Տարածքային կառավարման նախարարության եւ մարզպետարանի պատասխանատուներ: Տեղեկացվեց, որ մարզային զարգացման ծրագրով 2013թ. իրականացվել է 117միջոցառում: Ընդհանուր առմամբ 2013թ. մարզում կատարվել է 35, 5 մլրդ դրամի ներդրում, որից միայն 14,5 մլրդ դրամը` քաղաքաշինության, շուրջ 10 մլրդ դրամը` արդյունաբերության, 8 մլրդ դրամը` գյուղատնտեսության, 1,9 մլրդ դրամը` կրթության բնագավառներում...
