Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հարթավան համայնքում ներդրումային ծրագրեր են իրականացվում 24.09.2013
Արագածոտնի մարզի Հարթավան գյուղում ներդրումային ծրագրեր են իրականացվում՝ օգտագործելով ինչպես պետական, այնպես էլ միջազգային կազմակերպությունների հնարավորությունները: ՙՙՎորլդ Վիժն ինթերնեշնլ,, կազմակերպության ծրագրով վերանորոգվել է դպրոցի տանիքը, ինչով պայմանավորված՝ ապարանյան խստաշունչ ձմռանը կրթօջախը բարենպաստ պայմաններ կունենա: Կազմակերպությունը տրամադրել է անհրաժեշտ ողջ շինանյութը, իսկ համայնքի ներդրումը եղել է աշխատուժի տարբերակով: Շինարարական աշխատանքներն ընթացել են օգոստոս ամսին, եւ նոր ուսումնական տարին դպրոցը դիմավորել է նորոգ տանիքով...
Վերանորոգվել է Աշնակի գյուղապետարանի շենքը 23.09.2013
Արագածոտնի մարզի Աշնակ համայնքում վերանորոգվել է գյուղապետարանի շենքը: Աշխատանքներն իրականացվել են ,, Քաունթերփարթ ինթերնեշնլ,, միջազգային կազմակերպության ծրագրով: Վերանորոգման է ենթարկվել երկհարկանի կառույցի երկրորդ հարկը՝ 150 ք.մ տարածքով: Ասենք, որ առաջին հարկը վերջերս էր վերանորոգվել, և դրա անհրաժեշտությունը չկար: Շինարարական աշխատանքներն ընթացել են ընդամենը 2 ամսում՝ օգոստոս-սեպտեմբեր ամիսներին: Ընդհանուր առմամբ փոխվել են տանիքը, դռներն ու լուսամուտները, նորոգվել է հատակը: Կառուցվել է նաեւ լոկալ ջեռուցման համակարգ, որը աշխատելու է բնական գազով...
Արագածոտնի մարզը մասնակցեց ,,Արտ-էքսպո,, ցուցահանդեսին 23.09.2013
Արագածոտնի մարզը իր մասնակցությունն ունեցավ Գյումրիում կազմակերպված ԱՊՀ երկրների միջազգային ,,Արտ-էքսպո,, ցուցահանդեսին: Միջոցառման ընթացքում քաղաքի կենտրոնական հրապարակում առանձին տաղավարներով ներկայացվեցին ,,Արտ-էքսպո-ԱՊՀ,,, ,,Արտ-էքսպո-մարզեր,, եւ ,,Արտ-էքսպո-ամենամյա միջոցառումներ,, հարթակները: Հարուստ եւ հետաքրքիր էր Արագածոտնի մարզի տաղավարը...
Արագածոտնում նշվեց Անկախությանը տոնը 22.09.2013
Անկախության տոնին նվիրված գլխավոր տոնակատարությունը Արագածոտնի մարզում տեղի ունեցավ սեպտեմբերի 22-ին` մարզկենտրոն Աշտարակի մարզադաշտում կազմակերպված տոնախմբությամբ, որի կազմակերպիչը մարզպետարանն էր: Մասնակցում էր ՀՀ վարչապետ Տիգրան Սարգսյանը: Հրավիրվածների թվում էին նաեւ պետական, հասարակական, մշակույթի ոլորտի բազմաթիվ բարձրաստիճան հյուրեր, համայնքների ղեկավարներ, Աշտարակի եւ այլ համայնքների բնակիչները...
ՀՀ Արագածոտնի մարզպետ Սարգիս Սահակյանի շնորհավորական ուղերձը Անկախության օրվա կապակցությամբ 21.09.2013
Սիրելի հայրենակիցնե՛ր, շնորհավորում եմ Անկախության օրվա կապակցությամբ: Սեպտեմբերի 21-ը՝ Անկախության օրը, մեր ժողովրդի համար ավելին է, քան տոնը: Այն իր մեջ ամփոփում է մեր պատմությունն իր ամբողջականությամբ: Քանզի, բոլոր ժամանակներում անվերջ երազել, եւ այդ գաղափարի համար անմնացորդ պայքարել ու նահատակվել են ժողովրդի հերոս զավակները: Այդ մղումով են գործել եւ դեպի նպատակակետն են գնացել ժողովրդի լավագույն գործիչները...
Կկայանա Անկախության օրվան նվիրված տոնախմբություն 20.09.2013
ՀՀ Արագածոտնի մարզպետարանը 2013 թ. սեպտեմբերի 22-ին, ժամը 17.00-ին մարզկենտրոն Աշտարակ քաղաքի մարզադաշտում կկազմակերպի տոնահանդես՝ նվիրված Հայաստանի Անկախության տոնի 22-րդ տարեդարձին: Ծրագրում՝ -ավանդական հյուրասիրություն շուրջ 10 000 մարդու համար, որին կմասնակցեն մայրաքաղաքից, այլ մարզերից ժամանած բարձրաստիճան հյուրեր,մարզի բոլոր տարածաշրջանների բնակիչները -պաշտոնական շնորհավորանքներ, ողջույնի խոսքեր -համերգ՝ հանրապետության լավագույն երգիչ-երգչուհիների, ասմունքողների, համույթների մասնակցությամբ -տոնական հրավառություն: ՀՀ ԱՐԱԳԱԾՈՏՆԻ ՄԱՐԶՊԵՏԱՐԱՆ
