Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Հունիս ամսին ՀՀ Արագածոտնի մարզպետը քաղաքացիների ընդունելություն կկատարի մարզի տարածաշրջաններում 13.05.2014
Քաղաքացիների ընդունելությունների կազմակերպման սահմանված կարգի համաձայն, ՀՀ Արագածոտնի մարզպետ Սարգիս Սահակյանը 2014 թ. հունիսի 13-ին, ժամը 12.00-ին Ապարանի տարածաշրջանի քաղաքացիների համար ընդունելություն կկազմակերպի Ապարանի քաղաքապետարանում, հունիսի 20-ին, ժամը 12.00-ին՝ Ծաղկահովիտի գյուղապետարանում՝ Արագածի տարածաշրջանի քաղաքացիների համար, հունիսի 27-ին, ժամը 12.00-ին՝ Թալինի քաղաքապետարանում՝ Թալինի տարածաշրջանի բնակիչների համար: ՀՀ ԱՐԱԳԱԾՈՏՆԻ ՄԱՐԶՊԵՏԱՐԱՆ
Վաստակաշատ աշխատողների համար կկազմակերպվի թատրոնի դիտում 13.05.2014
Աշխատավորի օրվա կապակցությամբ ՀՀ Արագածոտնի մարզպետ Սարգիս Սահակյանի նախաձեռնությամբ մարզի վաստակաշատ աշխատողների համար կազմակերպվել է թատրոնի դիտում: Տարբեր ոլորտների շուրջ 50 աշխատող մայիսի 17-ին Երեւանի պատանի հանդիսատեսի թատրունում կդիտի ,, Մեղրի համը,, ներկայացումը:
Հաղթանակի եւ խաղաղության օրը Արագածոտնում 09.05.2014
Արագածոտնի մարզում Մայիսի 9-ի տոնակատարության հավաքատեղին Աշտարակի Ն. Աշտարակեցու անվան հրապարակն էր: Այստեղ էին հավաքվել մարզի ղեկավարները, քաղաքային եւ գյուղական համայնքների, հանրակրթական դպրոցների, առողջապահական հաստատությունների, հասարակական եւ այլ կառույցիների ներկայացուցիչներ, հյուրեր: Հաղթանակի եւ խաղաղության օրվա եւ Շուշիի հերոսական ազատագրմանը նվիրված միջոցառումներն սկսվեց ,,Փառքի սրահ,, այցելությամբ: Մարզպետ Սարգիս Սահակյանը, այլ պաշտոնյաներ, Հայրենական եւ Արցախյան պատերազմի վետերաններ այստեղ մասնակցեցին սրահի եւս մեկ սենյակի բացման արարողությանը...
ՀՀ Արագածոտնի մարզպետ Սարգիս Սահակյանի ուղերձը մայիսի 9-ի՝ Հաղթանակի եւ խաղաղության տոնի առթիվ 08.05.2014
Սիրելի հայրենակիցնե՛ր, Հայրենական պատերազմի հարգելի վետերաննե՛ր, Արցախյան ազատամարտի մասնակիցնե՛ր, Ի սրտե շնորհավորում եմ Մայիսի 9-ի՝ Հաղթանակի եւ խաղաղության տոնի առթիվ: Տոն, որը կրկնակի խորհուրդ ունի մեզ համար: Ֆաշիզմի դեմ տարած հաղթանակը եւ Երկրորդ համաշխարհային պատերազմի ավարտը մեծագույն իրադարձություն էր ինչպես ամբողջ աշխարհի, այնպես էլ հայ ժողովրդի կյանքում: Թերեւս, ոչ պատահականորեն, մայիսի 9-ը մեզ համար եւս մեկ հաղթանակի` ադրբեջանական բռնազավթումից Շուշիի ազատագրման օրն է...
Ապրիլ ամսին Արագածոտնի մարզում ծնվել է 72 երեխա 06.05.2014
Արագածոտնի մարզի ծննդատներում 2014 թ. ապրիլ ամսին եղել է 72 ծնունդ: Նրանցից 30-ը աղջիկ է, է, 42-ը՝ տղա: Մարզպետարանի առողջապահության եւ սոցիալական ապահովության վարչության տվյալներով, Աշտարակի տարածաշրջանում ծնվել է 17 երեխա՝ 11 տղա, 6 աղջիկ: Ապարանի տարածաշրջանում եւս ծնունդների թիվը 17 է, որից 8 աղջիկ է, 9-ը՝ տղա : Թալինի տարածաշրջանում ծնվել է 30 երեխա: Այստեղ գերակշռում են տղաները՝ 17, աղջիկների թիվը 13 է: Արագածի տարածաշրջանում գրանցվել է 8 ծնունդ, որից 5-ը՝ տղա, 3 աղջիկ:
Հունիսի 8-ին կկայանան ՏԻՄ հերթական ընտրություններ 05.05.2014
2014թ. հունիսի 8-ին Արագածոտնի մարզում կկայանան տեղական ինքնակառավարման մարմինների հերթական ընտրություններ: Համայնքի ղեկավարի ընտրություններ կանցկացվեն Նիգավան, Անտառուտ, Դավթաշեն, Դպրեվանք եւ Նոր Արթիկ համայնքներում: Իսկ Դավթաշեն եւ Դպրեվանք համայնքներում, ինչպես նաեւ Մեծաձոր համայնքնում կընտրվի ավագանի: Նույն օրը համայնքի ղեկավար կընտրի նաեւ Արագած համայնքը: Այստեղ ընտրությունը արտահերթ է, քանի որ նախկին համայնքապետը հրաժարական էր տվել: Հերթական ընտրությունների համար թեկնածուների առաջադրման ժամկետը սահմանված է մայիսի 4-9-ը, իսկ արտահերթում՝ մայիսի 9-13-ը:
