Նորություններ
Կկայանա տարեվերջյան մարզխորհրդի նիստը 13.12.2014
Դեկտեմբերի 27-ին, ժամը 12.00-ին ՀՀ Արագածոտնի մարզպետարանում տեղի կունենա մարզխորհրդի նիստ` հետեւյալ օրակարգով. 1. Համայնքների սեփական եկամուտների հավաքագրման տարեկան ցուցանիշների, ինչպես նաև հողի հարկի և գույքահարկի շտեմարանների հետ տարվող աշխատանքների մասին /զեկ. մարզպետարանի աշխատակազմի ֆինանսական և սոցիալ-տնտեսական զարգացման վարչության պետ Ն. ԳԱԼՍՏՅԱՆ/: 2. Մարզի համայնքներում ապօրինի շինարարությունների կանխարգելման և վերացման , արձանագրված խախտումների և դրա դեմ տարվող աշխատանքների մասին /զեկ. մարզպետարանի աշխատակազմի քաղաքաշնության վարչության պետ` Ա. ԴԱՎԱՅԱՆ/: 3. ՀՀ Արագածոտնի մարզպետ Սարգիս Սահակյանի ամփոփիչ ելույթը 2014 թվականին մարզում կատարված աշխատանքների, արձանագրված ձեռքբերումների և բացթողումների մասին: Մարզպետի շնորհավորական խոսքը Ամանորի և Սուրբ Ծննդյան տոների կապակցությամբ: 4. Հայտարարություններ
Կայացավ մարզպետի մոտ քաղաքացիների ընդունելությունը Թալինի տարաշաշրջանի բնակիչների համար 11.12.2014
Դեկտեմբերի 11-ին մարզպետ Սարգիս Սահակյանն այցելեց Թալինի քաղաքապետարան եւ քաղաքացիների ընդունելություն կատարեց Թալինի տարածաշչջանի բնակիչների համար: Համայնքների ղեկավարների կողմից եւ իրազեկման այլ միջոցներով բնակիչները նախօրոք տեղեկացել էին ընդունելության կազմակերպման մասին: Ընդունելությանը մասնակցեց 40 քաղաքացի: Նրանցից 2-ը մարզպետին դիմեց աշխատանքի, 2-ը` բուժօգնության, 1-ը` բնակարանի հարցերով: Դիմումատուները խնդիրների կարգավորման վելաբերյալ ստացան հստակ պատասխաններ եւ պարզաբանումներ: 36 քաղաքացի` համաձայն ներկայացրած դիմումի, ստացավ դրամական աջակցություն: Թալին այցելության ժամանակ մարզպետը հանդիպես նաեւ վետերանների միության անդամներին եւ նրանց նվիրեց հեռուստացույց:
Արտահերթ ընտրություններ Ջամշլու համայնքում 10.12.2014
Դեկտեմբերի 7-ին Արագածոտնի մարզի Ջամշլու համայնքում անցկացվել են համայնքի ղեկավարի արտահերթ ընտրություններ, նախնական արդյունքներով համայնքի ղեկավար է ընտրվել Միրազմ Ուռուսյանը: Համայնքի ղեկավարի ընտրություններում առաջադրվել էր երկու թեկնածու` ՀՀԿ-ական Միրազմ Ուռուսյանը եւ անկուսակցական Մերալի Սադոյանը, ով ինքնաբացարկ էր հայտնել: Նշենք, որ Արագածոտնի մարզի Ջամշլու գյուղական համայնքի նախկին ղեկավար Տիտալ Ալոյանի լիազորությունները վաղաժամկետ դադարեցվել էին սեփական դիմումի համաձայն` առողջական խնդիրների պատճառով: Արտահերթ ընտրությունների նախապատրաստման եւ անցկացման համար ՀՀ կառավարությունը հոկտեմբերի 16-ի թիվ 1130-Ն որոշմամբ ՀՀ կենտրոնական ընտրական հանձնաժողովին հատկացրել էր 1004255.0, ՀՀ ԿԱ ոստիկանությանը` 874.0 դրամ։
ՏԿԱԻ նախարարի աշխատանքային այցն Արագածոտնի մարզ 10.12.2014
Դեկտեմբերի 10-ին ՀՀ տարածքային կառավարման և արտակարգ իրավիճակների նախարար Արմեն Երիցյանը աշխատանքային այցով Արագածոտնի մարզում էր: Արմեն Երիցյանի առաջին կանգառն Ապարան քաղաքում էր: Մարզպետ Սարգիս Սահակյանի ուղեկցությամբ նախարարն այցելեց քաղաքային երեք մանկապարտեզ: Շրջելով մանկապարտեզների տարածքում` ՏԿԱԻ նախարարը ծանոթացավ առկա պայմաններին, զրուցեց մանկավարժների հետ և լսեց նրանց հուզող խնդիրներն ու մտահոգությունները
Այցելություն` արուճեցի Մայիս Գեղամյանին 06.12.2014
Արագածոտնի մարզպետ Սարգիս Սահակյանի հանձնարարությամբ փոխմարզպետ Նունե Մովսիսյանը եւ մարզպետարանի աշխատակազմի ղեկավար Հրաչյա Գեւորգյանը դեկտեմբերի 5-ին այցելեցին Արուճ եւ հանդիպեցին Մայիս Գեղամյանին: Հիշեցնենք, որ բանակում 45 օր ծառայած 19-ամյա Մայիս Գեղամյանը առողջական բարդ խնդիրների պատճառով զինծառայությունից վաղաժամ ազատվել է եւ ներկայումս քիմիոթերապիայի կուրսեր է անցնում...
Մարզպետը քաղաքացիների ընդունելություն կատարեց Ապարանում 04.12.2014
Քաղաքացիների ընդունելությունների կազմակերպման կարգի համաձայն Արագածոտնի մարզպետ Սարգիս Սահակյանի մոտ ընդունելության օր է յուրաքանչյուր ուրբաթ, որին քաղաքացիները մասնակցում են ինչպես նախապես գրանցվելով, այլնպես էլ հանպատրաստից: Բացի այդ, յուրաքանչյուր եռամսյակի երրորդ ամսում մարզպետը այցելում է տարածաշրջաններ եւ տեղում կազմակերպում քաղաքացիների ընդունելություն: Դեկտեմբերի 4-ին Սարգիս Սահակյանն այցելեց Ապարան, եւ քաղաքապետարանում կայացավ ընդունելություն...