Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Կայացավ Արագածոտնի մարզխորհրդի նիստը 05.06.2014
Հունիսի 5-ին Արագածոտնի մարզպետարանում կայացավ մարզխորհրդի նիստը, որը վարում էր մարզպետ Սարգիս Սահակյանը: Օրակարգային առաջին հարցը նա տրամադրեց մարզային ոստիկանության պետ, գնդապետ Ռ.Գրիգորյանին, ով նշեց, որ ՀՀ ոստիկանության պետ Վ. Գասպարյանի հանձնարարականով, իրենք պարբերաբար հանդիպումներ են ունենալու մարզային եւ համայնքային իշխանությունների հետ եւ քննարկելու են համատեղ իրականացվելիք ծրագրերը: Ոստիկանապետը խոսեց իրենց հատկացված՝ ավագ դպրոցների ոստիկանների հաստիքների,ապօրինի պահվող զենք-զինամթերքների եւ դրանց օրինականացման, համայնքային ոստիկանների համար համայնքներում առկա աշխատանքային պայմանների եւ այլ հարցերի մասին: Անդրադառնալով Ռ. Գեւորգյանի կողմից բարձրացված հարցերին, Սարգիս Սահակյանը կարեւորեց ապօրինի զենք-զինամթերքի օրինականացման եւ համակարգի կողմից իրականացման գործընթացում համայնքապետերի աջակցությունը...
Թալինում կայացավ քաղաքային զբոսայգու բացումը 04.06.2014
Արագածոտնի մարզի Թալին քաղաքում հունիսի 3-ը տոնական էր: Առիթը քաղաքային զբոսայգու բացումն էր, որն անցկացվեց Մանուկների պաշտպանության միջազգային օրվա շրջանակում: Զբոսայգու հիմնանորոգման ծրագիրն իրականացվել է ,,Վորլդ Վիժըն- Հայաստան,, կազմակերպության եւ Թալին քաղաքապետարանի կողմից, որին իր անմիջական աջակցությունն է ունեցել մարզպետարանը...
Մայիս ամսին Արագածոտնի մարզում ծնվել է 82 երեխա 04.06.2014
Արագածոտնի մարզի ծննդատներում 2014 թ. մայիս ամսին գրանցվել է 84 ծնունդ, որը 12-ով ավել է ապրիլ ամսից: Նրանցից 50-ը տղա է, 34-ը՝ աղջիկ: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 31 երեխա՝ 17 տղա, 14 աղջիկ: Ապարանի տարածաշրջանում ծնվել է 11 տղա եւ 6 աղջիկ ՝ ընդամենը 17 երեխա: Թալինի տարածաշրջանում ծնվել է 29 երեխա: Այստեղ գերակշռում են տղաները՝ 16, աղջիկների թիվը 13 է: Արագածի տարածաշրջանում գրանցվել է 7 ծնունդ, որից 6-ը՝ տղա, եւ 1 աղջիկ:
Բարեգործական ծրագրեր՝ Արագածոտնի մարզի Ուշի գյուղում 03.06.2014
Հունիսի 1-ը Արագածոտնի մարզի Ուշի համայնքում նշանավորվեց հիմնանորոգված մշակույթի տան շահագործմամբ: Ծրագիրն իրականացվել է կանադահայ մի խումբ բարերարների աջակցությամբ: Վերանորոգվել է մշակույթի տան դահլիճն ամբողջությամբ: ,,Վիվասել-ՄՏՍ,,-ի կողմից էլ իրականացվել է կահավորումը, ինչ արդյունքում դահլիճն ունի նոր նստարաններ, վարագույր, տեխնիկական արդիական սարքավորումներ: Մշակույթի տան բացման հանդիսավոր արարողությանը ներկա էին Արագածոտնի մարզպետ Սարգիս Սահակյանը, ,,Վիվասել-ՄՏՍ,,-ի գործադիր տնօրեն Ռալֆ Յիրիկյանը, բարերարները, այդ թվում՝ վերանորոգման կազմակերպչական աշխատանքները համակարգող Մարգար Շարաբխամյանը, բազմաթիվ այլ հյուրեր
Արագածոտնի մարզում մեկնարկեցին պետական միասնական քննությունները 03.06.2014
Հունիսի 3-ին Արագածոտնի մարզում մեկնարկեցին պետական միասնական քննությունները: Շրջանավարտները քննություն են հանձնեցին կենսաբանություն, աշխարհագրություն եւ ընդհանուր պատմություն առարկաներից, որոնց մասնակցեց 59 շրջանավարտ: Պետական միասնական քննությունները մարզում անց են կացվում Աշտարակի Ն. Սիսակյանի անվան թիվ 5 ավագ եւ Պերճ Պռոշյանի անվան թիվ 3 հիմնական դպրոցներում: Մարզպետ Սարգիս Սահակյանի հանձնարարությամբ մարզպետարանի մասնագետները հետեւողականություն են իրականացրել, որպեսզի դպրոցներում ստեղծվեն բոլոր անհրաժեշտ պայմանները՝ քննությունները լավագույնս կազմակերպելու համար...
Գարիկ Միքայելյանի անդրանիկ ցուցահանդեը 03.06.2014
2007 թվականին զինվորական ծառայության ժամանակ Արագածոտնի մարզի Աշտարակ քաղաքի բնակիչ Գարիկ Միքայելյանի հետ տեղի ունեցած դժբախտ պատահարը նրանից խլեց երկու ձեռքը: Անասելի փորձությունների միջով անցավ նրա ընտանիքը: Հոգեկան ծանր ապրումներ ու զրկանքներ կրեցին ծնողները` որդուն ամուր պահելու ու կյանքի նկատմամբ հավատը չկորցնելու համար: Նրանց եւ շրջապատի հոգատար մարդկանց շնորհիվ երիտասարդը կարողացավ իրեն վերագտնել, ապրել ու իր տեղը ամրապնդել կյանքում: Իսկ այդ ամեննի հիմնարար խթանը հանդիսացավ Սերժ Սարգսյանի հովանավորությամբ Գերմանիայում բուժվելու եւ վիրահատվելու բացառիկ հնարավորությունը...
