Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Բարեսիրական հերթական ծրագիրը՝ Արագածոտնում 25.01.2014
Դիակոնիա բարեգործական հիմնադրամը Արագածոտնի մարզում իրականացրեց հերթական ծրագիրը: Սոցիալապես անապահով ընտանիքների տրամադրվեցին տարբեր սննդամթերքներ պարունակող տուփեր: Ծրագիրն իրականացվել է մարզպետարանի հետ համատեղ: Մարզպետ Սարգիս Սահակյանի հանձնարարականով, նախապես կատարվել է ուսումնասիրություն, որպեսզի ապահովվի ծրագրի արդյունավետությունը: Ըստ այդմ, ծրագրի մեջ ընդգրկվել են Պարտիզակ, Կաքավաձոր եւ Ագարակավան համայնքները...
Արդի կրթական հնարավորություններ՝ Արտենիի թիվ 1 դպրոցում 23.01.2014
Արագածոտնի մարզի Արտենի համայնքում հիմնանորոգումից հետո վերաբացվել է թիվ 1 դպրոցի տարրականի մասնաշենքը եւ հիմնադրվել է ստեղծագործարանը: Հիմնարորոգումն իրականացրել է Մանուկների հիմնադրամը (COAF): Վերանորոգվել են դասասենյակները, հիմնվել է ատամների մաքրման կայան, կատարվել է նաեւ կահավորումը: Իսկ ստեղծագործարանը հիմնվել է ՎիվաՍԵԼ-ՄՏՍ-ի ֆինանսավորմամբ, որից կօգտվեն դպրոցի բոլոր աշակերտները:
Արագածոտնի մարզպետի մոտ քննարկվեցին ջրամատակարարման խնդիրներ 21.01.2014
Արագածոտնի մարզպետ Սարգիս Սահակյանի մոտ տեղի ունեցավ խմելաջրի մատակարարման խնդիրներին եւ առաջիկա ծրագրերին նվիրված խորհրդակցություն, որին մասնացում էր ,,Հայջրմուղկոյուղի,, ՓԲԸ գլխավոր տնօրեն Պատրիկ Լորենը: Պ. Լորենը ներկայացրեց ընկերության կողմից մարզում իրականացվող ծրագրերը, համաձայն որի, խմելաջրի համակարգերի վերանորոգման լայնածավալ աշխատանքներ են ընթանալու Աշտարակ քաղաքում եւ հարակից մի քանի գյուղերում: Արդյունքում՝ նախատեսվում է ջրամատակարարման էական բարելավում...
Խորհրդակցություն` մարզպետների մասնակցությամբ 18.01.2014
ՀՀ փոխվարչապետ, տարածքային կառավարման նախարար Արմեն Գեւորգյանի մոտ այսօր մարզպետների մասնակցությամբ կայացած խորհրդակցության ընթացքում քննարկվեցին մարզպետարանների եւ համայնքային ենթակայության հիմնարկներում իրավապայմանագրային ընթացիկ խնդիրներին առնչվող հարցեր` պայմանավորված նոր ֆինանսական տարվա մեկնարկով: Ա. Գեւորգյանը կարեւորեց սեղմ ժամկետներում անհրաժեշտ աշխատանքների իրականացումը` հաշվի առնելով, որ կառավարության վերջին նիստում արդեն ընդունվել են համապատասխան որոշումները, մասնավորապես` հաստատվել է ՀՀ պետական հանրակրթական ուսումնական հաստատությունների ֆինանսավորման լրամշակված բանաձեւը...
Հին Նոր տարին` Ապարանում 11.01.2014
Արագածոտնի մարզի Ապարան քաղաքում ավանդույթի համաձայն նշվեց Հին Նոր տարին: Տոնահանդեսը կայացավ քաղաքի կենտրոնական հրապարակում, որտեղ ներկա էին մարզպետ Սարգիս Սահակյանը, փոխմարզպետներ Նունե Մովսիսյանն ու Մուշեղ Աբգարյանը, Նիգ-Ապարան հայրենակցական միության պատվավոր նախագահ Աղվան Հովսեփյանը, մարզպետներ, բազմաթիվ մտավորականներ, քաղաքական-հասարակական գործիչներ մայրաքաղաքից, հանրապետության այլ համայնքներից: Ինչպես ամեն տարի, այս տարի եւս յուրաքանչյուր մարզ ներկայացել էր իր տաղավարներով, որտեղ ավանդական կերակրատեսակների հյուրասիրության էին հրավիրվում բոլոր ներկաները...
Արագածոտնի մարզում գրանցված ծնունդների թիվը 10.01.2014
Արագածոտնի մարզի բժշկական հաստատություններում 2014 թվականի հունվար ամսվա առաջին տասնօրյակում ծնվել է 39 երեխա, որից 19-ը՝ տղա, 20-ը՝ աղջիկ: Մարզպետարանի առողջապահության եւ սոցիալական ապահովության վարչության տվյալներով 2013 թվականի վերջին՝ դեկտեմբեր ամսին ծնվել է 92 երեխա: Նրանցից 53-ը տղա է, 39-ը՝ աղջիկ: Իսկ ընդհանուր առմամբ, տարվա ընթացքում գրանցվել է 1046 ծնունդ:
