Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
,,Դասը վարում է ոստիկանապետը,, 18.05.2013
Մարզկենտրոն Աշտարակի Պ.Պռոշյանի անվան թիվ 3 հիմնական դպրոցում մայիսի 17-ին ,,Դասը վարում է ոստիկանը,, օրվա կապակցությամբ հետաքրքիր հանդիպում էր. 8-րդ և 9-րդ դասարանների աշակերտների և ուսուցիչների համար զրույց- զեկույց անցկացրեց Աշտարակի ոստիկանապետ, փոխգնդապետ Ա .Արիստակեսյանը: Ոստիկանապետը ներկայացրեց ոստիկանության կազմավորման պատմությունը, նրա անցած ճանապարհը: Կարևորելով ոստիկանության անչափահասների գործերով բաժանմունքի դերն ու նշանակությունը՝ նա նշեց, որ ոստիկանությունն ամեն ինչ անում է, որպեսզի ապագա սերունդն ապրի առավել ապահով և անվտանգ
Մարզպետի մոտ կայացավ քաղաքացիների ընդունելություն 17.05.2013
ՀՀ Արագածոտնի մարզպետ Սարգիս Սահակյանի մոտ մայիսի 17-ին կայացավ քաղաքացիների հերթական ընդունելությունը: Նախապես ցուցակագրվել էր 28 քաղաքացի, սակայն, ընդունելությանը մասնակցեցին ավելի մեծ թվով քաղաքացիներ, որոնց հուզող հարցերին տեղում հնարավոր լուծումներ տրվեց: Քաղաքացիներից 4-ը առողջարանների ուղեգրեր ստանալու դիմում էր ներկայացրել: 42 քաղաքացի ստացան դրամական օգնություն: Նրանց մեջ, ի դեպ, 11 հոգի զոհված ազատամարտիկների ընտանիքների անդամներ էին: Մեկ քաղաքացի էլ բնակարանի խնդիր ուներ: Նրա հարցի լուծումը ընթացքի մեջ է...
ՀՀ ԱԺ նախագահ Հովիկ Աբրահամյանն այցելեց գյուղական համայնքների բազմազավակ ընտանիքներին 16.05.2013
Ազգային ժողովի նախագահ Հովիկ Աբրահամյանը մայիսի 16-ին այցելեց Արագածոտնի մարզի մի քանի բազմազավակ ընտանիքների: Մայիսի 15-ը արդեն երկու տարի է՝ օրենսդրորեն ամրագրվել է որպես Ընտանիքի օր, որի առիթով խորհրդարանի ղեվավարը Արագածոտնի մարզպետ Սարգիս Սահակյանի ուղեկցությամբ այցելեց մարզի գյուղական համայնքների սոցիալապես անապահով եւ բազմազավակ երեք ընտանիքների: Շենավան գյուղում ԱԺ նախագահը եղավ Գրիգորյանների տանը. բազմանդամ այս ընտանիքում մեծանում է տասը երեխա: Քուչակ գյուղում այցելեց Պետրոսյանների ընտանիքին ու նրա վեց արու զավակներին, նույն գյուղում՝ նաեւ Երվանդյանների ընտանիքին, որտեղ ապրում է ինը երեխա, իսկ նրանց հայրը պայմանագրային զինծառայություն է անցնում Լեռնային Ղարաբաղում...
Նշվեց Հաղթանակի եւ խաղաղության տոնը 09.05.2013
Մայիսի 9-ին, վաղ առավոտյան Արագածոտնի մարզկենտրոն Աշտարակի Ներսես Աշտարակեցու անվան հրապարակը տոնական տրամադրության մեջ էր: Հաղթանակի եւ խաղաղության օրվան նվիրված միջոցառումների մեկնարկը այս հրապարակում էր, որտեղ ներկա էին մարզի եւ քաղաքի ղեկավարները, պետական, կրթական, առողջապահական, հասարակական, այլ կազմակերպությունների ներկայացուցիչներ, քաղաքի բնակիչներ...
ՀՀ Արագածոտնի մարզպետ Սարգիս Սահակյանի ուղերձը մայիսի 9-ի՝ Հաղթանակի եւ խաղաղության տոնի առթիվ 08.05.2013
Սիրելի հայրենակիցնե՛ր, Հայրենական պատերազմի մեծարգո վետերաններ, Արցախյան ազատամարտի մասնակիցներ, Ջերմորեն շնորհավորում եմ Հաղթանակի եւ խաղաղության տոնի առթիվ: Մայիսի 9-ը մեզ համար կրկնակի խորհուրդ ունի: Այս հրաշալի օրը մեր ժողովրդի պատմության մեջ նշանավորվում է իբրեւ Հայրենական պատերազմում տարած փառավոր հաղթանակի եւ, միաժամանակ, Շուշիի ազատագրման հերոսական տոն...
Աշխատանքային խորհրդակցություն՝ մարզպետի մոտ 08.05.2013
ՀՀ Արագածոտնի մարզպետ Սարգիս Սահակյանի մոտ կայացավ աշխատանքային խորհրդակցություն՝ փոխմարզպետի, աշխատակազմի ղեկավարի, մարզպետի խորհրդականների եւ օգնականների, կառուցվածքային ստորաբաժանման ղեկավարների մասնակցությամբ: Քննարկվեց ՀՀ կառավարության, տարածքային կառավարման նախարարության, պետական, կառավարման այլ մարմինների կողմից ստացված հանձնարարականների կատարման ընթացքը: Դրանք, մասնավորապես, առնչվում էին 2013 թվականի առաջին եռամսյակում վարչական վերահսկողության արդյունքների, աշնանացան ցորենի, ազոտական պարարտանյութերի տրամադրման եւ դրանց դիմաց գումարների հավաքագրման, հողի հարկի, հողի վարձավճարի եւ գույքահարկի գանձման գործընթացներին եւ այլ հարցերի...
