Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մարզում փակ ճանապարհներ չկան 31.03.2014
Օդի ջերմաստիճանի կտրուկ անկման եւ ձյան տեսքով տեղումների կանխատեսումներով պայմանավորված՝ Արագածոտնի մարզում նախապատրաստական գործընթացներ էին իրականացվել: Այդուհանդերձ, մարտի 30-ից սկսած առատ ձյունն ու բուքը դժվարին կացություն էր ստեղծել միջպետական, մարզային եւ համայնքային ճանապարհներին, որոշ բնակավայրեր հոսանքազրկվել էին: Մարզի ղեկավարության հանձնարարությամբ գործի դրվեցին վերականգնողական բոլոր հնարավոր միջոցները, իրականացվեց մայրուղիների մաքրման, մեքենաների խցանումների վերացման, էլեկտարականության մատակարարման վերականգնման աշխատանքներ...
ԱՌԱՋԻԿԱ 5 ՕՐՎԱ ԵՂԱՆԱԿԻ ԿԱՆԽԱՏԵՍՈՒՄ 31.03.2014
Ուշադրություն Ապրիլի 1-ի գիշերը Արարատյան դաշտում և նրա նախալեռներում, Տավուշում, Սյունիքի հովտային գոտիներում սպասվում է ջերմաստիճանի անկում` գիշերը օդում մինչև 6 աստիճան ցուրտ, հողի մակերևույթին` 7 աստիճան ցուրտ: Ապրիլի 1-5-ին սպասվում է առավելապես առանց տեղումների եղանակ: Քամին հյուսիս-արևմտյան 2-7մ/վրկ: Օդի ջերմաստիճանը 1-ի ցերեկը, 2-5-ին կբարձրանա 8-10 աստիճանով:
Մարզերում առաջիկայում կմեկնարկեն հինգերորդ հրատապ ծրագրի իրականացման աշխատանքները 29.03.2014
ՀՀ փոխվարչապետ, տարածքային կառավարման նախարար Արմեն Գեւորգյանի մոտ մարզպետների մասնակցությամբ այսօր կայացած խորհրդակցության ընթացքում քննարկվեցին մարզերում առաջնահերթ խնդիրների լուծման հինգերորդ հրատապ ծրագրի իրականացման հետ կապված հարցեր: ՀՀ կառավարության մարտի 19-ի նիստում ընդունված որոշմամբ շուրջ 10 մլրդ դրամ է հատկացվել մարզերին` համայնքներում հրատապ խնդիրների լուծման նպատակով: Այս ծրագրով եւս, ինչպես նախորդ չորս հրատապ ծրագրերով, հիմնականում կիրականացվեն դպրոցաշինության, ճանապարհաշինության, բնակարանաշինության, ջրամատակարարման եւ համայնքներում հրատապ նշանակություն ունեցող այլ աշխատանքներ: Ա. Գեւորգյանը մարզպետներին առաջարկեց սկսել նախապատրաստական աշխատանքների իրականացումը` նախատեսված ծրագրերը ժամանակին կատարելու եւ ավարտելու համար...
Կլոր սեղան-քննարկում՝ միջազգային կազմակերպությունների մասնակցությամբ 29.03.2014
Արագածոտնի մարզպետ Սարգիս Սահակյանի մոտ կայացավ կլոր սեղան-քննարկում՝ միջազգային կազմակերպությունների մասնակցությամբ: Նման ձեւաչափով սա երկրորդ հանդիպումն է միջազգային տարբեր կազմակերպությունների, հիմնադրամների, ընկերությունների ղեկավարների հետ, որը նպատակ ունի քննարկել, հստակեցնել ամենատարբեր ծրագրերի իրականացման հնարավորությունները: Կլոր սեղանին ներկա էին Հայաստանի վերականգնվող էներգետիկայի եւ էներգախնայողության հիմնադրամի, Դիակոնիա բարեգործական հիմնադրամի, GOAF (Մանուկների հիմնադրամ)-ի, Կազա Շվեյցարական մարդասիրական հիմնադրամի...
Մարզպետ Սարգիս Սահակյանը քաղաքացիների ընդունելություն կատարեց Արագածի տարածաշրջանում 28.03.2014
Մարտի 28-ին Արագածոտնի մարզպետ Սարգիս Սահակյանը Ծաղկահովիտի համայնքապետարանում կազմակերպեց քաղաքացիների ընդունելություն, որին մասնակցեցին Արագածի տարածաշրջանի բնակիչները: Մինչ ընդունելությունը սկսելը, Սարգիս Սահակյանըտ հանդիպեց համայնքապետերի հետ: Քննարկվեցին գարնան գյուղատնտեսական աշխատանքներին ընթացքին, ինչպես նաեւ համայնքներում իրականացվող ծրագրերին վերաբերող մի շարք հարցեր: Ընդունելության ժամանակ, ընդհանուր առմամբ, բարձրացվեց ավելի քան 50 հարց...
ԱՌԱՋԻԿԱ 5 ՕՐՎԱ ԵՂԱՆԱԿԻ ԿԱՆԽԱՏԵՍՈՒՄ 27.03.2014
Ուշադրություն Մարտի 30-ի ցերեկը և 31-ի գիշերը օդի ջերմաստիճանը կնվազի 10-15 աստիճանով: Մարտի 31-ին և ապրիլի 1-ին Արարատյան դաշտում և նրա նախալեռներում, Տավուշում, Սյունիքի հովտային գոտիներում սպասվում է գիշերը օդում մինչև -3 աստիճան, հողի մակերևույթին` -5 աստիճան ցուրտ: 30-ի ցերեկը և 31-ին լեռնային շրջաններում, Լոռիում, Տավուշում և Սյունիքի նախալեռներում սպասվում է ձյուն, մնացած շրջաններում թաց ձյուն և ձնախառն անձրև...
